QUSTUNTUNYA PAR (PEHLA) HAMLA

BISMILLAH


Alhamdulillahi Wahda Was Salatu Wassalamu Ala Malla Nabiyi Ba'da Wa Ala Alihi Was Sahbihi Ajmain Khususan Ala Khula Fayir Rasheedin Wa Man Tabiyahum Bi Ihsaana Ila Yuamud Deen Wa Ba'd.

Qaula Rasoolullahi Sallallahu alahi wasallama, Awwalu Jaishim Min Ummati Yagzuna Madinata Qaisara Magfurullahum.....

Rasoolullah Sallallahu alahi wasallam Ne Farmaya,
Meri Ummat Mese Sabse (Pehle) Jo Lashkar Madina Qaisar Par Hamla Karega Un Sab Ki Magfirat Kar Di Jayegi....
[Sahih Bukhari, Kitab Uj Jihaadi Was Seeyari, Babu Maa Qila Fi Qitaalir Roomi]

SHARH:
Madina Qaisar Se Kaun Sa Seher Murad Hai?
Qaula Ayini Qaisara Laqabu Hirqal,
Allama Ayini Ne Farmaya Qaisar Hirqal Ka Laqab Hai,
(Umdat Ul Qaari Sharh Sahih Bukhari Lil Ayini, Jild-14, Safa-199)

Qaula Rajulu Ayyul Madinaini Yuftahu Qabl Ya Rasoolullah Sallallahualahiwasallama?
Qaula Madinata Hirqal!
Yuridu Madinatul Qustuntunyati,

Ek Sahabi Raziallahuanhu Ne Pucha Dono Sehro Me Pehle Kaun Sa Seher Fath Hoga Ya Rasoolullah Sallallahu alahi wasallam?
Rasoolullah Sallallahu alahi wasallam Ne Farmaya Madina Hirqal,
Hazrat Abdullah Ibn Umru Raziallahuanhu Ne Farmaya Apka Irada Isse Madina Qustuntunya Tha.
[Mustadrak Ala Sahihain Lil Hakim, Kitab Ul Fitn, Safa-468)

Sahuhu Hakim Wa Afqahuz Zahibi.
yani Madina Qaisar Se Murad Qustuntunya Hai Jo Hirqal Yani Room Ka Dar Ul Hukumat Hai Wallahu Alam
Hazrat Abu Imran Bayan Karte Hai Ke Hum Madina Se Nikle Aur Irada Tha Humara Qustuntunya Ka Aur Jam'at Ke Ameer Hazrat Abdur Rahman Ibn Khalid Ibn Walid Raziallahuanhuma The Aur Room Wale Apne Pust Ke Bal Room ke Madina(Yani Qustuntunya) Ke Diwar Ki Taraf Kiye Hue The To Ek Shaks Hum Mese Hatiyar Uthaya Dushmano Par To Logo Ne Kaha Ruko Ruko Allah Ke Siwa Koi Mabood Nahi,

Ye Shaks Apne Jaan Ko Halakat Me Dalta Hai To Usi Waqt Hazrat ABU AYYUB ANSARI raziallahuanhu Ne Farmaya Beshaks Ye Ayat Hum Ansaar Wali Ke Liye Nazil Hui Thi Jab Allah Ne Apne Nabi Sallallahu alahi wasallam KI Madad Ki Aur Islam Ko Galib Kiya To Humne Kaha Ab Apne Maalo Me Rah Kar Use Darust Karenge To Allah Ne Ye Ayat Nazil Farmaya Yani Allah Ki Raah Me Kharch Karo Aur Apne Hatho Apni Jaan Ko Halakat Me Na Dalo.

To Halakat Yahi Hai Ke Apne Maalo Me Mashroof Rahe Alah Azza Wa Jalla Ke Raah MeLadne Se Baaz Rahe.

Abi Imran Farmate Hai Ke Aur Hazrat Abu Ayyub Ansari Raziallahuanhu Na Rukey Aur Wo Musalsal Jihad Karte Rahe Allah Azza Wajal Ki Raah Me Yaha Tak Ke Wo Qustuntunya Me Hi Dafan Hue...
[Sunan Abu Dawood, Kitab Uj Jihadi, Babu Fi Qauli Azza Wajalla Wala Tulqu Biyadaihi....)
(Mustadrak Ala Sahihain Lil Hakim, Kitab Ut Tafaseer, Safa-303]
[Sahih Ibn Hibban, Jild-11, Safa-9-11]
Sahahu Hakim Wa Afqahuz Zahabi.

