BUKHARI HADITH ROMAN URDU

 *Sahiul bukhari*(jild 01)
 _kitabul imaan_
Imaan ka bayan
*Baab*: Haya juzz e imaan hai
Hadith(international)number: *24*

hazrat Abdullh Ibn Umar rz.a se riwayat hai,
RasoolAllah ﷺ ek Ansaar mard k paas se guzre ,jab k wo apne Bhai ko samjha raha tha k tu itni sharm Kyu karta hai?
RasoolAllah ﷺ ne usse farmaya:
'Use(us k haal par) chod de, Kyu k sharm to imaan ka hissa hai'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: (Farmaan e ilaahi ki wazahat) ''phir agar woh tauba Karen, namaaz qayam Karen, aur zakaat den to inka raasta chod do"
Hadith(international)number: *25*

hazrat Abdullh Ibn Umar rz.a se riwayat hai, RasoolAllah ﷺ ne farmaya:
'Mujhe hukm Mila hai k mai logon se Jung jaari rakkhu, yahan tak k wo iss baat ki shahaadat den, k Allah k siwa koi ma'abood e haqeeqi nhi aur aur Muhammad saw Allah k Rasool hai, poore aadab se namaz ada karen aur zakaat den, jab woh ye karne lage to inho ne apne maal o jaan ko mujhse bacha liya, siwaye haqq e Islam k, aur inka hisaab Allah k supurd hai'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: uss shakhs ki daleel Jo kehta hai k imaan Amal ka naam hai
Hadith(international)number: *26*

hazrat Abu hurairah rz.a se riwayat hai, RasoolAllah saw se dariyaft kiya gaya:
Konsa Amal afzal hai?
Aap saw ne farmaya:
'Allah aur uske Rasool par imaan laana'
Sawal kiya gaya: phir konsa?
Farmaya:'Allah ki raah me jihad karna'
Poocha gaya: phir konsa?
Farmaya:'wo hajj jo qubool ho'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Agar Islam se uski haqeeqi mu'ane muraad Na ho balke zahri ita'at muraad ho ya qatal k khauf se( koi shakhs) Musalman kehalwaye
Hadith(international)number: *27*

hazrat Saad bin abi waqaas rz.a ka bayan hai k RasoolAllah ﷺ ne chand logon ko kuch maal diya aur Saad rz.a waha baithe the, aap ﷺ ne ek shakhs ko chod diya yani use kuch Na diya Jab k wo tamaam logon me se mujhe zyada pasand tha,
Maine kaha: aye Allah k Rasool! Aap ne fulaan shakhs ko chod diya, Allah ki qasam mai to use momin samajhta hun
Aap ﷺ ne farmaya:
'(Momin) ya Musalman!'
 Mai thodi der khamosh raha phir us k mutalliq mai Jo janta tha usne mujhe bolne par majboor kar diya,
Maine dobara arz kiya:
Aap ne fulaan shakhs ko kyu nazar andaaz kar diya! Allah ki qasam mai to use momin khayal karta hun, aap ﷺ ne farmaya:'(momin) ya Musalman!'
Mai phir thodi der chup raha, phir uske mutalliq jo mai janta tha usne majboor kiya to Maine teesri martaba wahi arz kiya aur RasoolAllah ﷺ ne bhi wahi farmaya,.
Is k baad aap ﷺ ne farmaya:'aye Saad! Mai ek shakhs ko kuch deta hun, jab k doosra shakhs mujhe usse zyada mehboob hota hai, yeh iss andeshe k pesh e nazar k kahi aisa Na ho k(wo apni kamzori ki wajah se Islam se phir jaye aur) Allah use ondhe muh dozakh me daal de'

(Imaan k do ahwaal hai yani ek batini aur ek zaahiri ,batini imaan ka ilm sirf Allah hi ko hai jab k agar koi namaz,roza aur dusre ahkaam ki pabandi karta h to zahiri taur par use Muslim hi kaha jaye ga, nez ye RasoolAllah ﷺ ki aala tareen hikmat thi k Jo islaam qubool karta aap ﷺ use maal ghanimat me se zyada dete aur Ansaar ko kam bazahir ye Ansaar se muhabbat thi aur us shakhs ki taalif e qulb ho jati Jo Musalman hua h aur us k dil me agar koi bugh o keena rah gaya ho to wo bhi dhul jati)

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Islam ki isha'at bhi imaan ka hissa
Hadith(international)number: *28*

hazarat Abdullh Ibn A'mro rz.a se riwayat hai, ek shakhs ne RasoolAllah ﷺ se dariyaft kiya: konsa (ahle)Islam behtar hai?
Aap ﷺ ne farmaya:
'Tum khaana khelao, aashna aur Na aashna sab ko salam karo'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: khawand(husband) ki  na shukri bhi kufr hai, lekin kufr kufr me farq hai
Hadith(international)number: *29*

hazrat Ibn Abbas rz.a se riwayat hai ,inho ne kaha:
Nabi ﷺ ne farmaya:
'Maine dozakh dekhi to wahan aksar auraten thi(kyu k) woh kufr karti hain'
Logon ne kaha: kya woh Allah k sath kufr karti hain'?
Aap ﷺ ne farmaya:
'Nhi! balke woh apne khawand ki kufr karti hain ,yani na shukri karti hain aur ehsaan faramosh hain ,wo yun k agar tu saari umar aurat k sath accha sulook kare phir wo mamooli si(nagawaar) baat tujh me dekhe to kehne lagti hai k mujhe tujhse kabhi aaram nhi mila'

(Kufr k muaane Nafarmaani k hai aur ye imaan ki zid(opposite) hai sab se bada kufr wo hai Jo Allah ki, ki jaaye yani us k sath kisi ko shareek karna jab k aur doosri Na Farmaani bhi kufr hai lekin ye kufr uss kufr se darje me kam hai, jaise biwi ka apne khawand ki na shukri)

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: gunaah jahalat k kaam hai aur inka murtakib kafir nhi hota, Albatta shirk ka murtakib(shirk karne wala) zaroor kafir ho jata hai
Hadith(international)number: *30*

hazrat Ma'rur bayan karte hai k mai Ar-Rabadha(naami jagah) me hazrat Abu zar ghuffari rz.a se Mila, dekha to inho ne aur inke ghulam ne ek jaisa joda(libaas) pehna hua hai maine unse is k mutalliq poocha to inho ne farmaya:
'Maine ek shakhs ko(ek baar) bura bhala kaha tha aur uski maa ki ghairat dilayi thi(yani maa ki gaali di thi),
Nabi ﷺ ne(ye sun kar) farmaya:
'aye Abu zar! Tu ne ise maa ki gaali di hai? Abhi tak tujh me jahalat ka asar baaqi hai, tumhaare ghulam tumhaare Bhai hai, inhe Allah ne tumhaare tasarruf me rakkha hai, chunancha jis shakhs ka Bhai uske qabze me ho use chaahye k use wahi khelaaye Jo khood khata hai aur use wahi libaas pehnaaye Jo khood pehanta hai aur unse wo kaam na lo jo inke taqat se zyada ho, aur agar aise kaam ki inhe zehmat do to khood bhi inka haath batao'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: 'Agar ahle imaan me se do groh aapas ne qattal kare to in k darmiyan sulah Kara do' is muqaam par Allah ne jung-o-qattal k ba'wajood dono groh k liye lafz momin istemal farmaya hai
Hadith(international)number: *31*

Ahnaf bin qais ka bayan hai k: mai uss shakhs(hazrat Ali r.a) ki madad k liye chala, raaste me mujhe Abu Bakarah rz.a mile,
Inho ne poocha:
'kaha ka iraada hai?'
Maine kaha:'mera iraada uss shakhs ki madad karne ka hai'
Unho ne farmaya:
'wapas ho jao...Maine RasoolAllah ﷺ ko ye farmaate hue suna:
'Jab do Musalman talwaare lekar aapas me lad pade to qaatil aur maqtool(qatal hone wala) dono jahannumi hain' Maine arz kiya: aye Allah k Rasool! ye to qaatil hai(uska jahannumi hona samajh me aata hai), lekin maqtool ka kya jurm hai?'
Aap ﷺ ne farmaya:
'Uski khawahish bhi doosre sathi ko qatal karne ki thi(islye)'

(Jo log Maula Ali rz.a ko haqq par samajhte hue jung(jamal,siffin) me shaamil hue woh momin aur jannati hai, jab k woh log Jinka maqsad jung me fasaad aur fitna karna tha aur saamne wale groh ki asbiyat me akar qatal karna tha to woh log iss hadees k mutabiq jahannumi hai)

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Ek zulm ka doosre zulm se kamtar hona
Hadith(international)number: *32*

hazarat Abdullah Ibn masood rz.a farmaate hai:
Jab yeh ayat utri 'Jo log imaan laaye aur inho ne apne imaan ko zulm k sath aaludah nhi kiya wahi log hain Jin k liye aman hai aur wahi hidayat yaaftah hain'
To nabi ﷺ k sahaba rz.a ne kaha:
(Aye Allah k Rasool!) Hum me se koun aisa hai jisne zulm nhi kiya?'
Tab Allah ne ye ayat utaari "yaqeenan shirk zulm e azeem hai"

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Munaafiq ki nishaaniyan
Hadith(international)number: *33*

hazrat Abu hurairah rz.a se riwayat hai,
Nabi ﷺ ne farmaya:
'Munafiq ki teen(3) nishaaniyan hai: jab baat kahe to jhoot bole, jab waada kare to khelaaf warzi kare aur jab uske paas amaanat rakkhi jaye to khyanat kare'

hadith(international)number: *34*

hazrat Abdullah Ibn Umar rz.a se riwayat hai, nabi  ﷺ ne farmaya:'chaar(4) baaten jisme hongi wo to khaalis(pakka) munafiq hoga aur jisme in me se koi ek bhi hogi, us me nifaaq ki ek khaslat hogi, yahan tak k woh ise tark kar de(chod de):
Jab us k paas amaanat rakkhi jaye to khyanat kare,
Jab baat kahe to jhoot bole,
Jab ahad(agreement) kare to daghabaazi kare,
Aur jhahde to behooda bakwaas kare'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Shab e qadar ka qayaam bhi juzz e imaan hai
Hadith(international)number: *35*

hazrat Abu hurairah rz.a se riwayat hai inho ne kaha, RasoolAllah ﷺ ne farmaya:
'Jo shakhs imaan ka taqaaza samajh kar sawab ki niyyat se Shab e qadar ka qayaam kare us k pichle gunaah bakhsh diye jaye ge'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Jihad imaan ka hissa hai
Hadith(international)number: *36*

hazrat Abu hurairah rz.a se riwayat hai ,wo nabi ﷺ se bayan karte hai, aap ﷺ ne farmaya:
'Allah uss shakhs k liye zimme Dari leta hai jo uski raah me(jihad k liye) nikle, use ghar se(jihad k liye) sirf islye nikaala k wo mujh par(Allah par) imaan rakhta hai aur mere Rasoolon ki tasdeeq karta hai(yani sirf Allah ki raza k liye nikle dunya k khatir aur dikhlaawe k khatir na nikle)to mai use uss sawaab ya maal e ghanimat k sath wapas karunga jo usne jihad me paaya, ya use(shaheed) bana kar jannat me dakhil karunga,(aur RasoolAllah ﷺ ne farmaya:) agar mai apni ummat k liye ise dushwaar na samajhta to kabhi Chote se Chote lashkar se bhi peeche na baith rehta, aur meri ye aarzu hai k Allah ki raah me maara jaun ,phir zinda kiya jaun, phir maara jaun ,phir zinda kiya, phir maara jaun'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Ramzan me taraweeh padhna bhi imaan ka hissa hai
Hadith(international)number: *37*

hazrat Abu hurairah rz.a se riwayat hai ,RasoolAllah ﷺ ne farmaya:'Jo shakhs ramzan me imaandar ho kar sawaab hasil karne k liye raat k waqt qayaam karega to uske pichle gunaah mu'aaf kar diye jaye ge'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: sawab ki niyyat se Ramzan k roze rakhna imaan k hissa
Hadith(international)number: *38*

hazrat Abu hurairah rz.a se riwayat hai, inho ne kaha ,RasoolAllah ﷺ ne farmaya:'jis shakhs ne apne imaan k pesh e nazar sawab haasil karne k liye Ramzan k roze rakkhe us k tamaan guzashta gunaah bakhsh diye jaye ge'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Deen Aasan hai
Hadith(international)number: *39*

hazrat Abu hurairah rz.a se riwayat hai ,RasoolAllah ﷺ ne farmaya:'be-shak deen islaam bahut Aasan hai aur jo shakhs deen me sakhti karega to deen uss par ghaalib ajaye ga isliye mayanah ravi ikhteyar karo aur (aiytedaal k sath) qareeb raho aur khush ho jao, subah aur do-pehar k baad aur kuch raat me ibadat karne se madad haasil karo'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Namaz bhi imaan ka juzz
Hadith(international)number: *40*

hazrat Bara' bin 'Azib Radi allahu anhu se riwayat hai k nabi ﷺ jab(hijrat kar k) madinah tashreef laaye to pehle apne dadihaal ya nanihaal ,Jo Ansaar se the, k yahan utre aur(madinah me) 16 ya 17 mahine bait-ul-muqaddas ki taraf muh kar k namaz padhte rahe, Albatta aap chaahte the k apka qibla ka'abe ki taraf ho jaye(aur hogya), aur pehli namaz Jo aap ﷺ ne ka'abe ki taraf(muh kar k) padhi wo asar ki namaz thi ,aur aap k hamraah kuch aur log bhi the, phir in me se ek shakhs nikla aur kisi masjid waalon k paas se iska guzar hua, wo(bait-ul-muqaddas) ki taraf muh kiye hue) ruku' ki haalat me the ,to usne kaha: mai Allah ko gawaah bana kar kehta hun k Maine RasoolAllah ﷺ k hamraah makkeh ki taraf(muh kar k) namaz padhi hai, (ye sunte hi) wo log jis haalat me the usi haalat me baitullah ki taraf phir gaye
Aur jab aap  ﷺ bait-ul-muqaddas ki taraf muh kar k namaz padhte the to yahudi aur doosre ahle kitab(nasaara) bahut khush hote the, lekin jab aap ne apna muh baitullah ki taraf pher liya to ye inhe bahut Na gawaar guzra'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Aadmi k Islam ki khoobi
Hadith(international)number: *41*

hazrat Abu sa'eed khudri  Radi allahu anhu se riwayat hai, inho ne RasoolAllah ﷺ se suna, aap ﷺ farma rahe the:'jab koi Banda Musalman ho jata hai, phir Islam par acchi tarah karband rehta hai to Allah ta'ala is k tamaan gunahon ko mu'aaf kar deta hai, jiska usne qabal az Islam(Islam laane se pehle) irtekaab kiya tha aur is k baad phir qassas ka usool chalta hai k ek neki ka badla 10 guna se lekar 700 guna(zyada) tak diya jata hai aur buraai ka badla to buraai k mutabiq hi diya jata hai, magar ye k Allah ta'ala usse dar'guzar farma le'

Hadith(international)number: *42*

hazrat Abu hurairah  Radi allahu anhu se  se riwayat hai, inho ne kaha RasoolAllah ﷺ ne farmaya:
'Jab tum me se koi apne Islam ko accha kare to har wo acchai jis ko wo Baja layega 10 guna se 700 guna tak likhi jaye gi aur har wo bura kaam jo wo karta hai to wo itna hi likha jata hai(jitna usne kiya hai)'

📖 *Sahiul bukhari*(jild 01)
📃 _kitabul imaan_
Imaan ka bayan
*Baab*: Allah ko deen(ka) woh(Amal) bahut pasand hai jo hamesha kiya jaye
Hadith(international)number: *43*

hazrat Aaisa radiallahu anhu se riwayat hai, nabi ﷺ ek martabah inke paas tashreef laaye, wahan ek aurat baithi hui thi,
Aap ﷺ ne poocha:'ye kon hai?'
Hazrat Aaish radiallahu anhu ne kaha:'ye fulaan aurat hai, aur uski (kasrat)namaz ka haal bayan karne lagi'
Aap ﷺ ne farmaya:
'Ruk jao! tum apne zimme sirf wahi kaam lo jo(hamesha) kar sakte ho, Allah ki qasam! Allah sawaab dene se nhi uktaata ,tum hi ibadat karne se thak jao ge, aur Allah ko sab se zyada mehboob ita'at ka woh kaam hai jiska karne wala us par hameshgi kare(hamesha kare)'

(Islam me husn aamal se aata hai magar wo aamal itne zyada Na ho k dil ki tangi ka sabab ban jaye aur ise chodne tak ki niyyat ho jaye, Allah k nazdeek miqdaar nhi miyaar ki ahmiyat hai)

📃 _kitabul imaan_
Imaan ka bayan
*Baab*: imaan me kami beshi ka bayan
Hadith(international)number: *44*
hazrat Anas radiallahu anhu se riwayat hai ,wo Nabi ﷺ se bayan karte hai, aap ﷺ ne farmaya:
'Jisne  لآ اِلَهَ اِلّا اللّهُ (Allah k siwa koi ma'abood nhi)  kaha aur uske dil me ek jau k baraabar neki(imaan) ho wo dozakh se zaroor nikle ga,
 aur jisne لآ اِلَهَ اِلّا اللّهُ (Allah k siwa koi ma'abood nhi)  kaha aur uske dil me gehoon k daane k baraabar bhalayi(imaan) ho woh dozakh se zaroor nikle ga,
 aur jisne لآ اِلَهَ اِلّا اللّهُ (Allah k siwa koi ma'abood nhi) kaha aur uske dil me zarra baraabar neki(imaan) ho wo bhi dozakh se zaroor nikle ga'


*Baab*: imaan me kami beshi ka bayan
Hadith(international)number *45*
hazrat Umar bin khattab radiallahu anhu se riwayat hai ,ek yahudi ne inse kaha:
Aye ameerul momineen! Tumhari kitab(Quran) me ek aisi ayat hai jise tum padhte rehte ho, agar wo ayat hum yahudiyon par nazil hoti to hum uss din ko Eid ka din thehra lete,
Hazrat Umar radiallahu anhu ne kaha:'wo konsi ayat hai?' Yahudi bola:
Ye ayat "aaj Maine tumhaare liye tumhara deen kaamil kar diya aur tum par apni nemat poori kar di aur deen islaam ko tumhaare liye pasand kar liya"
Hazrat Umar radiallahu anhu ne kaha hum uss din aur us maqaam ko jaante hain jisme ye ayat nabi par nazil hui ye ayat jumah k din utri jab aap arfaat me khade the'


*Baab*: zakat Islam ka hissa hai
Hadith(international)number: *46*
hazrat talha bin ubaidullah radiallahu anhu ka bayan hai k ahle najad se ek shakhs purgandah mau(baal) RasoolAllah ﷺ k paas aaya
 hum uski gungunahat sun rahe the magar ye na samajhte the k kya kehta hai
yahan tak k woh nazdeek aa pahucha, tab maalum hua k islam k mutalliq pooch raha hai,
 RasoolAllah ﷺ ne farmaya:'din raat me 5 namaazen hai'
usne kaha 'in k ilawa bhi mujh par koi namaz farz hai?'
 Aap ﷺ ne farmaya:'nhi, magar ye k tu apni khushi se padhe'
(phir) RasoolAllah ﷺ ne farmaya:
'aur Ramzan k roze rakhna'
 usne arz kiya 'aur to koi roza mujh par farz nhi!'
Aap ne farmaya:'nhi, magar ye k tu apni khushi se rakkhe' hazrat talha kehte hai:
'RasoolAllah ﷺ ne usse zakat ka bhi zikr kiya;
usne kaha:'mujh par iss k ilawa(koi aur sadqah bhi) farz hai?' Aap ne farmaya:
'nhi ,magar ye k tu apni khushi se de'
Hazrat talha ne kaha:'phir wo shakhs ye kehte hue peeche hata: Allah ki qasam! Mai isse zyada ya kam nhi karunga, RasoolAllah ﷺ ne farmaya:
'Agar ye sach kah raha ha to kaamiyab ho gaya....'


