SADQA KHAIRAT

BISMILLAH

Jo Log Aasanee Me Aur Sakhti Ke Mauqa Per Bhi Allah Ke Raaste Men Kharch Karte Hain, Ghussa Peene Wale Aur Logon Se Darguzar Karne Wale Hai,’ Allah Taa’la Un Naik Karo Se Muhabbat Karta Hai.
(Al Quran, Surah Al Imran 3, Ayat 134)

Jo Log Apna Maal Allah Tala Ki Raah Me Kharch Karte Hain Iski Missal Us Dane Jaise Hai Jisme Se Saat Baliyan Nikley Aur Har Baali Me Sau (100)Dane Hon Aur Allah
Tala Jise Chahta Hai Barah Charah Kar De, Aur Allah Tala Kusoodgi Wala Aur Ilm Wala Hai
(Al Quran, Surah Bakra 2, Ayat 261)

Rasoollallah Sallallahu Alaihi Wasallam Ne Farmaya Ki
" Tum Mein Se Har Shaks Se Qayamat Ke Din Allah Taala Is Tarah Baat Karega Ki Bandey Aur Allah Ke Beech Koi Tarjuman(Interpreter) Nahi Rahega
Jab Wo (Banda) Dekhega To Uskey Aagey Koi Cheej Nazar Nahi Aayegi Aur Phir (Dusri Baar) Wo Apney Samney Dekhega To Uskey Samney Aag Hogi
Isliye Tum Mein Se Jo Shaks Bhi Apney Aap Ko Us Aag Se Bacha Sakey To Usey Bachna Chahiye, Chahey Khajur Ka Ek Tukda (Khairat) Dekar Hi Sahi ".
(Sahih Al Bukhari,Vol 8, Hadith 6539)

Aur Usmein Se Kharch Karo Jo Humney Tumhey Rozi Di Hai Is Sey Pahley Ki Kisi Ko Tum Mein Se Maut Aa Jaye To Kahey Ki Aye Mere Rab Tuney Mujhe Thodi Muddat Ke Liye Dheel Kyun Na Di Ki Main Khairat Karta Aur Naik Logon Mein Ho Jata.
(Al Quran , Surah Al-Munafiqoon 63, Ayat, 10)

Rasoollallah Sallallahu Alaihi Wasallam Ne Farmaya Ki,
" Maal Ko Theli (Bag) Mein Band Karkey Na Rakhna Warna Allah Subhanahu Bhi Uskey Khazaney Mein Tumharey Liye Bandish Laga Dega, Jaha Tak Ho Sakey Logon Mein Khairat Taqseem Kiya Karo".
(Sahih Al Bukhari, Vol 2, Hadith 1434)

Rasoollallah Sallallahu Alaihi Wasallam Ne Farmaya -
Bewaon Aur Miskeenon Ke Kaam Aaney Wala Allah Ke Raastey Mein Jihad Karney Waley Ke Barabar Hai Ya Raat Bhar Ibadat Aur Din Bhar Roza Rakhney Waley Ke Barabar Hai
(Sahih Al Bukhari, Hadees 5353)

Rasoollallah Sallallahu Alaihi Wasallam Ne Farmaya Ki
"Khairat Ko Mat Roko Warna Tumhara Rizq Bhi Rok Diya Jayega"
(Sahih Al Bukhari, Vol 2, Hadith 1433)

Rasoollallah Sallallahu Alaihi Wasallam Ne Farmaya
"Sadqa Karo Kyunki Bahut Jald Logon Par Aisa Zamana Aayega Jab Ek Shaksh Apna Sadqa Lekar Phirega Aur Koi Usey Lene Wala Nahi Milega"
(Sahih Bukhari, Vol 8, Hadith 7120)

Rasoollallah Sallallahualalhi Wasallam Ne Farmaya,
"Raham Karney Walo Par Rahman Bhi Raham Fermata Hai, Tum Zameen Walo Par Raham Karo Tum Par Wo (Allah) Raham Karega Jo Aasman Mein Hai ".
(Sunan Abu Dawud, Vol 3, Hadith 1504)

Rasool-Allah Sallallahu Alaihi Wasallam Ne Farmaya -
Dojakh Se Bacho Sadqa Dekar Chahey Khajur Ka Ek Tukda Dekar Hi Sahi Aur Jisey Ye Bhi Na Miley Use Chahiye Ke Achchi Baat Kahkar (Kyunki Achchi Bata Kahna Bhi Sadqa Hai)
(Sahih Al Bukhari, Vol8, Hadith 6563)