Aur Isi Hadees Ko Imam Hakim Ne Isi Sanad Se Izafi Alfaz Ke Sath Riwayat Kiya Hai Yahi Abu Imran Farmate Hai Ke Hum Qustuntunya Me The Aur Ahle Misr Ke Ameer Uqba Ibn Amir Juhni The Aur Ahle Shaam Ke Ameer Fazla Ibn Ubaid Ansari The,
[Mustadrak Ala Sahihain Lil Hakim, Kitab Ut Tafaseer, Safa-302]

Sahahu Hakim Wa Afqahuz Zahabi,
Aur Isi Hadees Ko Imam Ibn Asarkir Ne Apni Tareekh Ud Damishq Me Riwayat Koya Hai Aur HAZRAT ABU AYYUB ANSARI Raziallahuanhu Farmate Hai Hum Dushmano Me Dakhil Hui Hazrat Abur Rahman Ibn Khalid Ibn Walid Raziallahuanhuma Ke Sath Bulandi Se Pehchate Hui Baigair Girte Hui Room Ke Sar Zameen Me Aur HAZRAT ABDUR RAHMAN IBN KHALID IBN WALID raziallahuanhu Wahu Wa Ameer Un Naasi Aur SARE LOGO KE AMEER THE.
[Tareekh Ud Damishq Lil Ibn Asakir, Jild-34, Safa-330]

Aur Isi Hadees Ko Isi Shiyaaq O Shabaq Aur Isi Alfaz Ke Aur Isi Sanad Ke Sath Kuchch Izafi Alfaz Ke Riwayat Kiya Hai Imam Ibn Hibban Ne Apni Sahih Me Wahi Raawi Abu Imran Farmate Hai Kunna Bi Madinatir Raoom Fakharaju Ilaina Saffan Azeeman....
Hum Madina Room(Yani Qustuntunya) Me The To Ek Azeem Fauj Humari Taraf Nikli Room Ki....
[Sahih Ibn Hibban, Jild-11, Safa-9-10]
Hafiz Abu Ahmad Ne Farmaya Istamalahu Muaviya Ibn Abi Sufiyana Ala Jama'atun Naasi Fi Gazwati Arminyati....

Hazrat Muaviya Ibn Abi Sufiyan Ne Abdur Rahman Ibn Khalid Ko Room Par Lashkar Kashi Ki Zimidari Saunpi Thi Aur Unhe Logo Ke Sare Jama't Ka Ameer Mukarar Kiya Tha...
[Tareekh Ud Damishq Lil Ibn Asakir, Jild-34, Safa-328].

In Sari Hadeeso Se Bohat Sari Baate Waze Hui Hai Pehla To Ye Yahi Lashkar Tha Jisne Sabse Pehle Madina Qaisar Par Hamla Kiya Tha Dalil In Sha Allah Aghe Ati Hai Dusra Ye Ke Is Lashkar Ke Ameer Hazrat Abdur Rahman Ibn Khalid Raziallahuanhuma The Jaisa Upar Hadees Guzar Chuki Abu Imran Ne Bayan Kiya Hum Qustuntunya Ke Liye Nikle Aur Jamat Ke Sardaar Abdur Rahman The Aur Abu Ayyub Ansar Rqziallahuanhu Ne To Baat Hi Waze Kar Diya Hum Dushmano Me Dakhil Hui Room Ke Sar Zameen Me Aur Sare Logo Ke Ameer Abdur Rahman Ibn Khalid The,

Kifayatullah Sanabali Sahab Ne Ye Dawa Kiya Hai Ke Jo Lashkar Madina Se Nikli Thi Uske Hi Sirf Ameer The Abdur Rahman Aur Is Lashakr Ka Amumi Ameer Yazeed Tha To Inka Ye Dawa Batil Wa Mardood Hai Naqali Bhi Aur Aqali Bhi,

Aqali Ye Ke Ye Jo Gazw Takriban Sann 44 Se 46 Hijri Ke Darmiyan Me Hua Aur Aymma E Maurikheen Ka Is Baat Par Ittifaq Hai Sann 44 Hijri Me Hazrat Abdur Rahman Ibn Khalid Ibn Walid Raziallahuanhu Ne Sar Zameen E Room Par Hamla Kiya Tha Dalil Aghe Ati Hai Aur Us Waqt Musalamno Ke Ameer Hazrat Muaviya Ibn Abu Sufiyan Raziallahuanhum The Agar Hazrat Muaviya Is Jung Me Shamil Hote To Zahir Si Baat Hai Wo Shaam Me Rehte The To Shaam se Jo Lashkar Niklta Uske Ameer Bhi Yahi Hote Aur Jo Lashkar Digar Sehro Se Nillta Uske Ameer To Alag Hi Hote Par Amumi Ameer Hazrat Muaviya Hi Hote To Zaruri Nahi Koi Kisi Seher Se Kisi Lashkar Ke Kar Nikla To Wo Sirf Usi Lashkar Ka Ameer Hoga Aur Hazrat Abu Ayyub Ansari Ne Saaf Waze Kar Diya Logo Ke Ameer Abdur Rahman Hi The,
Aur Naqali Dalil Ye Hai Aap Tareekh Ki Sari Kutoob Utha Kar Dekh Le Kisi Ek Bhi Tareekh Ki Kitab Me Is Lqshkar Me Yazeed Ka Koi Naam O Nishaan Hi Nahi Ameer Hona To Door Ki Baat Hai Pata Nahi Kifayatullah Sahab Ko Kaha Se Mila Wallahu Alam.