Imaan ka bayan
*Baab*: Momin ko darna chaahye k kahi iske Aamaal be-khabri me zaa'ye(barbaad) Na ho jaye
Hadith(international)number: *48*
Hazrat zubaid bin haaris se riwayat hai inho ne kaha Maine Abu waail se murjiya k mutalliq dariyaft kiya(k unka aqeedah hai k gunaah se Aadmi faasiq nhi hota) ,inho ne iske jawab me hazrat Abdullh Ibn mas'ood radiallahu anhu ki riwayat pesh ki k nabi ﷺ ne farmaya:
'Musalman ko gaali Dena fausuq aur usse ladna kufr hai'

Hadith(international)number: *49*
hazrat ubadah bin samat radiallahu anhu se riwayat hai RasooAllah ek dafa Shab-e-qadr batane k liye apne(hujre se) nikle, itne me 2 Musalman aapas me jhagad pade, aap ﷺ ne farmaya:'mai to isliye bahar nikla tha k tumhe Shab-e-qadr bataun magar fulaan fulaan Aadmi jhagad pade isliye wo(mere dil se) utha li gayi, aur shayad yahi tumhaare haq me mufeed ho, ab tum Shab e qadr ko Ramzan ki 27wi, 29wi aur 25wi raat ne talaash karo'


*Baab*: hazrat jibraeel ka Nabi ﷺ se imaan, Islam, ehsaan aur qayamat ke ilm ke mutalliq sawal karna

Hadith(international)number: *50*
hazrat Abu hurairah radiallahu anhu se riwayat hai ,Nabi ﷺ logon ke saamne tashreef farma the(maujood the) , ke achaanak ek shakhs aap ki khidmat me haazir hua aur poochne laga:
imaan kya hai?
Aap ﷺ ne farmaya:
'Imaan ye hai ke tum Allah par ,uske farishto par aur Roz e hashr Allah k huzoor pesh hone par aur Allah k Rasoolon par imaan laao aur qayamat ka yaqeen karo'
Us ne mazeed sawal kiya:
Islam kya hai?
Aap ﷺ ne farmaya:
'Islam ye hai ke tum sirf Allah ki ibadat karo aur uske saath kisi ko shareek na banao ,namaz thik taur par ada karo aur farz zakaat ada karo aur Ramzan k roze rakkho'
Phir usne poocha:
 Ehsaan kya hai?
Aap ne farmaya:
'Ehsaan ye hai k tum Allah ki ibadat iss tarah karo goya tum use dekh rahe ho, agar tum use nahi dekh rahe ho to wo to tumhe dekh raha hai'
Usne kaha:
qayamat kab barpa hogi?
Aap ne farmaya:
'Jis se sawal kiya gaya hai wo bhi sawal karne waale se zyada nhi jaanta, Albatta mai tumhe qayamat barpa hone ki nishaaniyan bata deta hun:
Jab laudi apne Malik ko jane gi aur jab sayaah oonton(black Carmel) ko charaane waale ooncho oonchi imaaraten(buildings) banaane me ek doosre par bazi le jaye ge'(tab qayamat ayegi), darasal qayamat unn 5 baaton me se hai jinhe Allah siwa koi nhi jaanta'
Phir aap ne ye ayat tilaawat farmayi:
"Beshak Allah hi ko qayamat ka ilm hai"
Iske baad wo shakhs waapas chala gaya, to aap ne farmaya:'use mere paas lao'
Chancha logon ne use talaash kiya lekin uska koi suraag na mila to aap ﷺ ne farmaya:
'Ye jibraeel the Jo logon ko unka deen sikhaane aaye the'


Hadith(international)number: *51*
hazrat Ibn Abbas radiallahu anhu kehte hai: mujhe Abu sufiyan radiallahu anhu ne bataya k harqil(shah Rom) ne unse ye kaha:
'Maine tumse dariyaft kiya tha k uske(Muhammad ﷺ) k pairokaar badh rahe hai ya ghat rahe hai? to tum ne bataya ke din ba'din wo zyada hote ja rahe hai, yaqeenan! Imaan ka muamla isi tarah hota hai, yahan tak k wo paaya e takmeel tak pahuch jaaye, phir maine tumse poocha: uske pairokaar me se koi deen me dakhil hone k baad ise bura samajhte hue murtad bhi ho jata hai? ,to tum ne jawab diya: nahi,
Aur imaan ka yahi haal hota hai jab iski bashashat dil me Suraiyyat kar jaati(imaan ki roshni dil me bas jati) hai to phir koi shakhs usse naaraz nhi hota'


*Baab*: Apne deen ki khaatir gunahon se alag hone waale ki fazilat
Hadith(international)number: *52*
Hazrat No'man bin basheer radiallahu anhu se riwayat hai ,inho ne kaha:
Maine RasoolAllah ﷺ se suna aap farma rahe the:
'Halaal zahir hai aur haraam bhi zahir hai aur in dono cheezon ke darmiyan kuch mustsbah cheezen(milti julti cheezen) hain jinhe aksar log nahi jaante, chunancha jo shakhs in mustsbah cheezon se bach gaya usne apne deen aur apni aabru ko bacha liya aur jo shakhs in mustsbah cheezon me mubtala hogya uski misaal uss charwaahe ki si hai jo shaahi charagaah k aas paas(apne jaanwaron ko) charaye ,qareeb hai ke charagaah ke andar uska janwar ghus jaye, aagaah raho! ke har badshah ki ek charagaah hoti hai
Khabardaar! Allah ki charagaah uski zameen me haram kardah cheezen hai, sun lo! Badan me ek tukda(gosht ka) hai, jab wo sanwar jata hai to saara badan sanwar jata hai aur jab wo bigad jata hai to saara badan kharab ho jata hai, aagaah raho! wo tukda Dil hai'

(Duniya me 3 tarah ki cheezen hai halaal, haraam aur shubah daar, halaal aur haraam Quran o hadees me khuli taur par maujood hai aur jo cheezen shubah waali hai yani kuch halaal hai aur usme haraam ki bhi milawat hai to uske mutalliq RasoolAllah ﷺ ne ye qanoon banaya k aisi cheezon ko chod Dena behtar hai isse imaan ki hifazat hogi, nez hadees ka aakhri hissa imaan ki alamat ko zahir karta hai yani dil ka sanwarna ya bigadna)


*Baab*: khumus ka ada karna juzz e imaan hai
Hadith(international)number: *53*
Hazrat Abu hamra se riwayat hai ,inho ne kaha: mai hazrat Ibn Abbas radiallahu anhu k paas baitha karta tha ,woh mujhe khaas apne takht par baitha te, ek dafa kahne lage:
Tum mere paas kuch Roz aqaamat karo, mai tumhaare liye apne maal me se kuch hissa muqarrar kar dunga, to mai in k yahan 2 maah(months) tak aqaamat pazeer raha,
Phir inho ne farmaya:
'Jab wafad abddul qais nabi ﷺ ke paas aaya to aap ﷺ ne farmaya:
'Ye koun log hain ya konse numaainde hain?' Inho ne kaha: hum khaandan e rabi'a k log hain, aap ﷺ ne farmaya:'tum aaraam ki jagah aaye ho na zaleel hoge na sharmindah!' ,phir in logon ne arz kiya: aye Allah k Rasool! Hum maah e haram k ilawa doosre Dino aap k paas nhi asakte? Kyun k hamaare aur aap k darmiyan kuffar e muzar ka qabeela rehta hai,
Lihaaza aap khulaase k taur par hamen koi aisi baat bata den k hum apne pichle waale ko iski itla'a kar den aur hum sab iss(par Amal karne) se jannat me dakhil ho jayen aur inho ne aap se mashroobat(drinks) k mutalliq bhi poocha, to aap ne inhe 4 baaton ka hukm diya aur 4 baaton se mana kiya ,aap ne inhe ek Allah par imaan laane ka hukm diya, phir Aap ne farmaya:
'Tum jaante ho! Akele Allah par imaan Lana kya hai?' inho ne kaha: Allah aur uske Rasool hi khoob waqif hain,
Aap ne farmaya:'iss baat ki gawaahi Dena k Allah k siwa koi ibadat k layaq nhi aur hazrat Muhammad ﷺ Allah k Rasool hain, namaz theek tareeqe se ada karna, zakat dene, Ramzan k roze rakhna aur maal e ghanimat se 5wa hissa ada karna aur(sharaab banaane k) 4 bartano yani bade matkon, kaddu se taiyyar kiye gaye piyalon lakdi se taraashe gaye lagan aur taarkol se range hue roghani bartano(inn bartano me sharaab banaye jate the)se inhe mana kiya ,phir aap ne farmaya:'in baaton ko yaad rakkho aur apne peeche waalo ko inse matl'a kar do'


*Baab*: Aamaal ka madaar niyyat aur ehtesaab par hai
Hadith(international)number: *54*
Hazrat Umar radiallahu anhu se riwayat hai, RasoolAllah ne farmaya:'Aamaal ka madaar niyyat par hai, har insaan k wahi milega Jo usne niyyat ki ,agar koi apna watan Allah aur uske Rasool k liye chodta hai to uski hijrat Allah aur uske Rasool k liye hogi agar kisi ki hijrat duniya haasil karne k liye ya kisi aurat se shaadi rachaane k liye ho, to uski hijrat usi kaam k liye hai jiske liye usne hijrat ki'

Hadith(international)number: *55*
hazrat Abu mas'ood radiallahu anhu se riwayat hai, wo nabi se bayan karte hai, Aap me farmaya:'jab mard apne ahle o ayaal par sawaab ki niyyat se kharch karta hai to wo uske haq me sadqah ban jata hai'

Hadith(international)number: *56*
hazrat Saad bin abi waqaas radiallahu anhu se riwayat hai, RasoolAllah ne farmaya:'tumhe iss nafqe par zaroor ajar diya jaye ga jisse tumhaara maqsad Allah ki raza ka husool
ho yahan tak k iss luqme par bhi Jo tum apni biwi k muh me daalo'

(Baal baccho par bhi kharch karna sadqah hai sirf gair ko Dena hi sadqe me shamil nhi)


*Baab*: Nabi ﷺ ka Farmaan: deen khair khwahi ka naam hai, ye khair khwahi Allah, uske Rasool ,ahle Islam hukmarano aur aam Musalman ke sath honi chaahye
Hadith(international)number: *57*
hazrat jareer bin Abdullh bijli radiallahu anhu se riwayat hai, inho ne kaha: Maine RasoolAllah ﷺ se namaz padhne ,zakat dene aur har Musalman se khair khawahi karne(ke iqraar) par bait ki'

Hadith(international)number: *58*
ziyad bin 'ilaqa se riwayat hai ,inho ne kaha: Maine jareer bin Abdullh radiallahu anhu se suna, jis din hazrat mughira bin shu'ba radiallahu anhu ki wafaat hui to wo khutbe ke liye khade hue, Allah ki hamd o sana ki aur kaha:
'Tumhe sirf ek Allah se darna chaahye jiska koi shareek nahi, nez tumhe doosre ameer ke aane tak sabr o itminaan se rehna chaahye bus wo anqareeb hi ajayenge' phir farmaya 'apne ameer ke liye dua`e magfirat karo, kyu k wo khud bhi mua'af karne ko pasand karta tha' phir kaha 'tumhe maloom hona chaahye k mai ek dafa Nabi ﷺ ki khidmat me haazir hua aur arz kiya: aye Allah k Rasool! Main aap se Islam par bait karna chaahta hun ,to aap ﷺ ne mujhse har Musalman ke sath khair khawahi karne ka ehad liya, phir isi shart par Maine aap se bait kar li, mujhe iss masjid k rab ki qasam mai tumhaara khair khawah hun ,phir aap ne istaghfaar kiya aur munbar se neeche utar aaye'

*Baab*: Jis shakhs se koi ilmi mas'ala dariyaft kiya jaye aur woh kisi baat me masroof ho to(use chaahye ke) wo apni baat poori kare phir jawab de
Hazrat Abu hurairah radiallahu anhu se riwayat hai, ek dafa Nabi ﷺ Majlis me logon se kuch bayan kar rahe the ke ek dehati aap k paas aaya aur kehne laga:
Qayamat kab aye gi? ,
RasoolAllah ﷺ(use koi jawab diye bagair) apni baaton me mashroof rahe, (hazreen me se) kuch log kehne lage: aap ne dehati ki baat ko sun to liya hai lekin use pasand nhi farmaya aur baaz kehne lage:
Aisa nhi hai balke Aap ne suna hi nhi, jab aap apni guftagu khatam kar chuke to farmaya:
'Qayamat k mutalliq poochne wala kaha hai!',
dehati ne kaha:
ha ya RasoolAllah ﷺ mai hazir hun, aap ne farmaya:
'jab Amanat Zaa'ye kar di jaye to qayamat ka intezar karo' usne dariyaft kiya: Amanat kis tarah zaa'ye hogi?,
Aap ﷺ ne farmaya:
'Jab(zimme Dari ke kaam) na-ahl(na-layaq) logon ke supurd kar diye jaye to qayamat ka intezar karna'


*Baab*: ilmi baaten buland aawaz se kehna
Hadith(international)number: *60*
Hazrat Abdullh Ibn Amr' radiallahu anhu se riwayat hai, inho ne farmaya:
Ek Safar me Nabi ﷺ hum se peeche rah gaye the, phir aap ﷺ hume iss halat me mile ke hum se namaz me der ho gayi thi aur hum(jaldi jaldi) wazu kar rahe the, hum apne paao(khoob dhone ke bajaye in) par masah ki tarah tar(bheegi hui) haanth pherne lage ,ye dekh kar aap ﷺ ne ba'awaaz buland 2 ya 3 martaba farmaya:
'Dozakh me jaane wali ediyon(heels) par afsos'


*Baab*: Muhaddis ka حَدَّثَنَا ,أَخْبَرَنَا  وَأَنْبَأَنَا jaise alfaaz istemal karna
Hadith(international)number: *61*
Hazrat Umar radiallahu anhu se riwayat hai, RasoolAllah ne farmaya:' darakhton me ek aisa darakht bhi hai Jo kabhi pat-jhad nhi hota aur Musalman ko isse tashbeeh(misaal) di ja Sakti hai, batao wo konsa darakht hai?'
Ye sun kar sahaba k khayalaat jungle ke darkhton ki taraf gaye, hazrat Abuullah Ibn Umar radiallahu anhu kehte hai: mere dil me khayal aaya ke wo khujoor ka darakht hai magar mai(kehte hue) sharma gaya, phir sahaba ne arz kiya:
Ya RasoolAllah! Aap farmaiye wo konsa darakht hai?
Aap ne farmaya:
'Wo khujoor ka darakht hai'


*Baab*: shagird ka ustaad ke saamne padhna aur pesh karna
Hadith(international)number: *63*
Hazrat Anas radiallahu anhu se riwayat hai, inho ne farmaya: ek martaba hum masjid me Nabi ﷺ ke sath baithe the ke ek oonta sawaar aya aur apne oont ko masjid me baitha kar baandh diya, phir poochne laga 'tum me Muhammad(ﷺ) kon hai?'
Nabi us waqt sahaba me takiya lagaye baithe the, hum ne kaha: ye safed rang waale takiya lagaye baithe hai, wo aap se kehne laga: aye abdul mutallib ke bête! Nabi ﷺ ne farmaya:
'(pooch)mai tujhe jawab deta hun, usne Nabi ﷺ se kaha: Mai aap se kuch dariyaft karne wala hun aur usme sakhti karunga ,aap dil me mujh par naraaz na hon, aap ﷺ ne farmaya:
'(Koi baat nhi) Jo chaahe pooch' usne poocha: mai aapko aapke parwardigar aur aap se pehle logon ke Malik ki qasam de kar poochta hun: kya Allah ne aapko tamaan insano ki taraf ma'boos kiya hai?' Aap ﷺ ne farmaya:'han, Allah gawaah hai' phir usne poocha: mai apko Allah ki qasam deta hun, kya Allah ne aapko din raat me 5 namaazen padhne ka hukm diya hai?, aap ﷺ ne farmaya:'han, Allah gawaah hai', phir usne kaha: Mai aapko Allah ki qasam deta hun, kya Allah ne saal bhar me Ramzan ke roze rakhne ka hukm diya hai?, aap ﷺ ne farmaya:han, Allah gawaah hai', phir kehne laga: mai aapko qasam deta hun, kya Allah ne aapko hukm diya hai ke aap hamaare umr'a(ameeron) se sadqah lekar hamaare fuqra'a(ghareebon) me taqseem Karen?, aap ﷺ ne farmaya:'han, Allah gawaah hai', iske baad wo shakhs kehne laga: mai iss(shariyat) par imaan lata hun jo aap laaye hain, mai apne qoum ka numaainda ban kar haazir e khidmat hua hun(yani apka ye hukm mai un tak pahuchau ga aur unhe Islam ki dawat dunga) mera naam  Dimam bin sa`laba hai aur qabeela  Bani Sa`d bin Bakr se talluq rakhta hun'

📖 *Sahiul bukhari*(jild 01)
📃 _kitabul ilm_
ilm ka bayan
*Baab*: Munawlah ka bayan, nez ahle ilm ka ilmi baaten likh kar degar shehron me bhejne ka bayan
Hadith(international)number: *64*
Hazrat Ibn Abbas radiallahu anhu se riwayat hai ke RasoolAllah  ﷺ ne apna khat ek shakhs ke hamraah bheja aur usse farmaya:
'Ye khat Bahrain ke governor ko pahucha do', phir haakim e Bahrain ne isko kasra(King of Persia) tak pahuncha diya, kasra ne ise padh kar chaak kar diya, Raawi(Ibn shihaab) ne kaha: mera khayaal hai ke Ibn musaiyab ne kaha:(iss waqyeh ko sun kar) RasoolAllh  ﷺ  ne uske liye bad'dua ki ke wo har tarah rezah rezah kar diye jaye.

Hadith(international)number: *65*

Hazrat Anas bin Malik radiallahu anhu se riwayat hai, inho ne farmaya:
Nabi ﷺ ne ek khat likha ya likhne ka iraada farmaya ,to aap ﷺ se kaha gaya:
wo log ba-gair muhar laga khat nhi padhte, to aap ﷺ ne chaandi(silver) ki ek anguthi banwayi jis par 'Muhammad Rasool Allah' ke alfaaz kundah the ,
hazrat Anas ka bayan hai ke(iski khubsoorti meri aankhon me khub gayi) goya mai ab bhi aap ﷺ ke haanth me uski safedi ko dekh raha hun'


*Baab*: ilm`ee Majlis me jo shakhs Majlis ke aakhir hi me baith gaya aur jisne majlis ke andar jagah dekhi aur wahan ja kar baith gaya
Hadith(international)number: *66*
Hazrat Abu Waqid Laisi radiallahu anhu se riwayat hai, ek martaba RasoolAllah ﷺ masjid me logon ke hamraah baithe hue the, itne me 3 Aadmi aaye ,in me se 2 to RasoolAllah ﷺ ke paas agaye aur 1 wapas chala gaya, Raawi ne kaha ke woh dono kuch der RasoolAllah ﷺ ke paas theh're rahe in me se ek ne halqe(Majlis) me (baitne ki) gunjaaish dekhi to baith gaya aur doosra sab se peeche baith gaya ,teesra to wapas hi ja chuka tha,
Jab RasoolAllah ﷺ(wa'az se) faarigh hue to farmaya:'kya mai tumhe in teeni aadmio ka haal na bataun?,
in me se 1 ne Allah ki taraf panaah li to Allah ne bhi ise apni taraf jagah de di aur doosra sharmaya to Allah ne bhi isse sharm ki aur teesre ne muh phera to Allah ne bhi isse muh phera'


*Baab*: Irshaad e nabwi: basa auqaat wo shakhs jise hadees pahunchayi jaye, wo sunne waale se zyada yaad rakhne wala hota hai' ka bayan
Hadith(international)number: *67*
Hazrat Abu bakra' radiallahu anhu se riwayat hai: ek dafa Nabi ﷺ apne oont par baithe hue the aur ek shakhs iski baag thaame hue tha,
aap ﷺ ne farmaya:
'Ye konsa din hai?'
Hum log iss khayal se khaamosh rahe ke shayad aap iss k asal naam k ilawa koi aur naam bataye ge,
aap ﷺ ne farmaya:
'Ye qurbani ka din nhi!'
Hum ne arz kiya: kyu nhi,
aap ﷺ ne farmaya:
'Ye konsa mahina hai!'
Hum phir iss khyal se chup rahe ke shayad aap iska koi aur naam rakkhe ge,
aap ﷺ ne farmaya:
'Kya ye maah e zulhijjah nhi!'
Hum ne kaha: kyu nhi, tab aap ﷺ ne farmaya:
'Tumhaare khoon, tumhare maal, tumhaari aabru ek doosre par isi tarah haraam hai jaise k tumhare yahan iss shahar aur iss mahine me iss din ki hurmat hai, jo yahaan hazir hai use chaahye ke wo gayab ko ye khabar(hadees) pahuncha de ,iss liye ke shayad haazir aise shakhs ko khabar kar de Jo iss baat ko usse zyada yaad rakkhe'


*Baab*: Nabi ﷺ wa'az of tal`eem me khayal rakhte, ta ke log ukta na jaye
Hadith(international)number: *68*
Hazrat Ibn mas'ood radiallahu anhu se riwayat hai, inho ne farmaya:
Nabi ﷺ hamaare ukta jaane ke andeshe se hamen wa'az-o-naseehat karne ke liye waqt aur mauqa o mahal ka khayal rakhte the

Hadith(international)number: *69*
Hazrat Anas radiallahu anhu se riwayat hai, Nabi ﷺ ne farmaya:
'(Deen me) aasani karo, sakhti na karo aur logon ko (jannat ki)khush ranji sunaao ,inhe(dara dara kar) nafrat Na dilao'

*Baab*: Ahle ilm ke liye ta'aleemi auqaat ki taiyyan(time fix) karna
Hadith(international)number: *70*
Hazrat Abu waail se riwayat hai, inho ne kaha: Abdullh Ibn mas'ood radiallahu anhu har jumeraat(Thursday) logon ko wa'az kiya karte the, ek shakhs ne inn se arz kiya:
Aye Abu Abdurehman! Mai chaahta hun ke aap hamen rozana wa'az-o-naseehat farmaya karen, aap ne farmaya:
'Mujhe iss kaam se ye cheez maan'e hai ke mai tumhe uktaahat me nhi daalna chaahta aur mai pind o naseehat me tumhaare jazbaat ka khayal rakhta hun jis tarah Nabi ﷺ wa'az karte waqt hamaare jazbaat ka khayal rakhte the, ta ke hum ukta na jaaye'


*Baab*: Jiske saath Allah bhalayi chaahta hai use deen ki samajh ata farma deta hai
Hadith(international)number: *71*
Hazrat Muawiya radiallahu anhu se riwayat hai inho ne dauraan khutba me kaha:
Maine Nabi ﷺ ko ye farmaate hue suna:
'Allah jiske saath bhalayi chaahta hai use deen ki samajh enaayat kar deta hai aur mai to sirf taqseem karne wala hun aur dene waala to Allah hi hai, aur(Islam ki) ye jama'at hamesha Allah ke hukm par qayam rahe gi, Jo inka mukhaalif hoga wo inhe nuqsaan nhi pahuncha sake ga, yahan tak ke Allah ka hukm yani qayamat aajaye'


*Baab*: ilm me feham o baseerat ka bayan
Hadith(international)number: *72*
Hazrat mujahid kehte hai: Main hazrat Ibn Abbas Radiallahu anhu ke sath madine tak raha magar maine inhe ek hadees ke siwa aur koi cheez RasooAllah se bayan karte hue nhi suna, inho ne kaha:
Hum Nabi ke paas baithe the ke aapki khidmat me khajoor ka ek gooda laaya gaya, aap ne farmaya:
'Darakhton me ek aisa darakht hai jiski misaal musalman ki tarah hai', maine iraada kiya ke bataun wo khajoor hai lekin mai logon me sab se chota tha isliye khaamosh raha, Nabi ne farmaya:
'wo khajoor ka darakht hai'


*Baab*: ilm-o-hikmat me rashk(hasad) karna
Hadith(international)number: *73*
Hazrat Abdullh Ibn mas'ood Radiallahu anhu se riwayat hai, inho ne kaha:
Nabi ﷺ ne farmaya:
'Rashk jaiz nhi magar 2(aadmion ki) khaslaton par:
ek uss Shaksh(ki aadat) par jise Allah ne maal diya ho aur wo use raah e haq me kharch karta ho aur doosre uss Shaksh(ki aadat) par jise Allah ne(Quran o hadees ka) ilm de rakkha ho aur wo iske mutabiq faisla karta ho aur logon ko iski taleem deta ho'


*Baab*: Hazrat Musa alayhissalam ka Dariya me hazrat Khizr ke paas jaane ka bayan
Hadith(international)number: *74*
Hazrat Ibn Abbas Radiallahu anhu se riwayat hai ke, inka aur hazrat hur bin qais Radiallahu anhu ka hazrat musa alayhissalam ke mutalliq ikhtelaf ho gaya ,hazrat Ibn Abbas Radiallahu anhu ne farmaya:
wo saathi hazrat Khizr hain, isi dauraan hazrat Ubai bin Ka`b Radiallahu anhu ka inke paas se guzar hua to hazrat Ibn Abbas Radiallahu anhu ne inhe bulaya aur farmaya:
Mera aur mere iss saathi ka hazrat musa ke uss ham-nasheen ke mutalliq baahmi ikhtelaf ho gaya hai jiski mulaqaat ke liye hazrat musa ne raasta dariyaft kiya tha, kya aap ne Nabi ﷺ se iss k mutalliq suna hai?
Inho ne kaha:
Han, maine RasooAllah ﷺ ko ye farmaate hue suna hai, 'Ek din Musa Bani Israel ki ek jamat me tashreef farma the, itne me ek aadmi aaya aur aap se dariyaft kiya ke: aap kisi Shaksh ko apne se zyada aalim jaante hain?, hazrat musa ne farmaya:'nhi',
Iss par Allah ne hazrat musa par wahi naazil farmayi: kyu nhi! Hamaara Banda Khizr(tumse zyada daana hai), hazrat musa ne Allah se arz ki: usse Milne ki kya soorat hai?, Allah ne ek machli ko inse Milne ki alamat qaraar diya aur inse kah diya ke jab tum machli ko gum paao to fauran laut padna kyu ke wahan qareeb hi tumhaari usse mulaqaat hogi, iske baad musa chale aur Dariya me machli ki alamat talaash karte rahe, phir(ek muqaam par) musa se unke khaadim ne kaha ke:
Aap ne dekha ke jab hum patthar ke paas khade the to mai(wahi) machli ko bhool gaya aur shaitan hi ne mujhe uska zikr bhulaya, musa ne farmaya:'yahi to wo cheez thi jiske hum mutlashi the chunaancha dono apne naqsh e haye qadam(footsteps) talaash karte hue un par wapis hue to hazrat Khizr se mulaqaat ho gayi phir inn dono ka wahi qissa hai Jo Allah ne apne kitab me bayan farmaya hai'


*Baab*: dua-e-nabwi: aye Allah! ise qur'an ka ilm de
Hadith(international)number: *75*
hazrat Ibn Abbas Radiallahu anhu se riwayat hai, inho ne kaha: mujhe ek martaba RasooAllah ﷺ ne apne seene se lagaya aur dua di:
'Aye Allah! ise apni kitab ka ilm atä farma'


*Baab*: Na-baligh ladke ka kis umar me samä hadees durust hai
Hadith(international)number: *76*
hazrat Ibn Abbas Radiallahu anhu se riwayat hai , inho ne farmaya:
'Mai ek din gadhi par sawaar ho kar aaya uss waqt mai qareebul baloghat(jawaan hone k qareeb) tha aur RasooAllah mina me kisi deewar ko saamne kiye bagair namaz padha rahe the ,mai ek saff k aage se guzra aur gadhi ko charaane ke liye chod diya aur khud saff me shaamil ho gaya, mujh par kisi ne aitaraaz nhi kiya'

Hadith(international)number: *77*
Hazrat Mahmud bin Rabi`a Radiallahu anhu se riwayat hai, inho ne farmaya:
'Mujhe(ab tak) Nabi ki ek Kuli yaad hai Jo aap ne ek dol se paani lekar mere chahre par ki thi, uss waqt mai 5 baras ka tha'

(Na-baligh ladke ki riwayat qabil e qubool hoti hai agr wo jawaan hone par riwayat kare, nez namaz k dauran aage se bacche ke guzar jaane se namaz me koi farq nhi pad ti hai)


*Baab*: ilm seekhne aur sikhaane ki fazeelat
Hadith(international)number: *79*
Hazrat Abu musa as'ari Radiallahu anhu Nabi se bayan karte hai ke aap ne farmaya:
'Allah ne Jo hidayat-o-ilm mujhe de kar bheja hai iski misaal tez baarish ki si hai, Jo zameen par barse, saaf aur umda zameen to paani ko jazb(absorbe) kar leti hai aur bahut sa ghaas aur sabza uga deti hai ,jab ke sakht zameen paani ko rokti hai phir Allah usse logon ko faida pahuncha ta hai, log khud bhi peete hain aur jaanwaron ko bhi sairaab karte hain aur iss ke zariye se kheti baadi bhi karte hain aur kuch baarish aise hisse par barsi jo saaf aur chatiyal maidaan tha, wo na to paani ko rokta hai aur na hi sabza ko ugaata hai, pas yahi misaal uss Shaksh ki hai jisne Allah ke deen me samajh haasil ki aur Jo t'aleemat de kar Allah ne mujhe b'aboos kiya(bheja) hai in se use faida hua, yaani uss ne inhe khood seekha aur doosron ko sikhaaya ,aur yahi uss Shaksh ki misaal hai jisne sar tak na uthaya aur Allah ki hidayat ko, Jo main de kar bheja gaya hun qubool kiya


*Baab*: ilm ka uth jaana aur jahaalat ka aam ho Jana
Hadith(international)number: *80*
Hazrat Anas Radiallahu anhu se riwayat hai ,inho ne kaha ,RasooAllah ﷺ ne farmaya:
'Ye qayaamat ki ilaamaton me se hai ke ilm uth jaaye ga  aur jahaalat phail jaye gi ,sharaab bahut zyada pi jaaye gi aur zina kaari aam ho jaye gi'

Hadith(international)number: *81*
Hazrat Anas Radiallahu anhu se riwayat hai, inho ne farmaya:
Mai tumhe ek hadees sunaata Hun Jo mere baad tumhe koi nhi sunaaye ga,
maine RasooAllah ﷺ ko farmaate hue suna:
'Qayaamat ki nishaaniyon me se hai ke ilm e deen kam ho jaye ga aur jahaalat zyada ho jaye gi ,zaina kaari aam ho jaye gi ,auraten zyada aur mard kam honge yahaan tak ke 1 mard 50 auraton ka khabar lene waala ho jaye ga'


*Baab*: ilm ki fazeelat ka bayan
Hadith(international)number: *82*
Hazrat Ibn Umar Radiallahu anhu se riwayat hai inho ne kaha: Maine RasooAllah ﷺ se suna, aap farma rahe the:
'Main ek martaba so raha tha ke(khwaab me) mere saamne doodh ka piyala laaya gaya, Maine ise pi liya yahan tak ke sayiraabi mere naakhunon se zaahir hone lagi, phir Maine apna bacha hu doodh Umar bin khattab(Radiallahu anhu) ko de diya, sahaba ne arz kiya: ya RasooAllah! Aap ne iski kya t'abeer ki?
Aap ﷺ ne farmaya:
'Iski t'abeer ilm hai'

(Khwaab me doodh peete dekhne ki ta'beer ilm naseeb hona hai kyun ke his tarah doodh jism ki Gaza hai isi tarah ilm rooh ki gaxa hai, nez hazrat Umar Ibn khattab Radiallahu anhu ki fazeelat bhi sabit Hui k aap ko tamaam mas'il ka gehra ilm tha aur kasrat se ahadees riwayat ki hai)


*Baab*: sawaari wagairah par sawaar rah kar fatwa Dena
Hadith(international)number: *83*
Hazrat `Abdullah bin `Amr bin Al `Aas Radiallahu anhu se riwayat hai ke RasooAllah ﷺ hajjatul wada ke mauqe par Mina me inn logon ke liye khade the Jo aap se masa'il pooch rahe the, ek Shaksh aaya aur kehne laga: mujhe khayal nhi raha, maine qurbaani se pehle apna sar mundwa liya,
Aap ﷺ ne farmaya:
'Ab zabah kar lo koi muzaiqah nahi', phir ek Shaksh aaya aur kehne laga: La-ilmi me Maine rami(kankariyan maarne) se pehle qurbaani kar li hai,
Aap ﷺ ne farmaya:
'Ab rami kar lo koi harj nhi', (Abdullh Ibn 'Amr kehte hain)uss din aap se jis baare me bhi poocha gaya Jo kisi ne pehle kar li ya baad me to ﷺ Aap ne farmaya:
'Ab kar lo koi harj nhi'