yaha Ek Sawal Ye Uthta Hai Hazrat Abu Ayyub Ansari Raziallahuanhu Jis Lashkar Me Shareeq The Uska Ameer To Yazeed Tha Sahih Bukhari Ki Hadees Hai?

To Apko Ye Jaan Lena Chahiye Hazrat Abu Ayyub Ansari Ne Bohat Sare Gazwat Kiye Hai Ye Ahle Badr Mese Hai AurSann 44 Se 46 Hijri Me Jo Lashakr Ne Qustuntunya Par Hamla Koya Tha Pehli Baar Jiske Ameer Hazrat Abdur Rahman Ibn Khalid Ibn Walid The Us Lashkar Me bhi Abu Ayyub Shamil The Aur Fir Uske Baad Us Lashakr Me BhI Abu Ayyub Shamil The Jo Sann 50 Se 52 Hijri Ke Darmiyan Me Hua Jiska Ameer Yazeed Tha ,

Dalil Ye Haijis Lashkar Ka Ameer Abdur Rahman The Us Hadees Ko Imam Abu Dawood Ne Is Alfaz Ke Sath Riwayat Kiya Hai Falam Yuzaal Abu Ayyub Yujahidu Fi Sabilillahi Aur Abu Ayyub Na Roke Musalsal Jihahad Karte Rahe Allah Ki Raah Me Yaha Tak Ke Wo Qustuntunya Me Hi Dafan Hue Aur Mustadrak Ke Alfaz Ye Hai Fama Zaal Abu Ayyub Gaaziyan Fi Sabilillahi

 Aur Abu Ayyub Na Roke Aur Musalsal Gazwa Karte Rahe Allah Ki Raah Me

 Aur Ibn Hibban Ki Alfaz Hai Wama Zaal Shakhisan Fi Sabilillah

 Aur Abu Ayyub Na Ruke Aur Musalsal Jaddu Juhad Karte Rahe Allah Ki Raah Me ,
Yani Ye Baat Waze Hui Hazrat Abu Ayyub Ansari Hazrat Abdur Rahman Ibn Khalid Ke Sath Qustuntunya Me Gazwa Karne Ke Baad Baithe Nahi Rahe Balke Wahi Yani Qustuntunya Me Hi Gazwa Karte Rahe Haata Dafana Biha Yaha Tak Ke Wahi Dafan Hue 

Aur Jis Hadees Me Mahmood Ibn Rabi Bayan Karte Hai Ke Maine Rasoolullah Sallallahualahiwasallam Ke Ke Sahab Abu Ayyub Ke Samne Hadees Bayan Kiya Gazwatillati Tufa Biha Yani Us Gazwa Me Jisme Hazrat Abu Ayyub Ansari Raziallahuanhu Ka Wafat Hua

Aur Iska Ameer Yazeed Tha Room Ke Sar Zameen Me Sahih Bukhari Kitab Ut Tahajjud Yani Yazeed Jis Lashakr Ka Ameer Tha Yani Jis Lashkar Ne Yazeed Ki Imarat Me Qustuntunya Par Hamla Kiya Tha Usi Gazwe Me Abu Ayyub Ki Wafat Hui To Waze Ho Gaya Ke Jis Lashkar Ka Ameer Abur Rahman Ibn Khalid The Wo ALlag Gazwa Tha Aur Aur Jis Lashkar Ka Ameer Yazeed Tha Wo Alag Lashkar Tha 

Aur Dono Hi Me Hazrat Abu Ayyub Ansari Raziallahuanhu Shamil The Baat Paani Ki Tarha Saaf Hai Hazrat Abu Ayyub Ansari Raziallahuanhu Jis Lashakr Me Shamil The Jiske Ameer Hazrat Abur Rahman Ibn Khalid The Us Gazwa Ke Baad Qustuntunya Me Hi Rahe Aur Wahi Gazwa Karte Rahe Musalsal Aur Fir Akhir Me Us Lashkar Ke Sath Mil Kar Gazwa Kiya Jiska Ameer Yazeed Tha.... Wallahu Alam

Kis Sann E Hijri Me Hazrat Abdur Rahman Ibn Khalid Ibn Walid Raziallahuanhuma Ne Room Ke Madina Yani Qustuntunya Par Hamla Kiya Tha?