*Baab*: jisne haanth ya sar ke ishaare se fatwa ka jawab diya
Hadith(international)number: *85*
Hazrat Abu hurairah Radiallahu anhu Nabi ﷺ se bayan karte hain,
Aap ﷺ ne farmaya:
'Aayinda zamaane me ilm utha liya jaaye ga, jahaalat aur fitne aam honge aur harj zyada hoga', Arz kiya gaya: ya RasooAllah! Harj kya cheez hai?, aap ne apne dast Mubarak(haanth) se iss tarah tircha ishaara kar ke farmaya Goya aapki muraad qatal thi'

(Maloom hua ke agar poochne waala samajh le to ishaara se mas'ala bataana jaiz hai)


*Baab*: jisne haanth ya sar ke ishaare se fatwa ka jawab diya
Hadith(international)number: *86*
Hazrat Asma' binat Abu Bakar Radiallahu anhu se riwayat hai, inho ne kaha:
Main hazrat `Aisha Radiallahu anhu ke paas aayi, jab ke wo namaz padh rahin thi, Maine kaha:
'logon ka kya khayal hai yani wo pareshaan kyun hain?'
Unho ne aasman ki taraf ishaara kiya(yani dekho suraj ko grahamn laga hua hai),
Itne me log(namaz e kasuf ke liye) khade hue to hazrat `Aisha Radiallahu anhu ne kaha:
'subhanAllah',
Maine poocha:(ye grahan) kya koi(azaab ya qayamat ki) alaamat hai?,
Inho ne sar se ishaara kiya: 'Han',
phir main bhi namaz ke liye khadi ho gayi yahan tak ke mujh par ghasi(behoshi) taari hone lagi, to Maine apne sar par paani daalna shuru kar diya ,
phir(jab namaz khatam Hui to) Nabi ﷺ ne Allah ki hamd-o-sana ki aur farmaya:
'Jo cheezen mujhe ab tak nahi dekhayi gayi thi, unhe Maine apni iss jagah se dekh liya hai yahan tak ke jannat aur dozakh ko bhi, aur Meri taraf ye wahi bheji gayi hai ke qabron me tumhari aazmaish hogi, jaise maseeh dajjal ya uss ke qareeb qareeb ke fitno se aazmaye jao ge.....(hadees ki raawi hazrat Fatima be kaha) mujhe yaad nahi ke hazrat Asma' Radiallahu anhu ne inn dono me se konsa kalima kaha tha,
Aur kaha jaye ga ke 'tujhe uss Shaksh yani RasoolAllah ﷺ se kya waqfiyat hai?', imaandar ya yaqeen rakhne wala....(hazrat Fatima ne kaha ke) mujhe yaad nahi ke hazrat asma Radiallahu anhu ne inn dono me se konsa kalima kaha....kahe ga ke 'woh hazrat Muhammad ﷺ Allah ke Rasool hain', Jo hamaare paas khuli nishaaniyon aur hidayat lejar aaye the, hum ne unka kaha maana aur unki pairwi ki, wo Muhammad ﷺ hain', 3 baar aisa hi kahe ga,
chunaanch usse kaha jaye ga:
"Tu maze se so ja, beshak hum ne jaan liya ke tu Muhammad ﷺ par imaan rakhta hai"
Aur munaafiq ya shak karne waala....(hazrat Fatima ne kaha ke) mujhe yaad nahi ke hazrat Asma' Radiallahu anhu ne inn dono me se konsa kalima kaha......kahe ga:
'mai kuch nahi jaanta ,han! Logon ko Jo kehte suna mai bhi wahi kehne laga'

(Jo Shaksh Muhammad ﷺ ke Rasaalat par imaan nhi rakhta wo islaam se kharij hai aur wo qabar ke sawal k jawab dene se qaasir rahe ga ,aksariyat ke raaste par chalne se haq nahi milti iss k bar'aks aise log bhi Muhammad ﷺ ko pehchaan nhi paaye ge ye bhi maloon hua ke halki behoshi taari hone se wazu nahi toot'ti hai)

📖 *Sahiul bukhari*(jild 01)
📃 _kitabul ilm_
ilm ka bayan
*Baab*: Nabi ﷺ ka wafad Abdul qais ko iss baat par aamadah karna ke wo imaan aur ilm ki hifazat karen aur inn se un logon ko matlä Karen(khabar den) Jo un ke peeche hain
Hadith(international)number: *87*
Hazrat Abu jamra se riwayat hai inho ne kaha:
Main hazrat Ibn `Abbas Radiallahu anhu aur logon ke darmiyan tarjumaani(translater) k farayiz anjaam deta tha, ek martaba hazrat Ibn `Abbas Radiallahu anhu ne farmaya:
'Qabila Abdul qais ka wafad Nabi ﷺ ki khidmat me aay to Aap ﷺ ne farmaya:
'Konsa wafad hai ya ye kon log hain?'
Inho ne kaha:
'Rabi`a khandan se'
Aap ne qoum ya wafad ko kaha:
'Khush aamadeed, Na ruswa hue aur na nadamat hi ki koi baat hai', inho ne arz kiya:
'Hum bahut door daraaz ki musafat se aap ki khidmat me hazir hue hain, hamaare aur aap ke darmiyan kuffar Mudar ka ye qabeela haayil hai, islye hum hurmat waale mahine ke ilaawa kisi aur mahine me aap ke paas nahi aa sakte lihaaza aap hamen koi aisa kaam bata dijye ke hum apne peeche walon ko isse matlä kar den(iski khabar de den) aur us ke sabab hum jannat me dakhil ho jaayen ,
Aap ﷺ ne inhe 4 cheezon ka hukm diya aur 4 cheezon se mana farmaya, aap ne inhe ek Allah par imaan laane ka hukm diya ,phir farmaya:
'Tum jaante ho 1 Allah par imaan laane ka kya matlab hai?', inho ne arz kiya: 'Allah aur uske Rasool hi Zyada janne waale hain.....!
Aap ne farmaya:
'Iss baat ki gawaahi Dena ke Allah ke siwa koi m'abood haqeeqi nahi aur Muhammad ﷺ Allah ke Rasool hain, namaz qayam karna, zakaat ada karna, ramzan ke roze rakhna aur maal ganeemat me 5wa hissa ada karna aur inhe Ad-Dubba' ,Hantam, Muzaffat aur An-Naqir ya Muqaiyar(wo bartan jisme sharaab banaaye jaate the) ke istemaal se mana farmaya'


*Baab*:dar pesh mas'aley ke liye safar karna
Hadith(international)number: *88*
Hazrat `uqba bin haris Radiallahu anhu se riwayat hai, inho ne Abi Ihab bin `Aziz ki beti se nikah kiya to ek aurat aayi aur kehne lagi ke:
"Maine `uqba aur iski biwi ko doodh pilaaya hai"
hazrat `uqba Radiallahu anhu ne kaha:
'Mujhe to yaad nahi ke tu ne mujhe doodh pilaaya hai aur Na pehle tu ne iski khabar di! ,
phir hazrat `uqba Radiallahu anhu sawaar ho kar RasoolAllah ﷺ ke paas madina munawwara agaye, aur aap se mas'ala poocha, aap ﷺ ne farmaya:
'(Tu uss aurat se)kaise (sohbat karega) jab ke aisi baat kahi gayi!
Aakhir `uqba Radiallahu anhu ne uss aurat ko chod diya aur usne kisi doosre shaksh se nikaah kar liya'

*Baab*: tehseel e ilm(ilm haasil karne) ke liye baari muqarrar karna
Hadith(international)number: *89*
Hazrat Umar bin khattab Radiallahu anhu se riwayat hai, inho ne farmaya:
'Main aur mera ek ansaari padosi banu umaiyyah bin zaid ke gao me raha karte the Jo madinah ki(mashriqi janib) bulandi ki taraf tha, hum RasoolAllah ﷺ ki khidmat me baari baari aate the, ek din wo aata, ek din main
Jis din main aata uss roz ki wahi wagairah ke haal main use bata deta aur jis din wo aata wo bhi aisa hi karta, ek din aisa hua ke mera ansaari dost apni baari par gaya(jab wapas aaya to) uss ne mere darwaaze par zor zor se dastak di aur kehne laga: wo(Umar) yahan hai?, Main ghabra kar bahar aaya to wo bola: aaj ek bada haadsa hua hai, (RasoolAllah ﷺ ne apni biwion ko talaaq de di hai), main Hafsa(Radiallahu anhu) ke paas gaya to wo ro rahi thi, Maine kaha:RasoolAllah ﷺ ne tumhe talaaq de di hai?, wo boli:
'mujhe ilm nahi hai' phir mai Nabi ﷺ ke paas hazir hua aur khade khade arz kiya:
Kya aap ne apni biwion ko talaaq de di hai?
Aapﷺ ne farmaya:'nhi'
To Maine (khushi se) Allahu Akbar kaha


ilm ka bayan
*Baab*: kisi na-pasandidah baat par waaz-o-taleem ke waqt izhaar e narazi karna
Hadith(international)number: *90*
Hazrat Abu Mas`ud Al-Ansari Radiallahu anhu se riwayat hai ke, ek Shaksh ne arz kiya:
ya RasooAllah! Mere liye namaz ba-jama'at padhna mushkil hogaya hai kyun ke fulaan sahab(imaam) namaz bahut lambi padhaate hain,(Abu mas'ood ansari kehte hain:) Maine Nabi ﷺ ko naseehat ke waqt uss din se zyada kabhi gusse me nahi dekha,
Aap ﷺ ne farmaya:
'Logon! Tum deen se nafrat dilaane waale ho!... dekho Jo koi(imaam) logon ko namaz padhaaye, use chaahye ke takhfeef(halki) kare kyun ke unn(namaziyon me) beemar, na-tawan(zaeef) aur sahab e haajat bhi hote hain(yani unko duniya ke aur bhi kaam karne hote hain)


*Baab*: kisi na-pasandidah baat par waaz-o-taleem ke waqt izhaar e narazi karna
Hadith(international)number: *92*
Hazrat Abu musa ash'ari RadiAllah Anhu se riwayat hai, inho ne farmaya: Nabi ﷺ se chand aisi baaten poochi gayi jo aap ke mizaaj ke khilaaf thi, jab iss qism ke sawalaat aap ke saamne taqraar ki gayi to aapko gussa aagya, phir logon se farmaya:
'Accha jo chaaho mujhse poocho'
Iss par ek shaksh ne arz kiya:Mera baap kon hai?,
aap ﷺ ne farmaya:
'Tera baap Hudhafa hai'
Phir doosre shaksh ne khade ho kar kaha: Ya RasooAllah! Mera baap kon hai?, aap ﷺ ne farmaya:
'Tera baap salim hai jo shaiba ka ghulaam hai', phir jab Umar RadiAllah Anhu ne aap ke chahre mubarak par Aasaar e ghazab dekhe to kehne lage:
'Ya RasooAllah! Hum Allah ke darbaar me tauba karte hain'

(Ahle ilm se behooda, lughu aur be-muaane sawalaat karna jiska amli zindagi se koi talluq nahi hai nadaani aur jahaalat hai)


*Baab*: Muhaddis ya imaam ke saamne do-zaano baithne ka bayan
Hadith(international)number: *93*
Hazrat Anas RadiAllah Anhu se riwayat hai RasoolAllah ﷺ tashreef laaye to Abdullh bin hudafa RadiAllah Anhu ne khade ho kar sawaal kiya:
mere waalid kon hain? Aap ﷺ ne farmaya:
'tumhaare walid hudafa hai' phir aap ne baar baar farmaya:
'mujhse dariyaft karo' ,Hazrat Umar RadiAllah Anhu do-zaano baith Gaye aur kehne lage: hum Allah ke rab hone, Islam ke deen hone aur Muhammad ﷺ ke nabi hone par khush hain', to RasoolAllah ﷺ khaamosh ho gaye'


*Baab*: khoob samjhaane ke liye 1 baat ko 3 martaba dohrana
Hadith(international)number: *94*
Hazrat Anas RadiAllah Anhu se riwayat hai, wo Nabi ﷺ se bayan karte hain ke:
'Aap jab salam karte  to 3 baar salam karte aur jab koi baat farmaate to(acche se samjhaane ke liye) use 3 martaba dohraate'

(RasooAllah ﷺ khaas mauqë par 3 martaba salam kiya karte the maslan: kisi ke ghar me dakhil hone ke liye ijaazat lete waqt,
1 martaba ijazat lene k lye doosri martaba jab us ke paas jaate aur teesri Martaba jab usse rukhsat hote ,aam taur se aap ﷺ 1 hi martaba salam karte, nez kisi khaas baat ko samjhaane ke liye aap 3 martaba dohraate aisi ahadess maujood hai Jin me aap ne 1 baat ko 3 martaba dohraaya hai)


*Baab*: khoob samjhaane ke liye 1 baat ko 3 martaba dohrana
Hadith(international)number: *95*
Hazrat Anas RadiAllah Anhu se riwayat hai: RasooAllah ﷺ jab koi aham(important) baat farmaate to use 3 baar dohraate, ta-ke use acchi tarah samajh liya jaaye, aur jab kisi qoum ke paas tashreef laate to unhe 3 martaba salam kehte the'

Hadith(international)number: *96*
 Hazrat Abdullah ibn 'Amr se riwayat hai, RasooAllah ﷺ hum se ek safar me peeche rah gaye, phir aap hamen aa-mile, jab ke asar ka waqt ho chuka tha aur hum wazu kar rahe the, lihaza hum(jaldi karne ke liye) apne pairon par(sirf) paani ke (bheege)haanth pherne lage to aap ﷺ ne buland awaaz se 2 ya 3 martaba farmaya:
'ediyon(feet) ke liye aag se kharabi hai'


*Baab*: Apni laundi aur ahle Khana ko ta'lim dena
Hadith(international)number: *97*
Hazrat Abu Musa Ash'ari se riwayat hai ,inho ne kaha RasooAllah ﷺ ne farmaya:
'3 shaksh ayise hain jinhe dugna(double) sawaab milega ,1 wo shaksh jo ahle kitab(esayi ya yahudio) me se apne Nabi par aur Muhammad ﷺ par imaan laaya aur doosra wo ghulaam jo Allah ka aur apne Malik ka haqq ada karta raha, aur(teesra) wo shaksh jiske pass uski laundi ho, phir wo use acchi tarah ta'lim-o-adab se aarasta kar ke(sikha kar) aazad kar de, baad aza usse nikah kar le to use dohra sawaab milega

*Baab*: imaam ka aurat ko naseehat karna aur inhe t'alim dena
Hadith(international)number: *98*
Hazrat Ibn Abbas RadiAllah anhu se riwayat hai, inho ne kaha: RasooAllah ﷺ(Eid ke din mardon ke saff se auraton ke janib) nikle aur aap ﷺ ke hamraah hazrat Bilal RadiAllah anhu the, aap ﷺ ko khayal hui ke shayad auraton tak meri aawaz nhi pahunchi, isliye aap ne inhe naseehat farmaayi aur sadqa o khairaat dene ka hukm diya, to koi aurat baali aur koi apni angoothi daalne lagi aur hazrat Bilal RadiAllah anhu ne(in zewraat ko) apne kapde me jama karne lage'

*Baab*: Hadees e Nabwi ke husool ke liye hars(khwahish) karna
Hadith(international)number: *99*

Hazrat Abu hurauira RadiAllah anhu se riwayat hai, inho ne arz kiya: Ya RasooAllah! Qayamat ke din aap ki shifa'at se kon zyada hissa paaye ga?
Aap ﷺ ne farmaya:
'Abu huraira! Mujhe yaqeen tha ke tujhse pehle koi mujhse ye baat nahi pooche ga, kyun ke main dekhta hun ke tujhe Hadees ki badi hars hai, qayamat ke din meri shafa'at se sab se zyada Faiz yaab wo shaksh hoga jisne apne dil ya khuloos niyyat se  لاَ إِلَهَ إِلاَّ اللَّهُ kaha hoga'


*Baab*: ilm kis tarah utha liya jaaye ga
Hadith(international)number: *100*

Hazrat Abdullh bin 'Amr bin al-aas RadiAllah anhu se riwayat hai, inho ne kaha maine RasooAllah ﷺ ko ye farmaate suna:
'Allah Deen ke ilm ko aise nahi uthaaye ga ke bando ke seeno se nikaal le, balke ahle ilm ko maut de kar ilm ko uthaye ga, jab koi aalim baqi nhi rahe ga to(log) jahilon ko peshwa(leader) bana lenge, un se masa'il pooche jaye ge, to wo bagair ilm ke fatwe de kar khood bhi gumraah honge aur doosron ko bhi gumrah karenge'


*Baab*: kya auraton ki t'alim ke liye ilahda din muqarrar kiya ja sakta hai
Hadith(international)number: *101*
Hazrar Abu s`aeed khudri RadiAllah anhu se riwayat hai ke chand auraton ne RasooAllah ﷺ se arz kiya:
Mard aap se faida uthaane me hum se aage badh gaye hain isliye aap apne taraf se hamaare liye koi din muqarrar farma den, aap ﷺ ne unki mulaqaat ke liye ek din ka waada kar liya ,lihaaza uss din aap ne unhe naseehat farmaayi aur shariyat ke ahkaam bataye, aap ﷺ ne unhe Jo baaten talqeen farmayi un me se ek ye bhi thi:
'Tum me se jo aurat apne 3 bacche aage bhej de gi(yani jiske 3 bacche wafaat pa gaye ho) to wo uske liye dozakh ke aag se hijab ban jaye gi', ek aurat ne arz kiya:
Agar koi 2 bheje to?
Aap ﷺ ne farmaya:
'2 ka bhi yahi hukm hai'

Hadith(international)number: *102*
Hazrat Abu huraira RadiAllah anhu se riwayat hai, RasooAllah ﷺ ne farmaya:
'Wo 3 bacche Jo gunaah ki umar, yani ballogh(jawani) tak Na pahunche ho'


*Baab*: hazireen ko chaahye ke wo gair hazir logon ko ilmi baaten pahuncha den
Hadith(international)number: *104*
Hazrat Abu shuraih RadiAllah anhu se riwayat hai inho ne (madina ke governor)'Amr bin sa`eed RadiAllah anhu se kaha, jab ke wo Makkah ki taraf fauj bhej rahe the:
'Ameer(governor)! Mujhe ijaazat de ke mai tujhe wo hadees sunau jo Nabi ﷺ ne Fatah makkah ke doosre din bayan farmayi thi, jise mere kaano ne suna, dil ne yaad rakkha, aur mere dono aankho ne aap ﷺ ko dekha jab aap ne ye hadees bayan farmayi, Aap ne Allah ki hamd-o-sana bayan karne ke baad farmaya:
'Makke(me Jung o jadal karne ko) Allah ne haraam kiya hai, logon ne ise haraam nhi kiya, lihaaza agar koi shaksh Allah aur aakhirat par imaan rakhta hai to uske liye jaiz nhi ke Makkah me khoon rezi kare ya wahan se koi darakht kaate, agar koi shaksh RasooAllah ﷺ ke qattal se jawaaz(daleel) paida kare to usse keh dena ke Allah ne apne Rasool ko to ijaazat di thi par tumhe nhi di hai, aur mujhe bhi din me kuch waqt ke liye ijazat di thi aur aaj uski hurmat phir waise hi ho gayi jaisi kal thi, jo shaksh yahan haazir hai use chaahye ke gayab ko ye khabar pahuncha de'
Hazrat Abu shuraih RadiAllah anhu se poocha gaya, 'Amr bin sa`eed ne(hadees sun kar) kya kaha?
Unho ne farmaya: 'Amr ne kaha:
'Abu shuraih! Mai aap se zyada jaanta Hun, beshak Makkah kisi gunahgaar ko panaah nhi deta Na kisi ko qatal kar ke faraar hone waale ko aur na chori kar ke bhaagne waale ko'

(Jab hazrat Abdullh Ibn zubair RadiAllah anhu ne yazeed Ibn Muawiya k bait se inkaar kar diya aur Kaaba me panaah li to yazeed Ibn Muawiya k hukm se hazrat 'Amr bin sa'eed RadiAllah anhu ko ,Jo k Uss waqt madinah ke governor the ,Makkah ki taraf Lashkar bhejne ka hukm diya ,jab wo Lashkar kashi k liye rawaana hone lage tab hazrat abu shuraih RadiAllah anhu ne unhe ye hadees sunayi k Makkah me ladayi karna haraam hai iss par hazrat 'Amr bin sa`eed RadiAllah anhu ne jawab diya ke unhe iss baat ka ilm hai magar Makkah me qassas lena jaiz hai Kyu ke makkah gunah gaar ko panaah nhi deta unki muraad Abdullh ibn zubair RadiAllah anhu
ki yazeed ki bait todne ki thi aur ye un ke nazaar me baghawat aur gunaah thi)


*Baab*: hazireen ko chaahye ke wo gair hazir logon ko ilmi baaten pahuncha den
Hadith(international)number: *105*
Hazrat Abu bakra RadiAllahu anhu ne Nabi ﷺ ka zikr kiya ke aapﷺ ne farmaya:
'Bila shubah tumhaari jaane, tumhaare maal, Muhammad bin sireen(tabaieen) kehte hain: aap ﷺ ne ye bhi farmaya:
'tumhaari izzaten tum par isi tarah haraam hain jis tarah tumhaare aaj ke din ki hurmat tumhaare iss mahine me hai, khabardaar! Haazir ,gayab ko ye baat pahuncha de'
Muhammad bin sireen farmaate hai: RasooAllah ﷺ ne sach farmaya, (aur)aisa hi hua,
'Aagah raho! Jawaab do! kya maine tableegh ka fariza ada kar diya?' aap ﷺ ne aisa do baar farmaya

*Baab*: Nabi par jhoot bolne ka gunaah
Hadith(international)number: *106*
Hazrat Ali RadiallAllah anhu se riwayat hai,
RasooAllah ﷺ ne farmaya:
'(Dekho!) Mujh par jhoot na baandhna kyun ke jo shaksh mujh par jhoot baandhe ga wo yaqeenan dozakh me jaaye ga'


*Baab*: Nabi par jhoot bolne ka gunaah
Hadith(international)number: *107*
Hazrat Abdullh Ibn zubair RadiallAllah anhu se riwayat hai, wo kehte hain maine apne waalid Zubair. RadiallAllah anhu se dariyaft kiya:
'Main aapko RasooAllah ﷺ se hadess bayan karte hue nhi dekhta hun! Jis tarah fulaan fulaan bayan karte hain?
Unho ne farmaya: 'mai kabhi RasooAllah ﷺ se alag nhi hua, lekin maine Aap ﷺ ko ye farmaate hue suna:
'Jo koi mujh par jhoot baandhe ga wo apna thikaana Aag me bana le'

(Yani hazrat Zubair RadiallAllah anhu bhool chook ho jaane k darr se bahut kam ahadees bayan kiya karte the)

📖 *Sahiul bukhari*(jild 01)
📃 _kitabul ilm_
ilm ka bayan
*Baab*: Nabi par jhoot bolne ka gunaah
Hadith(international)number: *108*

Hazrat Anas RadiallAllah anhu se riwayat hai ,inho ne farmaya:
'Mujhe zyada hadeesen bayan karne se yeh baat rokti hai ke Nabi  ﷺ ka irshaad hai:
Jo shaksh mujh par jaan boojh kar jhoot bolega woh apna thikana jahannum bana le'

Hadith(international)number: *109*

Hazrat salama RadiallAllah anhu se riwayat hai inho ne kaha, maine Nabi ﷺ ko ye farmaate hue suna:
'Jo shaksh meri taraf woh baat mansoob kare jo maine nahi kahi, wo apna thikana Aag me bana le'

📖 *Sahiul bukhari*(jild 01)
📃 _kitabul ilm_
ilm ka bayan
*Baab*: Nabi par jhoot bolne ka gunaah
Hadith(international)number: *110*

hazrat Abu hurairah RadiallAllah anho se riwayat hai ,nabi ﷺ ne farmaya:
"mere naam(Muhammad ﷺ aur Ahmad)par naam rakho magar meri kunniyat(Abul qasim)par kunniyat na rakho,aur yaqeen karo jis ne mujhe khwab me dekha us ne yaqeenan mujh hi ko dekha hai, kyun ke shaitan meri soorat me nahi aa sakta aur jo danishta mujh par jhoot baandhe woh apna thikana jahannum me bana le"
📖 *Sahiul bukhari*(jild 01)
📃 _kitabul ilm_
ilm ka bayan
*Baab*: ilmi baaten tehreer karna
Hadith(international)number: *111*

Hazrat Abu Juhaifa se riwayat, hai inho ne kaha maine Ali RadiallAllah anhu se dariyaft kiya: kya aap ke pass koi kitab hai?
Unho ne farmaya:
'Nhi...han hamaare paas Allah ki kitab aur woh feham hai jo ek musalman mard ko di jaati hai ya jo kuch iss saheefe(kitab) me maujood hai'
Maine poocha iss saheefe me kya hai?
Unho ne farmaya:
'Diyyat ke ehkaam, qaidi ko chodaane ka bayan aur ye ke kisi musalman ko kisi kaafir ke badle me qatal na kiya jaaye'

📖 *Sahiul bukhari*(jild 01)
📃 _kitabul ilm_
ilm ka bayan
*Baab*: ilmi baaten tehreer karna
Hadith(international)number: *112*

Hazrat Abu hurairah RadiallAllah anhu se riwayat hai ke Fatah Makkah ke saal Khuza`a(Arab ke ek qabeele) ne banu lais ke ek shaksh ko apne uss shaksh ke badle me qatal kar diya jise banu lais ne qatal kiya tha, Nabi  ﷺ ko iski ittelä di gayi, aap ﷺ apni oontni par sawaar hue aur ek khutba diya:
'Allah ne Makke se qatal ya feel(haathi) ko rok diya, imaam bukhari ne kaha: Abu naeem ne aise hi(shak ke saath) kaha hai, aur RasooAllah ﷺ aur ahle imaan ko unn(kafiron) par ghalib kar diya gaya, khabardaar! Makkah mujhse pehle kisi ke liye halaal nahi hua aur na mere baad kisi ke liye halaal hoga, Aaghah raho! Ye mere liye bhi din me ek ghadi ke liye halaal hua tha, khabardaar! Woh iss waaqt bhi haraam hai, wahan(Makkah) ke kaante na kaate jaye, na uske darakht kaate jaaye, ilaan karne waale ke ilaawa waha ki giri Hui cheez koi na uthaaye aur jiska koi azeez maara jaaye use 2 me se 1 ka ikhteyaar hai: daiyyat qubool kar le ya qassas dilwaaya jaaye' itne me ek yamani shaksh aaya aur usne arz kiya: ya RasooAllah! Mujhe ye(Mas'ail) likh dijye,
Aap ﷺ ne farmaya:
'Accha Abu fulaan ko likh do', Quraish ke ek shaksh ne arz kiya: ya RasooAllah! Khushbu daar ghaas(yani iske kaatne ka hukm dijye) islye ke hum ise apne gharo aur qabron me istemaal karte hain, aap ﷺ ne farmaya: 'han wo kaat sakte ho'

📖 *Sahiul bukhari*(jild 01)
📃 _kitabul ilm_
ilm ka bayan
*Baab*: ilmi baaten tehreer karna
Hadith(international)number: *113*

Hazrat hammam bin munbah se riwayat hai unho ne kaha: maine Hazrat Abu hurairah RadiallAllah anhu ko ye farmaate hue suna ke
'Nabi ﷺ ke assahab me hazrat Abdullh Ibn 'Amr RadiallAllah anhu ke ilaawa aur koi mujhse zyada hadeesen bayan karne wala nahi, kyun ke wo (hadeesen)likha karte the aur main likhta nahi tha'

📖 *Sahiul bukhari*(jild 01)
📃 _kitabul ilm_
ilm ka bayan
*Baab*: ilmi baaten tehreer karna
Hadith(international)number: *114*

Hazrat Ibn Abbas RadiallAllah anhu se riwayat hai, unho ne farmaya: jab Nabi ﷺ bahut beemar hogaye to aap ﷺ ne farmaya: 'Likhne ka saaman laao ta-ke mai tumhaare liye ek tehreer likh dun, jiske baad tum gumraah nahi hoge'
Hazrat Umar farooq RadiallAllah anhu ne kaha: Nabi ﷺ par beemari ka ghalba hai aur hamaare paas Allah ki kitab maujood hai wo hame kaafi hai'
Logon ne ikhtelaaf shuru kar diya aur shor-o-ghul mach gaya tab aap ﷺ ne farmaya:
'Mere paas se chale jaao! Mere yahan ladaai jhagde ka kya kaam hai!'
Phir hazrat Ibn Abbas RadiallAllah anhu nikle, farmaate the: tamaam museebaton se badi museebat wo hai jo RasooAllah ﷺ aur aapki tehreer ke darmiyan haayal hogayi'

📖 *Sahiul bukhari*(jild 01)
📃 _kitabul ilm_
ilm ka bayan
*Baab*: Raat ko ilm-o-naseehat ki baaten karna
Hadith(international)number: *115*

Hazrat Umm salma RadiallAllah anhu se riwayat hai, unho ne kaha: Nabi ﷺ ek Raat bedaar hue to farmaya:
'SubhanAllah aaj Raat kitne fitne nazil kiye gaye aur kitne khazaane khole gaye, unn hujron se some waaliyon(Nabi  ﷺ ki biwiyon) ko jagaao Kyun ke duniya me bahut se kapde pehanne waaliyan aisi hain jo aakhirat me barhana(nanngi) hongi'

(Jo aurat itni bareek kapde pehne jisse jism ki jhalak numaaya ho aur itne chust kapde pehne jisse jism ke ubhaar maloom ho to qayamat ke din saza ke taur par use nannga rakkaha jaye ga)

 📖 *Sahiul bukhari*(jild 01)
📃 _kitabul ilm_
ilm ka bayan
*Baab*: Raat ko ilmi baaten karna
Hadith(international)number: *116*

Hazrat Abdullh Ibn Umar RadiallAllah anhu se riwayat hai, unho ne farmaya: Nabi ﷺ ne apni aakhri umar me hamen namaz e isha' padhai, salam ke baad jab khade hue to farmaya:
'Tum iss Raat ki ehmiyat ko jaante ho! aaj ki Raat se 100 baras baad koi shaksh jo ab Zameen par maujood hai, zinda nahi rahe ga'

(100 saal baad RasooAllah ﷺ ka zamaana paane wala koi bhi shaksh zinda nahi raha)

QUR-AAN MEIN TAAGHOOT KISEY KAHA GAYA HAI ? -

BISMILLAH

JAWAAB : Har Woh Kaam Jo ALLaah Ki Sharee'at Ke KhiLaaf Ho Aur Us Mein ALLaah Ki Razamandi Ke Bajaaye Kisi Aur Ki Razamandi MatLoob Ho, Tou Usey Taaghoot Kehte Hain.
-
1. Ibn Taimiyyah (RahimahuLLaah) Ne Kaha :

"ALLaah Ki Kitaab Ke Baghair Agar Koi
Hukmaraan (leader) Ya Qaazi (judge) FaisLa Karta Hai Tou Usey Taaghoot Kaha Jaata Hai."
-
[Majmooah AL-Fataawaa : 28/201]
-
2. Ibn AL-Qayyim (RahimahuLLaah) Kehte Hain :

"Har Qaum Ka Taaghoot Woh Hai Jis Ke Paas Log Apne FaisLey Lekar Jaatey Hain (Aur Woh FaisLa Karney WaaLa ALLaah Aur Us Ke RasooL (SaLLaLLaahu ALaihi Wa SaLLam) Ke Qaanoon Ke Baghair Doosrey Qaanoon Ke MutaabiQ FaisLa Karta Ho)."
-
[ILaam AL-MuwaQQieen : 1/40]

GUNAAH KARNA PHIR ALLAAH SE MAGHFIRAT KI UMMEED RAKH KAR TAUBAH KARNA.

BISMILLAH

Raavi e Hadees Abu Hurairah (RadiyALLAAHu Anhu)
-
Unho Ne Nabi (SaLLALLAAHu ALaihi Wa SaLLam) Se Suna Ke :
-
“Ek Bandey Ne Bohat Gunaah Kiye Aur Kaha Aye Merey Rabb ! Tera hi Gunahgaar Bandah Hoon Tu Mujhe Bakhsh Dey (Muaaf Kardey),

ALLaah RABB-UL-IZZAT Ne Farmaaya: "Mera Banda Jaanta Hai Ke Uska Koi Rabb Zaroor Hai Jo Gunaah Muaaf Karta Hai Aur Gunaah Ki Vajah Se Sazaa Bhi Deta Hai Mai Ne Apne Bandey Ko Bakhsh Diya (Muaaf Kardiya),

Phir Banda Ruka Raha (Gunaah Karne Se) Jitna ALLAAH Ne Chaaha Aur Phir Us Ne Gunaah Kiya Aur A’rz Kiya: "Merey RABB ! Mai Ne Dobaara Gunaah Kar Liya, Usey Bhi Bakhsh Dey.

ALLaah Ta'aaLaa Ne Farmaaya: Mera Banda Jaanta Hai Ke Us Ka Rabb Zaroor Hai Jo Gunaah Muaaf Karta Hai Aur Us Ke BadLey Mein Sazaa Deta Hai, Mai Ne Apne Bandey Ko Bakhsh Diya,

Phir Jab Tak ALLaah Ne Chaaha Banda Gunaah Se Ruka Raha Aur Phir Us Ne Gunaah Kiya Aur ALLaah Ke Huzoor Arz Kiya: Aye Merey Rabb ! Mai Ne Gunaah Phir Kar Liya Hai Tu Mujhe Bakhsh Dey.

ALLaah Ta'aaLaa Ne Farmaaya: Mera Banda Jaanta Hai Ke Us Ka Ek Rab Zaroor Hai Jo Gunaah Muaaf Karta Hai Warna Us Ki Wajah Se Sazaa Bhi Deta Hai Mai Ne Apne Bandey Ko Bakhsh Diya Teen (3) Martaba, Pas Ab Jo Chaahey AmaL Karey.”
-
[Saheeh AL-Bukhaari, Kitaab-Ut-Tauheed, Hadees : 7507 ; Saheeh MusLim : 6986, 6987]
-
VAZAAHAT : MaLoom Hua Ke Jab Tak Banda ALLaah Se Gunaahon Ki Taubah Karta Rahega ALLaah Us Bandey Ki Taubah QubooL Karta Rahega.
-
Lekin Iska MatLab Yeh Nahi Ke Baar Baar Gunaah Karein, Aur ALLaah Bhi Sirf Wahi Bandey Ki Taubah QubooL Karta Hai Jo Sachchey DiL Se Taubah Karta Ho. Aur Yeh A'hd Karey Ke Phir Se Yeh Gunaah Mujhse Nahi Hoga. Tou ALLaah Zaroor Taubah QubooL KarLega.
-
Is Hadees Mein Bhi ALLaah Ka KaLaam Ek Gunahgaar Ke MutaLLiQ Mazkoor Hai Aur Yeh BatLaana Bhi MaQsad Hai Ke Qur-aan Majeed ALLaah Ka KaLaam Hai Magar Qur-aan Ke ALaavah Bhi ALLaah KaLaam Karta Hai.