1: Imam Ibn Kaseer Ne Farmaya Fir Dakhil Hua Sann 44 Hijri Isi Me Abdur Rahman Ibn Khaleed Ibn Walid Ne Room Ke Sar Zameen par Hamla Kiya Tha...
[Al Bidaya Wan Nihaya Lil Ibn Kaseer, Jild11, Safa-164]

2: Imam Ibn Aseer Ne Farmaya Fir Dakhil Hua Sann 44 Hijri Isi Hijri Me Musalmano Ne Abdur Rahman Ibn Khaleed Ibn Walid Ke Sath Room Ke Sar Zameen Dakhil Hue The...
[Al Kaamil Fi Tareekh Lil Ibn Aseer, Jild-3, Safa-298]

3: Imam Ibn Jauzi Ne Farmaya Sann44 Hijri Me Musalman Dakhil Hue The Room Ke Sar Zameen Me Abdur Rahman Ibn Khalid Ke Sath...
[Al Muntazim Fi Tareekh Lil Ibn Jauzi, Jild5, Safa-209]

4: Imam Khalifa Ibn Khayyat Ne Farmaya Ibn Kalbi Ne FarmaYa Sann 44 Hijri Me Abdur Rahman Ibn Khalid Ibn Walid Ne Isi Hijri Me Room Ke Sar Zameen Par Chadhayi Ki Thi...
[Tareekh Khalifa Ibn Khayyat, Safa-207]

5: Hafiz Abu Ahmad Ne Farmaya Hazrat Muaviya Ne Abdur Rahman Ibn Khalid Ibn Walid Ko Sar Zameen E Room Par Lashkar Kashi Ki Jimidari Sompi Thi Aur Unhe Sare Logo Ka Ameer Mukarar Kiya Tha Sann42 Hijri Me Fir Unhone Sann 44 Hijri Aur Sann 45 Hijri Aur Fir Sann 46 Hijri Me Room Ke Sar Zameen Par Lashakr Kashi Ki ...[Tareekh Ud Damishq Lil Ibn Asakir, Jild-34, Safa-328]

6: Hafiz Sa'ad Ne Farmaya Sann45 Hijri Me Abdur Rahman Ibn Khalid Ibn Walid Ne Room Ke Sar Zameen Par Hamla Kiya Tha.[Tareekh Ud Damishq, Lil Ibn Asakir, Jild34, Safa-330]

7: Imam Ibn Jarir Tabri Ne Farmaya Fir Dakhil Hua Sann 44 Hijri Isi San Hijri Me Iske Siwaya Musalmano Ne Hazrat Abdur Rahman Ibn Khalid Ibn Walid Ke Sath Room Ke Sar Zameen Par Hamla Kiya Tha....
[Tareekh Ut Tabri, Jild-5, Safa-212]

Sann 42 Hijri Me Hazrat Muaviya Ibn Abu Sufiyan Raziallahuanhum Ne Hazrat Abdur Rahman Ibn Khalid Ibn Walid Raziallahuanhuma Ko Sar Zameen E Room Par Hamle Ki Jimidari Sompi Thi Aur Unhe Sare Logo Ka Ameer Mukarar Kiya Tha Aur Hazrat Abdur Rahman Ibn Khalid Ne Sar Zameen E Room Me Sann 44 Hijri Me Fir Sann 45 Hijri Me Fir Sann 46 Hijri Me Akhiri Baar Hamla Kiya Jaisa Ke Upar Hafiz Abu Ahmad Ki Wazahat Guzar Chuki Aur Room Yani Kaisa Ke Madina Yani 

Qustuntunya Me Dakhil Hui The Sann 44 Hijri Ke Lag Bhag Jaisa Ke Upar Hadees Chuzar Chuki 

Aur Ayyimma E Maurikheen Ki Us Hadees Ki Tasdeeq Bhi Wazahat Ke Sath Guzarchuki Aur Fir Sann 46 Hijri Me Hazrat Abdur Rahman Ibn Khalid Ibn Walid Raziallahuanhuma Room Par Lashkar Kashi Se Farig Ho Kar Hamas Ki Taraf Rawana Hue 

Aur Isi Sann 46 Hijri Hi Me Hazrat Abdur Rahman Ibn Khalid Ibn Walid Rqziallahuanhuma Ki Wafat Hui Hamas Me In Sha Allah Dalil Aghe Ati Hai....
Jambhoor Ayyimma E Maurikheen

 Aur Ayyimma E Muhaddisheen Ka Is Baat Par Ittifaq Hai Ke Hazrat Abdur Rahman Ibn Khalid Ibn Walid Raziallahuanhuma Ka Wafat Sann 46 Hijri Me Hi Hua