KAAFIRON YA MUSHRIKON KE SAATH REHNA

BISMILLAH

Raavi-e-Hadees Jareer Bin AbduLLaah (RaziyALLaahu Anhu),
-
Nabi (SaLLaLLaahu ALaihi Wa SaLLam) Ne Farmaaya :

Mai Har Us MusaLmaan Se Baree Hoon (Ya'ni Mai Us Ka Zimmedaar Nahi Hoon) Jo Mushrikon Ke Darmiyaan Rehta Hai. Logon Ne Poocha: Kyun (ALLaah Ke RasooL) ?

Nabi (SaLLaLLaahu ALaihi Wa SaLLam) Ne Kaha: "Donon Ki (Ya'ni IsLaam Aur Kufr Ki) Aag Ek Saath Nahi Reh Sakti."

In English,

The Prophet (Peace be upon him) said: "I am not responsible for any Muslim who stays among polytheists. They asked: Why, Messenger of ALLaah? He said: Their fires should not be visible to one another."
-
[Sunan Abu Daawood, Hadees : 2645 ; Saheeh by AL-ALbaani in Urwaa AL-GhaLeeL : 1207]
-
VAZAAHAT : Is JumLey Ki Taujiye Mein Teen (3) AQwaaL Vaarid Hain. Ek Mafhoom Yeh Hai Ke Kaafiron Aur MusaLmaanon Ka Hukm Ek Jaisa Nahi Ho Sakta.

Doosra Yeh Ke ALLaah Ta'aaLaa Ne Daarus-SaLaam Ko DaaruL-Kufr Se ALag Kardiya Hai, Lihaaza MusaLmaanon Ke Liye Yeh Saheeh Nahi Hai Ke Woh Kaafiron Ke MuLk Mein Un Ke Saath Rahey,

Teesra (3) Yeh Hai Ke MusaLmaan Mushrik Ki Khususiyaat Aur ALaamaton Ko Na Apnaaye Aur Na Hi ChaaL DhaaL Aur ShakaL Wa Soorat Mein Un Ke Saath Tashabba Ikhtiyaar Karey.

SHIRK KI TAFSILAT PART - 3

BISMILLAH

DARGAHO ki ZIYARAT karna KAISA hai 

Jawab :

Islami Shariyat ne Qabr-stan jakar waha se ibrat hasil karne aur mayyat ke haq me dua karne se nahi roka hai, jaisa ke Nabi s ne pahle Musalmano ko Qabr-stan jaane se roka tha baad me ijaazat dedi.

Aaye wo Hadees dekh lete hai:

Abu Huraira Radhiallahu anhu bayan karte hain ke Rasoolullah sallallaho alaihi wasallam apni Maa ki Qabr ke paas gaye, wo roye aur unke sath Sahaba bhi roye, fir uske baad Rasoolullah ne kaha ke :

Maine mere Rab se meri Maa ki Maghfirat (Maafi) ke liye dua karne ki ijaazat mangi, lekin Allah ne Maa ki Maghfirat ke liye dua karne ki ijaazat nahi di, aur maine meri Maa ki Qabr ki ziyaarat ke liye ijaazat (Permission) mangi to Allah ne ijaazat dedi. Isliye (Sahaba tum bhi) Qabro ki ziyarat kiya karo kyunke ye ziyarat Maut ki yaad ke liye hai”.(Sahih Muslim, 3/65; Abu Dawood, 2/72; Al-Nasaa’i, 1/286; Ibn Maajah, Al-Haakim, Al-Bayhaqi aur Musnad-e-Ahmad)

 Is Hadees se pata chalta hai ke : 

1⃣Nabi (SallallahuA’laihiWaSallam) apni Pyari Maa ki Maafi ke liye dua nahi kar paaye kyunke unke Maa ki Maut Shirk par hui thi.

2⃣Dekhiye Shirk kitna Khatarnaak gunaah hai jiske wajah se Allah Nabi ke Maa (aur durse aur ek Hadees ke Mutabik Nabi s ke Walid) ko bhi nahi baqsha.

3⃣Aaj Ummat shirk par shirk karte jarahi hai aur Awliya ke kandho par takiya lagakar Jannat me daakhile ki ummid laga baithi hai. Ye sirf ek dhoka hai.

4⃣Qabro ke ziyarat ka Maqsad bataya gaya ke waha se ibrat hasil karo, apne maut ko yaad karo.

5⃣Agar Qabr Mumin ki hai to uske Magfiraat (Maafi) ke liye dua bhi kar sakte hai lekin usse kuchh bhi nahi mang sakte, usko zindo ke dua ki zarurat hai naake ke zindo ko murdo ke duao ki.

6⃣Mushrik ke Magfirat ke liye dua nahi kar sakte hai, isliye apne Khadan walo ko shirk se bachaao taake unke marne baad ham unke liye dua to kar sake warna unke liye duao ka darwaaza bhi band ho jayega.

7⃣Dusri ahem baat ye malum hoti hai ke Nabi (SallallahuA’laihiWaSallam) Deen ka har kaam Allah ke hukm ke mutabiq kiya karte the. Aaj  hamne apni taraf se neki samaj samaj kar kai ibaadato me Biddatein ijaat ki hai.

 Qabro par jaane ki PERMISSION ko sahara banakar logo ne Awliya ke Dargaaho ki ziyarat karna shuru kar diya aur DARGAAHO ki ziyarat ko HALAL bana liya hai.

Qabr aur dargaah me fark:

1⃣Dargaah bhi ek tarah ki Qabr hi hai lekin aaj logo ne usko Masjid jaisa Muqam dekar  Daragaaho “ibaadat-gaah” bana liya hai. Daragahe Ruku-Sajde ki jagah aur Shirk aur Khurafat ka adda ban chuki hai.

2⃣Isliye Qabr aur Dargaah me bahot bada fark hogaya hai. jaisake Qabr par jaane se Akhirat aur Maut yaad aati hai, lekin Dargaah par jaane se Duniya yaad ati hai, waha mele sajaye jaate hai, nach-gana hota hai, dhol-baje bajaye jaate hai, bazaar sajta hai, kharedi-bikri hoti, mard aurato ka milna julna hota hai wagaira wagaira.

3⃣Dusri bat Nabi s ne Qabr ko Unchi, pukhta aur us par baithne se mana kiya.

Jaisa ke …

Jabir Radi Allahu Anhu se rivayat hai ki Rasoollallah Sallallahu Alaihi Wasallam ne :

“Qabro ko pukhta (mazboot) karne aur un par tameer (construction) karne aur un par baithne se mana kiya hai”.(Sunan Nasaii, Vol 1, 2032-Sahih, Jamia Tirmidhi, Vol 1, 1040-Sahih)

Dargaaho ke ZIYARAT ke liye SAFAR karna kaisa hai 

🔹Dusri taraf, Islami Shariyat ne sirf 3 Jagaho ki Ziyarat ke liye safar karne ki ijaazat di hai jisme Makka ki “Masjid-e-Haram”, Madina ki “Masjid-e-Nabawi”, aur Falistin ki “Masjid-e-Aqsa”. Yaha khaas baat ye hai ke tino jagahe Allah ke Ghar hai yani Masjid hai.

✔Aye dekhte hai wo Hadees,

🌴 Rasoolullah s ka irshad hai ke :

“Kisi dusre Masjido ke liye Safar nahi kiya jana chahiye lekin 3 Masaajid ke alawa: Masjid-e-Haram, Masjid-e-Nabawi aur Masjid-e-Aqsa”.

📙(Is Hadees ko Imam Bukhari wa Muslim ne Riwayat kiya hai, Sahih Bukaari – 1189, Sahih Muslim – 1397).

🔺 Is se ye baat malum hoti hai ke : 🔻

1⃣Yaha in 3 Masjido ke alawa, kisi chawthi (4th) Masjid ke ziyarat (visit) ke liye safar PERMISSION tab nahi di gayi to bhala kaise kisi Awliya ke DARGAAH ki ziyarat ke liye SAWAB ki niyyat se ham safar kar sakte hai?, hatta ke koi Musalman sirf khaas Nabi (SallallahuA’laihiWaSallam) ki Qabr-e-Mubarak ki ziyarat ke liye bhi safar Madina ka safar nahi kar sakta. (Han, agar aapka Masjid-e-Nabawi ke ziyarat ke liye jana huwa to sath me Nabi s ke Qabr-e-Mubarak ki ziyarat karne me koi harj nahi, lekin iske liye KHAAS SAFAR nahi karenge.)

2⃣ Islam me Dargaaho ka koi MUQAAM nahi hai warna is Hadees me Allah apne 3 Masjido ke sath sath kisi Ambiya ki Qabr ki ziyarat ke liye safar karne ka hukm deta, isliye Dargaah banana aur uske ziyarat ke liye SAFAR karna HARAM hai, ye SHIRK me bhi shamil hosakta hai.

3⃣Lekin aaj dekha jata hai ke Musalman Dargaaho ke ziyarat ke liye Ajmer, Gulbarga, Nizamuddin aur na-jaane kaha-kaha jaate hai jaisa Non-Muslim jaate hai Kaashi, Amarnath, Kanya-Kumari, Tirupati, Pandharpur, Tuljapur wagaira wagaira.

Kya Qabr-Parsti SHIRK nahi hai?

Jawab :

Islam chahta hai ke saari Insaniyat apne Rab yani sirf Ek Allah ki ibadaat kare aur Shirk se dur rahe isliye Allah apne Ambiya ko bhejta raha taake Insaniyat shirk ke dal-dal baher aajaaye aur Jannat ki mustahiq ban jaaye iske baawjood aaj bhi is zameen par Insan hi aisi makhluq hai jo Allah ke sath Shirk karti hai halanke Allah ne Insan ko Aqal ataa ki hai, kitab ka ilm diya hai.

Rab us Hasti ko kaha jayega jisne Zameen wa Asman ke sath sath saari Makhluq ko paida kiya ho aur unke zarurato ko pura bhi karta ho. Allah ek waqt me Insano se lekar Janwaro tak ki baato ko sunta hai, samjta hai aur unke zarurato ko pura bhi karta hai. Insan ne jo Awliya ko Ibaadat ka darja de rakha hai unko lagta hai ke ye AWLIYA HAMARI duawo ko sunte hai aur hamari zarurato ko pura bhi karte hai, lekin kya unke Awliya Machhliyo, Janwaro, Parindo wagaira wagaira ki dua ko samjte aur sunte bhi hai?

Mera Rab to Dil ke haal ko bhi janta hai, Kya duniya ki koi aisi hasti hai jo Insano ke dil ke haal bhi jaan paye?

Aapke mutabik Awliya sirf Insano ki Zarurato ko pura kar sakte hai kyunke Insan ke paas zuban hai isliye wo apni baat Awliya ke Qabr par jakar kah sakta hai lekin ye Machhliyo, Janwaro, Parindo wagaira wagaira ki dua kaun sunta hai, unke mushkilaat ko kaun hal karta hai.

Sab se pahle hamko ye baat samjna hai ke ibaadat kise kaha jata hai? Ahle Ilm kahte hai ke, Ibaadat har us amal ka naam hai jo Allah ke razamandi ke liye Nabi s ke Sunnat ke mutabik kiya jaaye. Allah ki ibadat me Ruku, Sajda, Mannat, dua, Muhabbat, Dushmani, darr, khauf sab kuchh dakhil hai. Isliye mera Rab mera Wali hai kyunke wo meri bhi baat ko sunta hai aur dusre mukhlaqat ki bhi. Isliye mai Allah ko chhod kar aise hastiyo ki ibaadat kyun karu jinone kisiko paida nahi kiya aur naahi kisi ke baat ko sun sakte hai aur na hi pura kar sakte hai.

Insan ke siway, kya apne kabhi dekha hai kisi Gaay, Bail, Bakri, Sher, Cheeta ko  kisi Dargaah par jaakar Awliya se kuchh manga ho?

Agar yahi Ruku, Sajda, Mannat kisi Gairullah ke dar par jakar kiya jaaye to yahi kaam GAIRULLAH ki ibaadat kaha jayega. Isko SHIRK-fil-Ibadaadat kaha jaata hai. Jo Insan Allah ke Ibaadat me shirk karta hai, jaane-anjaane me wo Allah ke Rabubiyat aur Allah ke Asma wa Sifaat me bhi shirk karne lag jata hai, is tarah wo SHIRK ke dal-dal me fasta chala jata hai.

Gairullah kise kahenge?

Gairullah yani Allah ko chhod kar uski saari mukhluq jaise Ambiya, Awliya, Murshid, Chand, Suraj, Aag wagaira wagaira…

Aur ek baat yaha samjna zaruri ye hai ke, Allah ke haqiqi Awliya jo hai unke liye unke Nekiyo ka Ajr Allah ke paas zarur milega. WO unki kamaayi lekar chale gaye. Ab hamko unki firk na karte huye apni nekiyo ki kamayi ki taraf dhayan dena hoga.  Aur Allah ke haqiqi Awliya jo hote hai wo kabhi insaniyat ko Shirk ki taraf dawat nahi dete hai, lekin unke pairokaro ne Awliya ke shaan me Gulu kiya aur unko Uluhiyat (ibaadat) ka darja derakha. Awliya bhi  TAWHEED aur Itteba-e-Sunnat ki raah par chalne wale hote hai.

Aajkal logo ne apne-apne Sufiyo aur buzrugo ko Awliya bana baithe hai aur unke Qabro ko SHIRK ka Adda bankar Mujawari karne baith gaye. Apna Business khol kar baith gaye.

Aam taur par ye samja jata hai ke, is duniye me jo log “Murti Pooja” kar rahe hai bas wahi SHIRK hai baaqi Awliya ke Qabro par yaani DARGAAH par jakar apna sar jhukana, ruku karna, mannat mangana, unse beta-beti mangana, unke naam ki niyaaz karna ye saare amaal Shirk me nahi aate hai kyunke hamare Awliya MUSLIM the aur jo log Murti-parsti kar rahe hai wo shirk nahi hai kyunke jinki MURTIYA banayi gayi wo gair-muslim the. Yaha baat samjne ki ye hai ke “aapke Awliya” aur “unke Sadhu-Sant” dono bhi Gairullah hai aur Gairullah ki ibaadat karna “SHIRK” hai.

Aye dekhte hai Murti-Parsti aur Qabr-Parsti ek hi chiz ke 2 naam hai.

kyunke,

Murti-parst aur Qabr-Parst dono hi Gairullah ki ibadat kar rahe hai, dono ka amal  Allah ke Tawheed me shirk hai. Agar baghair tawba ke mar jaaye to dono ka thikana Jahannam hai.
Murti-Parst, Murti ko sirf patthar nahi samjta balke Murti ke Roop me wo RAAM, SAI-BABA wagaira wagaira ki ibaadat kar raha hai. Dusri taraf, Qabr-Parst, Qabr ko sirf Qabr nahi samajta balke is Qabr ke Roop me Qabr me dafan kiye gaye SAILANI BABA, KHWAJA GARIB NAWAZ  wagaira wagaira ki ibaadat kar raha hai.
Jaha Murti-Parst Murti ko “Ishwar” tak pahunchne ka wasila samjta hai wahi Qabr-Parst Qabr ko “Allah” tak pahunchne ka wasila samajta hai.

Jis tarah ham Musalman Allah ke nek bando ko Awliya kahte hai usi tarah Non-Muslim bhaiyo ke Awliya yaani unke sadhu-Sant hote hai. Non-Muslim bhai unke Awliya ke marne ke baad unke naam par Mandir bana dete hai aur  Musalman bhai Dargaah Bana dete hai. Bas yahi farq hai.
Murti-Parsti ho ya Qabr-parsti ho karne wala NEK NIYYATI se hi karta hai. Koi bhi Murti-Parsti karne wala kisi Shaitan ki ibaadat nahi karta balke apne dharm ke Awliya ki yani Sadhu-Santo ki Murtiya bana kar unki ibaadat karta hai, aur Musalman Murtiyo ke jagah Qabr ya Qabr wale ki Photo ki ibaadat karta hai. Bahot saare Dargaah parst apne gharo me Awliya ke ya unke Dargaaho ke photos ghar ke diwaro par lakaate hai.
Shirk naam hi us chiz ka hai ke Allah ko apna Rab taslim karle lekin sath sath uske kisi makhluq ko uske sath sharik kare, aur kufr ye hota hai ke ALLAH ko hi na maane. Aap dekhenge ke Non-Muslim bhai bhi ye baat taslim karte hai ke koi na koi 1 hasti hai jo is qaynaat ko chala rahi hai, lekin unka aqeeda ye hota hai ke hamare saadhu-santo ko us ne ikhtiyaraat de rakhe hai isliye ham in Saadhu santo ke Murtiyo ki parstish karte hai.  Koi bhi Non-Muslim apne Awliya yani saadhu ko apna paida karne wala nahi samjta hai.
Dusri ahem baat ye hai ke is amal ke pichhe chhupa huwa aqeeda. Murti-Parst aur Qabr parst ka Aqeeda ye hota hai ke, is Qabr wale ko Allah ne kuchh ikhtiyaraat de rakhe hai isliye is Qabr wale ke paas ye taqat hai ke wo kisi ke dua ko sun le, kisi ke pareshani ko dur kare, kisi ko Awlaad ataa kare, kisi ko nuqsaan ya nafa pahunchaye.
Ham FIQH ko maan ne wale log, agar ham Qabr ko Murti par qayas karenge to koi farq nazar nahi ayega, amal wahi hai lekin shakl badli hui hai.