 Aur Kisi Ek Muhaddish Ne Iska Inkar Nahi Kiya Aur Na Hi Kisi Ne 46 Hijri Ke Baad Inka Tareekh E Wafat Bayan Kiya Hai In Sha AllahHazrat Abdur Rahman Ibn Khalid Ibn Walid Raziallahuama Ki Tareekh E Wafat Par Sari Dalil Agli Post Par Ayegi


WRITTEN BY:
Jalaluddin Muhammad Iqbal Alam

*Huzor Sallahu alaihi wa Sallam ke Wafaat ki dalil*

BISMILLAH

*Hajrath:-*Umar Farooq R.A.:– wafaat ki khabar sun ker inke hosh jaate rahe aur wo khare ho ker kahne lage “ Kuch Munafeqeen Samajhte hai Rasulullah sallaho Alihe Wasallam ki Wafaat ho Gai Lekin Haqeeqat ye hai ke Rasululllah swa ki Wafaat nahi hui , Balke Aap apne Rabb ke paas Tashreef le gaye hai.




Jis Tarah Musa bin Imran Ali salam Tashreef le gaye the aur apni Qaum se 40 raat Gayeb rah ker unke paas fir waapis aa gaye the, halake waapsi se pahle kaha jar aha tha ke wo intaqaal ker gaye hai.”

Allah ki kasam Rasulullah sws bhi juror palat ker aayenge aur un logo ke haath Paao kaat daalenge jo Samajhte hai ke Aap sallaho alihe wa sallam ki Maut waqi Ho chuki hai.

Hajrath Abu Bakr R.A.:– Mere Maa Baap Aap per Qurbaan , Allah aap par 2 Maut Jama Nahi karega, jo Maut Aap per likh di gait hi wo aap ko aachuki.

Us ke baad Abu Bakr Bahar Tashreef Laye us waqt bhi Hajrath umar r.a. logo se baate ker rahe the, hajrat Abu Bakr ne un se kaha Umar Baith Jao, Hajrat umar R.A. ne Baithne Se inkaar kar dia. Sahaba Hajrath umar ko chor ker Hajrat abu bakr ki taraf Mutawajja ho gaye. Hajrat Abu Bakr ne Fermaya.

Amma Baad” Tum me se jo shakhs Muhammad Sws ki Ibaadat (Pooja) Karta tha wo jaan le ke Muhammad sws ki Maut waaqi ho chuki hai . Aur tum me se jo shakhs Allah ki ibaadat kerta tha to yaqeenann Allah humesha zinda Rahne wala hai , kabhi nahi marega.
Fir unhone ye ayat parhi. *Surah Imran {3 : 144 }*


“ Muhamad nahi hai mager Rasool hi un se pahle bhi bahut se Rasool guzar chuke hai . to kya ager wo mar jaye ya un ki maut waaqih ho jaaye ya qatl ker diye jaye to tum log kya Aeeri ke bal palat jaaoge.?

Aur jo shakhs Apne Aeeri ke bal palat jaye to yaad rakhe ke wo Allah ka kuch nuksaan nahi pahucha sakta. Aur Anqareeb Allah shukr karne walo ko Jaza dega. Uske baad Hajrat umar ne Fermaya mai ne jo hi Abu bakr ko Telawat kerte hue suni intahai Mutahhyer aur dahshat zada ho ker rah gaya . Hatta ke mere paao mujhe uthha hi nahi rahe the aur hatta ke Abu bakr ko us ayat ki talaawat kerte sun ker mai zameen per gir Para.kyoke mai jaan gaya waqai Nabi sws ko maut aa chuki hai.
*{Ibne Hishaam = 2 /655 }* *{Bukhari = 2 / 640-641 }*

12 Rabbi-ul-Awwal "WILADAT ya WAFAT

BISMILLAH

Pahle hum huzur e pak sallAllahu alaihi wasallam ki "WILADAT"(paidaish)ke bare me kuch jante hai


Nabi SallAllahu Alaihi wasallam ki Youm-e-Wiladat par tareekh ka ikhtilaaf:

1) 2 Rab-ul-awal

2) 8 Rabi-ul-awal

3) 10 Rabi-ul-awal

4) 12 Rabi-ul-awal

5) 17 Rabi-ul-awal

6) 18 Rabi-ul-awal

7) 22 Rabi-ul-awal
[Al-Bidayah wal nihaya , vol 2 pg 320]

8) 9 Rabi-ul awal
[Araheek-ul-Makhtoom, page#101]


9) 5 Rabi-ul-awal
[seerat-e-Tayabba pg 76]

10) Shaikh Abdul Qadir jilani Rh.a apni kitab main 10 moharram-ul-haraam naqal kertay hain baghair kisi a'teraz kay.

[Ghuniat-ul-Talibeen, pg#392/2, Taba' Beirut, or pg#448 of publisher Naumani Kutb khana)]

11) Bani-e-maslak BARELWI, Ahmed Raza khan sahab barelwi apni kitaab Fatawa rizviya, page # 412 , vol 26 mai zikar karte hain k 8 Rabi-ul-awal Nabi S.A.W.W ki wiladat ka din hai , iske baad wafaat ka zikar karte hain k wafaat-un-nabi S.A.W.W 12 rabbi-ul-awal hai. Jub k "Malfuzaat" 220/2 likhtay hain k "Nabi s.a.w ki wiladat 12 Rabi-ul-Awwal ko hai or isi main wafaat shareef bhi hai."


- Mashhoor Mufassir or tarikhdaan Haafiz Ibn-e-Kaseer rh.a kay mutabiq tareekh-e-wiladat 8 Rabi-ul-Awwal hai. [Al-Bidayah wal Nihaya (Imam Ibn Kaseer), vol.2, pg.259-262]


- Imam Tabri rh.a or Imam Ibn Khuldun ne 12 Rabi-ul-Awwal ko ikhteyar kia.
[Ba-Hawala Rahmatulli Alameen, Allamah Qazi Sayyed Suleman Mansurpuri, Hashiah 1/40]


- Aur Imam Ibn-e-Jauzi ne apni kitab main 10 Rabi-ul-Awwal ko awwaliyat di hai.
[Alwafa Ba Hawal-ul-Mustafa (s.a.w)(154/1 taba' Ryadh)]

- jub k Maazi-eqareeb kay do azeem seerat nigaron Allamah Qazi Suleman Mansurpuri ne Rahmatulli Alameen 1/40 main aur Allamah Shubli Mumani ne Seerat un Nabi (s.a.e) 1/171 main 9 RABI-UL-AWWAL jadeed tehqeeq kay mutabiq sahih tareen tareekh-e-wiladat qarar dia hai.

- Aur Misir (Egypt) kay ma'roof Maahir-e-falkiaat or Hi'at daan Mehmood Pasha ne dalail-e-riyazi ki roo say muta'addid zaechay bana ker saabit kia hai Ap s.a.w ki wiladat ki sahih tarikh 9 RABI-UL-AWWAL hi ati hai.

["At-taqweem-ul-Arabi qablul Islam (Az Memood Pasha) pg.36-39, taba' Qatar, Hadaiq-ul-Anwar page#29, jild 1, بحوالہ محاضراتِ تاریخ الامم الاسلامیہ از خضری بک :ص۶۲]

Allah ke rasool sallalaho alaihi wasallam(pbuh) makka ke shobe banu hashim ke andar 9 rabi ul awwal san 1, aam ul feel (haanthi ka saal) peer (monday) ke din subah ke waqt ko paida huwe
( nataijul ifhaam fi taqweemil arab qabbal islam pg 28,35, mahmood pasha falki, edition beruit)

us waqt nausherwa ke baadshah hone ka 40wa saal tha aur 20 ya 22 april san 571 ki tareekh thi, allama muhammad sulayman sahab salman mansoor puri rh aur mahsood pasha ki khoj(research) yahi hai
(20 april puraane eeswin calender ke mutabik aur 22 april naye eeswin calendar ke mutabik, dekhiye rahmatulil aalameen 1/38,39 3/360,361)

=============================

12,RABIUL AWWAL PEER KE DIN

SUB'HA SADIQ KE WAQT 4:45 BAJE 20,APRIL, 571 KO MAKKA SHARIF ME HUI

(MADARIJUN NABUWAT Jild 2,Safa 14)

Agar cheh WILADAT k mamlay mai sab se sahih rivayat 9 rabbi-ul-awal hai , leken tamam rivayat mai shadeed ikhtilaf hai.



Ab huzur e pak sallAllahu Alaihi wasallam ki WAFAT ke bare me;


Allah taala ne rasool akram sallalaho alaihi wasallam ki zabaan e aqdas se ye elaan karaya ke

" kah do ! bila'shubah meri namaz, meri qurbani, meri zindagi, aur mera MARNA allah ke liye hai jo tamaam jahaano ka rabb hai "
(surah anaam 163)

in aayaat ne rasool akram sallalaho alaihi wasallam ke baare me waazeh kar diya ke rasool akram sallalaho alaihi wasallam ko bhi maut aane waali hai .


MAUT AA GAYI:
phir wah waqt aagaya jab in irshad rabbani ke Mutaabik rasool akram sallalaho alaihi wasallam par bhi maut ka waqt aa pahuncha,


AAKHRI PAL

US WAQT ALLAH KE RASOOL (SAW) JIS BECHAINI AUR DARD KE SHIKAAR THEY, USE DEKH KAR HZ FATIMA(RA) BE-AKHTIYAAR PUKAAR UTHI "HAAY ABBA JAAN KI TAKLEEF !"