 Daleel No. 1:

Is zameen par sabse pahle SHIRK Nooh (Alaihi wasSalaam) ki qaum se Shuru huwa, unki qaum bahot saare Gunaaho me mulawwis thi lekin usme sab se bada gunah SHIRK tha, Nooh (Alaihi wasSalaam)  950 saal Tawheed ki dawat dete rahe lekin unke qaum ne Tawheed ko nahi apnaya tha, kuchh logo ke  siway puri qaum Shirk chhodne ko tayyar nahi thi,  wo qaum jo Murtiyo/Putlo ki ibaadat kiyaa karti thi wo koi Shaitano ki Murtiya nahi thi balke us qaum ke “5 Nek-Salehin Awliya” ki murtiya banayi gayi thi jo pancho hi Muslim the jinke naam Wadd,Su’aa, Yagoos, Yaooq aur Nasr tha,

Aaiye dekhte hain Allah ne khud Quran me in Panch Awliya ke bareme kya kaha ,

“Aur (ulta apas me) kahne lage ke apne maa’boodo  (Gods) ko hargiz na chhodna aur na Wadd aur Su’aa ko aur na Yagoos aur Yaooq aur Nasr ko chhodna”.(Surah 71 Nuh  : 23)

Is ayat ki tafseer me Sahih Bukhari me ek Hadees aayi hai jisme Abdullah bin Abbas (Ra) ne kaha hai ke Wadd, Su’aa, Yagoos, Yaooq aur Nasr ye Musalman the aur us qaum ke 5 Awliya the yani Nek-Parezgaar log the. In 5 Awliya ki maut ke baad us qaum ne in pancho ki murtiya banakar unki parstish karna shuru kar diya tha. Unke Wasile se har chiz Allah se manga karte the.

Agar Awliya ki Qabro ya Murtiyo ke samne Ruku, Sajda, Mannat karna agar SHIRK na hota to Allah aur Nooh alaihis salam is amal ko na rokte, aur Allah us Nooh alaihis salam ke Qaum ko Paani me gharq na karta.

  Daleel No. 2:

Hamare Pyare Rasool, Muhammad sallallaho alaihi wasallam ke qaum me bhi Makka ke log jo ke 360 Butt (Murtiyo) ki ibaadat kiya karte the, jinke wasile se Allah se dua kiya karte the wo Murtiya koi Shaitano ki nahi thi balke usne Ibrahim (A), Ismail (A), Jibril (A) aur Laat, Uzza, Manaat ki Murtiya thi.

Makka ke log Allah ko hi apna Rab taslim kiya karte the isiliye Nabi s ke walid ka naam “Abdullah” (Allah ka Banda) tha. Aur bhi bahot saare Abdullah naam ke log Makka me maujud the jaisa ke “Abdullah bin Judaan” ye shakhs Makka ka sabse bada sakhi Insan tha lekin Rasoolullah s ne is baare me kaha ke ye Jahannam me hai kyunke ye MUSHRIK tha. Nabi s ke 1 chacha ka naam “Abdul Kaabaa” (Kaabaa ka Bandaa) tha. Ham sab jante hai ke “Kaabaa” ko Allah ne apna ghar kaha hai. Aur Makka ke log Hajj bhi kiya karte the, har saal Hajiyo ki khidmat bhi kiya karte the, isiliye Janab Muhammadur Rasoolullah ke Nabuwat se pahle Makka walo ko MUSALMAN hi samja jata tha. Lekin Nabuwat ke baad jab Makka ke Mushrikino ne apni Islaah nahi ki, Shirk Chhodne ko tayyar nahi the tab jakar Allah ne unko MUSHRIK qarar diya hai.

Fir Makka ke logo SHIRK kya tha?

Makka wale Allah ko apna Rab taslim karte the, aur uski ibaadat bhi karte the jaisa Hajj wagaira lekin uska shirk bus ye tha ke wo log Allah ki ibaadat me apne apne Awliya ko sharik kiya karte the. Awliya ko Allah tak pahunchne ka wasila bana karte the.

Jaisa ke Allah khud apni Kitab me Mushrikin-e-Makka ke shirk ke bareme kaha hai wo log Awliya ko Allah tak pahunchne ka wasila (zariya) banate the:

Dekhiye wo ayat jis me ye baat aayi hia:

 “Hum unki (Awliya ki) ibaadat sirf isi liye karte hai ke ye (buzrug) Allah ke muqrab (Kharib) bana de.”(Surah 39 Zumar: 03)

Aaj bhi logo me wasile wali ek misal kaafi mash’hoor hai ke jis tarah “Badshah” tak pahunchna ho to “Wazir” ki zarurat hoti hai, Deewar par chadhna ho to “Sidi” ki zarurat hoti hai, usi tarah Allah tak pahunchna ho to “Awliya” ke Wasile zarurat hoti hai.

Yahi to “Wasile” wala shirk Makka ke Mushrikin kiya karte the isliye Allah ne unko “Mushrik” kaha hai. Fir ham Mushrikana Wasile wala shirk ko karne wale kaise “Pakke Sunni Muslman” ban gaye?

  Daleel No. 3:

Makka walo ki tarah, Janab Muhammadur Rasoolullah ke Nabuwat se pahle Yahood wa Nasara ko bhi Musalman sajma jata tha. Baad me unhone Muhammad s ki Nabuwat ko taslim nahi kiya isi wajah se Allah ne Kafir kaha hai.

Ham sab jante hai ke Rasoolullah s ne Yahood wa Nasara par Allah ki lanat (fitkaar) bheji hai. Kya kabhi apne gaur kiye ke Rasoolullah s ne kyun bad-dua di ? Unka Gunah kya tha ? Kya Yahood wa Nasara Shaitano ke Qabro par jakar Ibadaat kiya karte the ? Yahood wa Nasara na hi Shaitano ki aur na hi Awliya ke Qabro ki ibadata kiya karte the balke wo to  Insano me sabse Aaala Darje ke Insano ki yani Ambiya (Nabiyo) ke Qabro ko “Masjid” bana liya tha, Yaani jis tarah se Masjid me Allah ke liye Ruku, Sajde kiye jaate hai

Nabi (SallallahuA’laihiWaSallam) ke Alaaz padhiye :

لَعْنَةُ اللَّهِ عَلَى الْيَهُودِ وَالنَّصَارَى اتَّخَذُوا ، قُبُورَ أَنْبِيَائِهِمْ مَسَاجِدَ(Sahih Bukhari, Hadees No – 5815)

 Turjuma:

 Ayesha Radhi (Radhi..) se riyawat hai ke Rasoolullah s ne farmaya ke:

“Yahood (Jews) wa Nasaaraa (Christian) par Allah ki laanat (gazab) ho kyunke Unone Apne Ambiya ki “Qabro” ko “Masjid” yani “Ibadaat-gaah” bana liya tha”.(Sahih Bukhari, Hadees No – 5815)

Khulasa:

Murti ya Qabr ko chhodiye, is Modern daur me agar aaj koi Insan Computer ki ya Mobile ki ya Paiso ki ibaadat karne lag jaaye to kya ye SHIRK nahi hoga?

120 MUKHTASAR HADEES

BISMILLAH

1. Tamaam kaamo ka darumadaar niyyat par hai aur aadmi ke liye sirf wahi hai jis ki us ne niyyat ki (Sahih bukhari 1)

2. Allah ta’ala tumhaari shaklo aur tumhaare amwaal ko nahi dekhta, balke tumhaare dilo aur amaal ko dekhta hai (Sahih muslim 2564)

3. Logo Allah ke huzoor tauba wa isteghfaar karo, main Allah ke huzoor din mein 100 martaba tauba karta hoon (Sahih Muslim 20702)

4. beshak Allah ta’ala us waqt tak bandhe ki tauba qubool karta rehta hai jab tak mauth ki kayfiyath taari na ho (Jaame Tirmizi 3537)

5. jo Shaqs Allah ta’ala aur aakhirath ke din par imaan rakhta hai ose chahiye ke acchi baath kahe warna chup rahe (Sahih Bukhari 6138)

6. Sabr wahi hai jo sadme ke shuro mein ho (Sahih Bukhari 1238)

7. Mumin ke maamle par ta’ajjub hai ke us ka har maamla khair par mabni hai, aur ye ezaaz sirf mumin hee ko haasil hai, ke agar ose khushi haasil hoti hai to wo us par Allah ta’ala ka shukr karta hai, aur ye shukr baja lana us ke liye nihayath mufeedh hai, aur agar ose koyi musibath ya pareshani laheq hoti hai to wo us par sabr karta hai, us sabr karne mein bhi us ke liye khair wa barkath hai (Sahih Muslim 2999)

8. Taaqatwar wo nahi jo logo ko kushti mein pachaad de, haqiqi taaqatwar wo hai jo ghusse ke waqt apne aap par qaabo pa le (Sahih Bukhari 6114)

9. Ek shaqs ne Nabi ﷺ se arz kiya, mujhe nasihath farmaiye. Aap (saw) ne irshaad farmaya Ghussa na karo, us ne baar baar nasihath ki darqaast ki, Aap ﷺ ne har baar ose irshaad farmaya: Ghussa na karo (Sahih Bukhari 6116)

10. jo cheez tumhe shak mein daale ose chohd kar us cheez ko eqtiyaar karo jo shak mein na daale, beshak sacchayi sukoon qalb ka baayes hai aur jhot insaan ko muztarab aur pareshaan rakhta hai (Jaame Tirmizi 2518)

11. Tum jaha aur jis jagah bhi ho Allah ta’ala se daro aur gunaah ke baadh naki karo, wo us gunaah ko khatam kar degi, nez logo ke saath husn sulook se pesh aao (Jaame Tirmizi 1987)

12. Ye bhi insaan ke Islam ki qoobi hai ke jis maamle se us ka talluq nahi ose chohd de (Jaame Tirmizi 2317)

13. 2 nemate aisi hai jin ki aksar log qadar nahi karte – Seheth aur Faraaghath (Sahih Bukhari6412)

14. jab bandha bimaar hota hai ya safar ki haalath mein hota hai to us ke naam-e-amaal mein un amaal ke barabar likh diye jaate hai jo wo apne ghar mein haalat-e-sehet mein kiya karta tha (Sahih Bukhari 2996)

15. Har neki Sadqa hai (Sahih Bukhari 6021)

16. Jo musalmaan koi pauda (ya daraqt) lagata hai, to us se jo kuch kha liya jaaye wo us ke liye sadqa (charity) ban jaata hai, us se jo kuch chori ho jaaye wo us ke liye sadqa hai, darinde us se jo kuch kha jaaye wo us ke liye sadqa hai, jo kuch parinde chak jaaye wo us ke liye sadqa hai, aur jo koi ose nuqsaan pahonchaaye wo us ke liye sadqa hai (Sahih Muslim 1552)

17. Neki aur maroof ke kisi bhi kaam ko haqeer na jaanu, qaah apne (Musalmaan) bhai ko khandah peshaani se milna hee ho (yaani has kar, muskura kar milna bhi neki hai) (Sahih Muslim 2626)

18. Jahannam ki aag se bacho qaah khajoor ke ek tukde hee ko sadqa wa khairaath kar ke bach sako (Sahih Bukhari 1417)

19. Qiyamath ke din Adam ki saari aulaad ki sardaari mere paas hogi, main hee wo shaqsiyath hoon jis ki qabr puri makhlooq mein sab se pehle kholi jaegi, main hee sab se pehle bargah-e-ilaahi mein sifaarish karonga aur meri hee sifaarish sab se pehle qubool ki jaegi (Sahih Muslim2278)

20. tum mein se jo shaqs mere baadh zinda raha wo bahuth se eqtelafaath dekhega. qabardaar! deen mein nayi nayi bid’aath ejaadh karne se bachna kyo ke ye gumraahi hai. agar tum mein se koi ye zamaana paale to ose chahiye ke meri sunnath aur hidayath yaafta khulafa-e-rashideen ke tariqe ko laazim pakde, un ko daadho se mazboth pakde (Jaame Tirmizi 2676)

21. tum may say jo shaks meri baad zinda raha vo bahut say iqtelafaat dekhega. Qabardaar ! deen may naye naye bidaat eajaad karne say bachna kyun kay ye gumraahi hai.agar tum may say koye ye zamaana paale to usay chahiye ke meri sunnat aur hidaayat yaafta khulfa- e- rashedeen ke tarekhay ko laazim pakad le . in ko daadhon se mazboot pakad le . (Jamia Tirmizi2676)

22. momino ki misaal ek doosray kay saat mohabbat karne may,ek doosray par rahem karne may aur ek doosray ke saat shafaqqat va narmi karne may ek jism ki tarah hai.jab is ka ek hissa ya aza dard karta hai to baakhi saara jism bhi is ki vajey se bimaari aur bukhaar may mubtela hojaata hai (sahi muslim 2586)

23. jo logon par rahem nahi karta Allah Ta’ala bhi us par rahem nahi karega.(sahi muslim2319)

24. Ek doosray say hasad na karo, na khareed va farokht may (dhoka denay kay liye) boli badhaoo, na ek doosre se baghz rakho, na ek doosre say berukhi barto aur na tum may se koi doosray kay s ka bhai hai musalmaano uday pzlm karenuar souda kare.Allah kay bando bhai bhai ban jaao.(sahi muslim 2564)

25. musalmaan musalmaan ka bhai hai, na us par zulm karen na usay (madad kay waqt be-yaaro madadgaar chod kar) rusva kare, aur na usay haqeer jaane.(sahi muslim2564).

26. apnay bhai ki madad karo, vo zalim ho ya mazloom. ek aadmi nay arz kiya: Allah kay Rasool(saw) ! agar vo mazloom ho tab to us ki madad karo, lekin jab vo zalim ho to us ki madad kaisay karon?Aap nay ershaad farmaya: tum us ko zulm say roko,yahi us ki madad hai.(sahi bukhari 6952)

27. musalmaan kay musalmaan par paanch haq hai: salaam ka javaab dena,mareez ki timardaari karna, janazay kay liye jaana, daavat khubool karna aur cheenk ka javaab dena. (sahi bukhaari 1240).

28. jo banda dunya may kisi banday ki parda poshi karta hai, Allah ta’ala qiyamat kay din zaroor us kay aiboon par parda daalega.(sahi muslim 2590).

29. jo shaks Allah ta’ala aur aakhirat kay din par emaan rakhta hai usay chahiye kay sila rahmi (yaani rishtedaaron say acha (sulook) kare. (sahi buqaari 6138).

30. jis nay do bachhon ki tarbiyat aur parvarish ki hatta kay vo balogat ko pahonch gaye, qiyamat kay din vo meray saath(us tarah qareeb hoga). Aap( S.W.S) nay apni ungliyon ko milaaya.(sahi muslim 2631)

31. sifarish karo (jaaez kaam kay liye) tumhe ajar milega.(sahi muslim 2627).

32. Har roz subah saveray do farishte zameen par utarte hain in may say ek Allah ta’ala say dua karta hai kay aye Allah jo teri rah may kharch kare usay mazeed rizq ata farma aur doosra ye dua karta hai kay aye Allah jo teri rah may kharch na kare us kay maal ko tabah va barbaad kar de (sahi bukhaari 1442).

33. jo shaks Allah ta’la aur aakhirat ke din par emaan rakhta hai usay chahiye ki apnay mahmaan ki ezzat kare (sahi bukhaari 6138)

34. Allah ki qasam ! vo emaandaar nahi, Allah ki qasam ! vo emaandaar nahi, Allah ki qasam ! vo emaandaar nahi. arz kiya gaya : Allah kay Rasool s.w.s! vo koun hai ? Aap(saw) ne ershaad farmaya: vo shaqs jis ki shararaton say us ka hamsaaya mahfooz na ho(sahi bukhaari 6016).

35. aadmi apnay dost kay deen aur aklaaq par hota hai, isliye tum may say (har) ek ko dekhna chahiye kay vo kis say dosti karraha hai.(jaamiya tirmizi 2378)

36. ek dihaati nay Allah kay Rasool(saw) say poocha: Allah kay Rasool (saw): qiyamat kab aayegi. Aap(saw) nay ershaad farmaaya: tum nay qiyamat kay liye kya tayyari kar rakhi hai? Us nay arz kiya kay Allah aur us kay Rasool(saw) ki mohabbat. ershaad farmaaya kay qiyamat kay roz tum us kay saath hoge jissay tumhe mohabbat hai

37. aadmi (qiyamat kay din) usee kay saath hoga jissay usnay (dunya may) mohabbat ki (sahi bukhaari 6168).

38. Sayyadna Maaz Bin jabal r.a. kehte hain kay Allah kay Rasool s.w.s nay mera haath pakda aur ershaad farmaya: Maaz! Allah ki qasam ! mujhey tum say mohabbat hai. phir ershaad farmaya: Maaz mai tumhe nasihat karta hoon kay har namaaz kay baad ye alfaaz kehna kabhi na chodna : aye Allah tu meri madad farma kay mai Tera zikr Tera shukr aur Teri ebaadat umda andaaz say kar sakon. (sunan abi dawood 1522).

39. teen cheeze mayyit kay peechay jaati hai. Do(qabarastaan say) vaapas aajati hai aur ek us kay saath hi rahti hai. Us kay peechay us kay gharwaaley, maal va daulat aur aamaal jaate hain phir gharwaale aur maal va daulat vaapas aajaate hain aur us ka amal(us kay saath) baaqi rahta hai.(sahi bukhaari 6514).