AAPNE FARMAYA, "TUMHARE ABBA PAR AAJ KE BAAD KOI TAKLEEF NAHI"
BUKHARI 2/282

IDHAR HAR WAQT TAQLEEF BADHTI JAA RAHI THI , AUR US ZAHER KA BHI ASAR ZAAHIR HONA SHURU HO CHUKA THA, JISE AAPKO KHAIBAR ME KHILAYA GAYA THA,

AAP HZ AISHA(RA) SE FARMATE" AIY AISHA(RA)! KHAIBAR ME JO KHAANA MAINE KHA LIYA THA, USKI TAKLEEF BARABAR MAHSOOS KAR RAHA HOON, IS WAQT MUJHE MAHSOOS HO RAHA HAI KI US KE ZAHER KE ASAR SE MERI RAGEN(VEINS) KATI JAA RAHI HAIN

(WAHI,2/637)


PHIR KOMZORI( WAFAAT SE KUCH DER PAHLE KI) SHURU HO GAYI AUR HZ AISHA NE AAPKO APNE UPER SAHARA DEKAR TEIK LIYA,

UNKA BAYAN HAI KI ALLAH KI EK NEMAT MUJH PAR YAH HAI KI "ALLAH KE RASOOL NE MERE GHAR ME MERI BAARI KE DIN ME LABBE AUR SEENE KE DARMIYAAN WAFAAT PAYI AUR AAPKI MAUT KE WAQT ALLAH NE MERA LUAAB(SALIVA) AUR AAP KA LUAAB EK(JAMA) KA DIYA.

(WAHI,2/637)

HUWA YAH KI ABDURREHMAN BIN ABU BAKR(RA) AAPKE PAAS TASHRIF LAAYE, UNKE HAATH ME MISWAK THI, AUR MAIN ALLAH KE RASOOL KO TEKE HUE THI,MAINE DEKHA KI AAP MISWAK KI TARAF DEKH RAHE HAIN, MAIN SAMAJH GAYI KI AAP MISWAK KARNA CHAHTE HAIN, MAINE KAHA, AAPKE LIYE LE LUN?

AAPNE SIR SE ISHARA FARMAYA KI, HAAN!

MAINE MISWAK LEKAR AAPKO DI, TOH AAPKO SHAKT MAHSOOS HUI, MAINE KAHA ISE AAPKE LIYE NARM (MULAYAM) KAR DUN?

AAPNE SIR KE ISHARE SE KAHA , HAAN!

MAINE MISWAK NARM KAR DI AUR AAPNE BAHUT ACCHI TARAH MISWAK KI, AAPKE SAAMNE KATORE(BOWL) ME PAANI THA ,AAP PAANI ME HAATH DAALKAR PONCHTE JAATE THEY AUR FARMATE JAATE THEY " ALLAH KE SIWA KOI MABOOD NAHI, MAUT KE LIYE SAKHTIYAN HAIN"

BUKHARI 2/640


MISWAK SE FAARIG HOTE HI AAPNE HAATH YA UNGLI UTHAI, NIGAAH CHHAT(ROOF) KI TARAF BULAND KI AUR DONO HONTHON PAR KUCH HARQAT HUI,

HZ AISHA(RA) NE KAAN LAGAYA TO AAP FARMA RAHE THEY," UN NABION, SIDDIQON, AUR SHAHIDON KE SAATH, JINHE TOONE INAAM SE NAWAAZA, AIY ALLAH MUJHE BAKHS DE, MUJH PAR RAHAM KAR, AUR MUJHE RAFEEQ-E-AALA ME PAHUNCHA DE, AIY

ALLAH! RAFEEQ-E-AALA,
(WAHI,BUKHARI BAAB MARJUNNABI BAAB AAKHIRU MA TAKALLAMANNABI 2/638-641)


AAKHIRI ALFAAZ 3 BAAR DOHRAAYA AUR USI WAQT HAATH(HAND) JHUK GAYA AUR AAP RAFEEQ-E-AALA SE JAA MILE,

INNA LILLAHI WA INNA ILLAIHI RAAJIUN

YE WAQEYA 12 RABI-UL-AWWAL 11 HIJRI DIN SUMWAAR(MONDAY), CHAST KE WAQT HUI, US WAQT AAP KI UMR(AGE) 63 SAAL 4 DIN HO CHUKI THI

YE BAYAN SAHIH HADITH KI ROSHNI ME " AR-RAHIQ-UL-MAKHTOOM" SE LIYA GAYA HAI,.....

ye baat 100% sach hai ke Allah ke rasool sallAllahu alaihi wasallam ki wafat ho chuki hai .

jo log 12 rabbi-ul-awwal ko wiladat ki khushi manate hain wo musalman nahi ho sakte q k wiladadat yani eid e milad manane wala allah ke rasool saw ki wafat ka inkar karta hai, aur wafat ka inkar karna yani ke quraan w hadees ka inkar karna hain ..

aur quraan w hadees ka inkar karne wala muslman nahi ho sakta ...


Allah pak hum musalmano ko sahi aqeede par rakhe aur sahi tarike se deen e islam par chalne ki toufeeq de...

AAMEEN YA ALLAH

*Namaz ki Niyyat dil se na ke Zaban se*

BISMILLAH

Aap (sallAllahu alaihi wasallam) farmate hain:
Aamal ka daromadar Niyat par hai. *[Sahi Bukhari 5070]*


Namaz me Niyyat karna zaruri hai isliye ke Namazi ko malum rahe ke wo kOnsi Namaz padh raha hai. Namaz e Zohar ya Asar aur kOnsi rakat farz ya Sunnah.


Lekin Aksar lOg Niyyat ke Alfaz zaban se ada karte hain jaise “Iss Imam ke pichhe me Namaz padh raha hun,itni rakat sunnat ya farz,falan Namaz ki.Munh mera kaabe tarf wagera.”


ye tariqa durust nahi hai kiyuke “Niyyat karna Dil ke Irade ke naam hai.

*[Kitab ul Fiqah.ali ul mazahib ul arbah:209/1 w sharah w qayah wagera]*


Isi ke sath aksar Ulma ne zaban ke sath Niyyat karne ko Bidat shumar kiya hai,kiyuke Nabi(S.A.W) aur Sahaba Ikram se iska kOi subut nahi hai.


*Allama Ibne Tahmiya(RahimUllah) farmate hain:* “Zaban se Niyyat karna Deen aur aqal dono ke khilaf hai, Deen ke khilaf isliye ke ye Bidat hai aur aqal ke khilaf isliye ke iski missal aise hi hai jaise kOi khana tanawul karna chahta ho to kahe: “Main Niyyat karta hun apne hath ko iss bartan me rakhne ki,isme se luqma lunga phir isko munh me rakhunga,phir isko chabaunga,akhir isko nigal lunga take main ser hosakun.”

kOi aqalmand iss qism ki harkat nahi karega kiyuke jab aadmi ko ilm hai ke wO kya kar rha hai to usne uss baat ki Niyyat bhi zarur ki hogi.

Aur charo Imamo ka iss baat per ittefaq hai ke zaban se Niyyat krna mashru nahi.”

*[fatawa Ibne Tahmiya 232/1]* Imam Ibne Qaim(RahimUllah) farmate hain: “Nabi(S.A.W) jab Namaz ke liye khade hOte to ALLAHU AKBAR kahte aur isse pahle kuch na kahte aur na inn marwajah alfaz ke sath Namaz ki Niyyat karte the.

Kisi ne iske muttaliq ba sanad kOi chiz naqal nahi ki,hatta ke kisi zaeef wa Mursal riwayat me bhi inme se ek lafz bhi marwi nahi hai,balke Sahabi se bhi ye alfaz sabit nahi aur nahi Taba’een aur charO Imamo me se kisi ne zaban ke sath Niyyat karne ko Mustahsin qarar diya hai. *[Zaad ul ma’ad ul Ibne Qaim:201]*

Allama Muhammad Nasir Uddin Albani(RahimUllah) farmate hain: “Nabi(S.A.W) apni Namaz ko Takbeer Tahrima se shuru karte the.” *[see: Sahi Muslim-1110]* Iss Hadees me iss baat ki tarf ishara hai ke Aap(S.A.W) “Niyyat karta hun waste Namaz ke wagera” alfaz se Namaz shuru nahi karte the,lehaza ye bil ittefaq Bidat hai,Baaz ne Hasnah aur Saiyyah ka farq bayan kiya hai.

Lekin hum kahte hain ke Ibadat ke mamle me har Bidat Gumrahi hai.kiyukeNabi(S.A.W) ka irshad hai ke: “( كل بدعة ضلالة وكل ضلالة في النار ) “-kullu bid’atin dalalatun wa-kullu dalalatin fi’l-nari-“ iss baat ka taqaza karta hai.” *[Safat ul Salat ul Nabi(S.A.W),page-76]*

Iss Hadees ke mayeni ye hain ke “Har Bidat Gumrahi hai aur Gumrahi Dozakh me lejane wali hai.” *[Sanan Nisai]*

Niyyat chuki Dil se talluq rakhti hai,isliye zaruri hai ki ham apne tamaan(jayez) kamon me(sabse) pahle niyyat kar liya karen kyonki jaisi niyat hogi waisa hi phal milega.In shaa ALLAH


ALLAH swt Hume shirk wa Bidat se mahfuz farmaye aur Sunnato per sahi tariqe se Amal karne ki toufiq ata farmaye.

AAMEEN YA ALLAH