40. dunya momin ka khaid khaana aur kaafir ki jannat hai (sahi muslim 2956).

41. ( dunya kay maamlay may)apnay say neechay (kam maal) vaalay ko dekho, oopar vaalay ko na dekho, essay ye hoga kay aap, apnay paas moujood Allah ki nemat ko haqeer nahi samjhengay.( sahi muslim 2963).

42. ameeri, maal va daulat ki faravani ka naam nahi balke : asal ameeri to dil ki bay niyaazi hai. (sahi bukhaari 6446).

43 upar wala (denay wala) haath neechay walay (lenay walay) haath say bahit behtar hai.(sahi bukhaari 1428).

44. jis shaqs nay apnay ahal va ayaal kay darmiyaan aman va emaan ki haalat may subah ki, vo jismaani lihaaz say tandurust tha aur us din ka samaan guzur basar bhi usay maiyyassar tha, to vo aisa hai , jaisay saari dunya usay sameat kar dedi gaye.(jaamiya tirmizi 2346).

45 . do khoobiyon waalay shaks khaabilay rashk hai : ek vo jisay Allahtala nay bahut sara maal diya aur vo usay haq kay raastey may bay dareeq kharch karta hai , doosra vo jisay Allahtala nay hikmat va daanaee say navaaza ho, vo hakeemaana faislay karta aur logon ko hiqmat va daanaee ki taleem deta hai.(sahi buqari 73).

46. ek shaks nay Nabi s.w.s say pucha : koun sa islaam zyada qair va bhalaae vala hai? Aap s.w.s nay farmaya : aap zaroorat mandon ko khana khilaaen aur har shaks ko salaam karen chahe aap usay jaante ho ya na jaante ho.(sahi buqari 12)

47. sadqa va kairaat se maal kam nahi hota aur maaf karne say Allahtala banday ki ezzat may ezafe hi farmata hai. Jo shaks Allahtala ki khatir tavazay va en- k- saari eqtiyaar karta hai Allah tala usay zaroor ooncha kardeta hai.(sahi muslim 2588).

48. qiyamat ki nishaniyon may se ye bhi hai ke( kitaab va sunnat ka) ilm uthaliya jaaega,jahalat pheal jaaegi, sharaabein piye jaaengi aur zina aam hojaaega.(sahi buqari 80).

49. Allahtala farmaata hai: aye ibn – aadam tu (bhalaae may ) kharch kar,Mai tujh par kharch karoonga. (sahi bukhari 5352).

50. zulm say bacho kyun kay zulm qiyamat kay din andheron ka sabab banayga.(sahi muslim2578).

51. lizzaton ko kar kara karne wali cheez , yaani mout ko kasrat se yaad karo (jaamiya tirmizi2307).

52. neki husn-e-aqlaaq ka naam hai aur gunah vo hai jo aap ke dil may khatke aur aap na pasand karen ke logon ko us ki qabar ho.(sahi muslim 2553).

53. bayshak Allah ta’la osi banday ko pasand karta hai jo parhezgaar,gumnaam aur logon say bayniyaaz ho (sahi muslim 2965).

54. jis kay dil may zarra barabar bhi takabbur hoga vo jannat may daakhil nahi hoga.ek aadmi nay arz kiya: aadmi chahata hai kay us ka libaaz accha ho .us kay jootay umda ho(to kya ye bhi takabbur hai)?Aap nay farmaaya:(nahi) bayshak Allahtala khoobsoorat hai .khoobsoorti ko pasand karta hai.haq baat ko thukraana aur logon ko haqeer samajhna takabbur hai.(sahi muslim 91).

55. roz-e- qiyamat teen (tarah kay) logon say Allahtala kalaam nahi karega,unhe gunah se paak nahi karega,un ki taraf(nazar rahmat se) dekheyga bhi nahi aur kay liye dardnaak azaab hoga.(vo teen lig ye hain)bodha zaani,bahut jhoota baadsha aur mutakabbir fakheer.(sahi muslim 107).

56. tum may se behtareen vo hai , jin ka aqlaaq accha hai (sahi buqari 3559).

57. buql say bacho kyun kay tum – se – pehlay logon ko buql hi nay halaak kiya.(sahi muslim2578).

58. momino may se kaamil tareen vo hai jis ka aqlaaq sab se accha ho.aur tum may se acche vo hain jo apni biwiyon kay liye acchay ho.(jaamial tirmizi 1162).

59. Nabi Kareem s.w.s nay Ashj abdul qais say farmaaya : bila shuba tujh may do khoobiyan aisee hai n jo Allahtala ko bahut pasand hain: burdbaari aur soonch samajh kar kaam karna.(jaamial tirmizi 2011).

60. bayshak Allahtala narmi karne wala hai aur narmi ko pasand karta hai.narmi eqtiyaar karne se vo kuch deta hai, jo hatdharmi ki soorat may nahi deta (sahi muslim 2593.)

61. jab tum may say kisi ko cheenk aae aur vo Alham,dulillah kahe to usay. Yarhamukallah kaho o Alhamdulillahlekin a na kahe to usay yarhamukallah na kaho.( sahi muslim 2992).

62. tim may say har ek zimmaydaar hai aur har ek say usske maa-tehton ke mutaaliq pooch- googh hogi. hukmaraan waqt apni riaya ka zimmaydaar hai aur ussay riaya ke mutaliq baaz purs hogi.

Har shaks apnay biwi bacchon ka zimmzydaar hai aur ussay us ki zimmaydaari ke mutaliq poochay jaaega.

Aurat apnay khavind kay ghar ki zimmay- daar hai aur ussay us ki zimmaydaari kay mutaliq poocha jaaega.

Naukar apnay maalik kay maal ka nigraan hai aur ussay us ki zimmaydaari kay baaray may poocha jaaega. \(sahi bauqari 893).

63. Jis nay Meri ettat ki vo zaroor jannat may jaaega aur jis nay meri naafarmaani ki usnay jaannat may jaanay say inkaar kar diya( sahi buqari 7280).

64. jis nay hamaaray us amr(deen) may naya tareequa aejaad kiya jo haqeeqatan us may nahi hai to vo –tareequa mardood hai.(sahi buqari 2697).

65.jis nay kisi qair va bhalaae kay kaam ki rahnumaaee ki usay neki karnay walay kay baraabar savaab milayga (sahi muslim 1893).

66. jis nay us baat ki gavaahi di kay Allah kay siva koi maabood barhaq nahi aur Muhammad s.w.s Allah kay (Rasool hain to Allahtala nay us par jahannum ki aag haraam kar di (sahi muslim 29) .

67. mai aur yateem ki kifalat karne wala jannat may is tarah honge.Aap nay darmiyaani aur shahadat wali ungli ko milaakar bataya.(sahi buqaari 6005).

68. Mujhey gareeb logon may talaash karo( kyun kay Mai in hi may rehta hoon).bila shuba tumhe apnay kamzooron ki vajae hi say rizzakh diya jaata hai.aur (dushman kay khilaaf) tumhaari madad ki jaati hai.( Jaamiya tirmizi 1702)

69. dunya faaeda uthanay ki cheez hai aur dunya may sab say zyada faaeda denay waali mataae neak aurat hai.(sahi muslim 1469).

70. aurat jab paanch waqt ki namaaz ada kare,maahe ramzaan kay rozay rakhea,apni ezzat va asmat ki hifazat kare aur shahor ki etaa-at kare to jannat kay jis darvaazay say ,chahe daakhil ho jaaegi (mishkaatal masaabih3254)

71. Jibraeel Mujhey hamsaae kay mutaliq vasiyat karte rahe had-taake mujhey gumaan guzra kay vo usay vaaris qaraar dedengay (sahi buqari6014).

72. us ki naak khaak aalud ho, phir us ki naak khaak aalud ho phir us ki naak khaak aalud ho. Arz kiya gaya: kis ki Allah kay Rasool s.w.s ? Aap nay farmaya : jis kay paas us kay vaaledain may say kisi ek ya dono ko budhaapa aaya,phir vo( un ki khidmat na karke) jannat may daakhil na ho saka. (sahi muslim 2551).

73. jis nay hamaaray choton par shafaaqat na ki aur hamaaray badon ki ezzat va sharf ko na pehchana us ka hamaray saath koi taaluq nahi. ( jaamial tirmizi 1920).

74. kisi aurat say chaar sifaat ki –bina par shadi ki jaasakti hai: us kay maal ki bina par, us ki khoobsoorti ki vajey say, us kay hasab va nasab ki vajey say aur us kay deen ki vajey say.tumdeen waali kay (hasool kay) zarye kaamyaab ho jaao. (sahi bukhari 5090).

75. tum jannat may daakhil nahi hongay, jab tak momin na ban jaaoaur tum (kaamil ) momin nahi ban sakte jab tak baahem mohabbat na karne lagjaao. Kya mai tumhe vo kaam na bataaon jis kay karne say tumhaaray ander ek doosray ki mohabbat paida ho jaae? Aapas may salaam ko rivaaj do.(sahi muslim 54).

76. saat (qisam kay) logon ko Allahtala us din apnay (arsh kay) saae may jagah dega,jis din sirf Us kay arsh ka saaya hoga: adal karne waala huqmaraan, vo naujavaan jo apnay Rub ki ibaadat may parvaan chadha, vo shaks jis ka dil masjid may atka rahta hai, vo do aadmi jo Allah ki khaatir muhabbat karte hain , Usee ki qatir ekatthey hote hain aur Usi ki qatir alag hote hain, vo shaks jisaykisi baaeqtiyaar khoobsoorat aurat nay daavat gunah di to us nay kaha: mujhey Allah say darr lagta hai ; vo shaks jis nay sadqua kiya to is qadar maqfi aur poshida rakha kay baaen haath ko bhi qabar na huvi kay daaye nay kya kharch kiya ; aur vo shaks jis nay tanhaae may Allah ko yaad kiya to (kauf ya fart mohabbat say) us ki aankhon say aanso jaari ho gaye. (sahi buqari 660).

77. Meray paas Jibreel aae aur un ho nay Mujhey khush qabri di kay jo shaks us haal may faut huva kay vo Allah kay saath zarra bhar bhi shirk nahi karta tha , vo zarqqr jannat may daakhil hoga .(sahi buqari 7487).

78. jo ruksaaron ko peetay, giraybaan phaaday aur jaahelaana cheeq va pukaar kare vo ham may say nahi. (sahi buqari 1297).

79. aasaani karo tangi na karo( Allah kay fazl va ataa ki) khush qabri do aur ( sirf azaab ka zikr kar ke) logon ko mutanafir na karo.(sahi buqari 69).

80. jis nay kisi aesay mareez ki teemardaari ki jis ki maut ka waqt na aachu ka ho aur us kay paas saat martaba ye padha (asalAllah……….) mai azmat vaalay Allah ,arsh azeem kay Rub say savaal karta hoon kay vo tujhey shifa de; to Allah ta’ala us beemari say usay zaroor shifayaab karega. (Sunan abi dawood 3106).

81. jab tum may say koi masjid may daaqil ho to do rakaat padhe-bagair na baithey.(sahi buqari1163).

82. jab insaan fout hojaata hai to us kay amal ka silsila bhi manquata hojaata hai, albatta teen tarah kay aamaal ka sawaab badastoor jaari rehta hai: sadqua jaariya,vo ilm jissay faaeda uthaya jaaraha ho ya neik aulaad jo us kay liye duva karti rahe (sahi muslim 1631).

83. jis nay eshan ki namaaz bajamaat ada ki us nay goya nifs raat qiyaamkiya aur jis nay fajr ki namaaz bhi bajamaat ada ki us nay goya saari raat qiyaam kiya. (sahi muslim 656).

84. jab kisi banday ka bacha fout hojaata hai to Allahtala Apnay farishton say farmaata hai: tum nay Meray banday kay bachey ki ruh qabz karli? Vo kehtein hain : ji haan.Allahtala farmata hai: tum nay us kay jigar goshey ko layliya? Vo kehtein hain : ji Baari tala .Allahtala poochta hai: Meray banday ka kya kehna tha? Vo kehte hain: us nay Teri taareef ki aur “enna lillah hi va inna elaihi rajioon” padha .Allahtala farmaata hai: Meray banday kay liye jannat may ek azeem –al- shaan ghar banaao aur us ka naam “baitul hameed” rakho (jaamial tirmizi1021)

85. paanch kaam fitrat say hai:qatnay karwana,zeir naaf baal saaf karna,moonchey katarna, naqoon taraashna aur baglon kay baal okhaadna. (sahi buqari5891).

86. jab ramzaan aata hai to asmaan kay darvaazay chow –pat khol diye jaate hain aur jahannum kay darvaazay acchi tarah band kardiye jaate hain aur shayateen ko paaband salaasal kar diya jaata hai.(sahi buqari 1899).===

87.sehri kiya karo, bila shuba sehri may barkat hai.(sahi buqari 1923).

88. Allahtala nay farmaaya: ibn nay aadam kay har amal ka mutaaeen ajar usi kay liye hai sivaae rozay kay, vo sirf Meray liye hai aur mai hi us ki jazaa muqarrar karonga. Roza (gunaahon kay qhilaafaa ) dhaal hai.jab tum may say koi rozay say ho to fahesh goyee aur shoor va ghul na karen,agar usay koi gaali de ya ussay ladaae kare to keh dein : mai rozaydaar hoon ( mai aap kay saath nahi ulajhna chahata. ( sahi buqari 1904 ) .

89. jo rozaydaar gunah ki baat aur gunah ka kaam karne say baaz nahi aata Allahtala ko us kay bhooka , pyasa rehnay ki koi zaroorat nahi .(sahi buqari 1903).

90. Allahtala us shaqs par rahem farmaaye jo qareed va farouqt aur apnay haq ka mutaleba karte waqt narmi say kaam leta hai.(sahi buqari 2076.)

91. mazdooron ko paseena khushk honay say pehlay us ki mazdoori ada karo.(sanan ibn- e- maaja 2443)

92. Allahtala pasand karta hai kay jab tum may say koi shaqs koi kaam kare to khush usloobi aur mahaarat say kare.(maajim – ausat-liltabarni 427/1)

93. jis nay ramzaan kay rozay rakhey phir us kay baad shawwaal kay 6 rozay rakhey,vo aisa hai jaisay us nay saaray saal kay rozay rakhey.(sahi muslim 1164).

94. Allahtala ko sab say badh kar mehboob banday vo hai jo logon kay kaam aanay waalay hain.Allah-az –vajal ko sab say zyada pasandeeda amal kisi musalmaan ko khushi faraahem karna ya us ki koi takleef door karna ya us ka qarz ada karna ya us ki bhook mitana hai.( salsalatul hadees al saheeha 906).===

95. jo shaqs apnay gussay ko roak le,Allahtala us ki parda poshi farmaata hai.jo shaqs badla laynay ki taaqat kay baavajood apnay gussay ko pee jaae,Allahtala qiyamat kay din us kay dil ko rehmat ki umeed say bhar de ga.jo shaqs apnay kisi bhai ki zaroorat poori karne kay liye us kay saath jaae hattake us ki haajat poori hijaae to,Allahtala us roz us ko saabit qadam rakhega jis roz logon kay qadam dagmagaa rahey hongay. Bad aqlaaqi neak amal ko is tarah qaraab kardeti hai jis tarah sirka shahed ko qaraab kardeta hai (salsalatal hadees- al – saheeha 906).

96.saat tabah karnewaalay gunahoon say bacho.arz kiya gaya: Allah kay Rasool s.w.s! vo kaun say gunah hai? Aap nay farmaaya Allahtala kay saath shirk karna,jaado seekhna ya karna,kisi shaks ko naa haq qatal karna (agar koi shaks kisi aisay jurm ka ertekaab kare jis ki saza mout banti ho to vo us may shamil nahi) yateem ka maal khana,soodi lein dein karna,maidaan kaarzaar say bhaagna,paakdaaman bholi bhali momin aurton par tauhmat lagaana. (sahi buqari2766.)

97.ek aurat ko billi ki vajey say azaab diya gaya.us nay usay baandh diya tha , hatta kay vo margayee.bas usi vajey say vo jahannum ki aag main chali gayee .us nay usay baandhey rakha na usay khilaaya pilaaya aur naa hi choda kay vo hashraat elaarz hi khaaleti. (sahi buqari 3482).

98. jis nay kisi rozaydaar ki eftaari karvaae usay rozaydaar kay baraabar ajar milaayga,alaava ezen Allahtala rozaydaar kay ajar va savaab may koi kami nahi karega.(jaamial tirmizi 807).===

99. (zavaal haj) kay dus dino may kiye gaye amaal saaleh Allah ko baakhi ayaam may kiye gaye amaal say badh kar mehboob hain.sahaba karaam r.a. nay kaha: Allah kay Rasool s.w.s ! Allah kay raaste may jahaad karna bhi nahi? Aap nay farmaaya: Allah kay raaste jahaad bhi nahi,albatta agar koi apnay jaan va maal kay saath nikla aur us ka kuch bhi vaapas na aaya to vo afzal ho sakta hai.(sanan –abi –dawood 2438 )

100. jis nay Allah kay liye haj kiya us may bay huda aur fisq va fajoor waali baat ki na aisa kaam kiya to vo(gunahon say paak ho kar) aisay lauta jaisay us ki maa nay usay aaj hi jana ho. (sahi buqari 1521 ).

101. koi din aisa nahi jis may Allahtala logon ko Arfa kay din say zyada jahannum say aazaadi deta ho.(sahi muslim 1348 ).

102. do aankhon ko aag nahi chuaaegi: ek vo aankh jo qashiyat elaahi say ro padi, doosri vo jo Allah kay raastay may pehra deti rahi (jaamiya tirmizi 1639).

103. jo shaks najoomi kay paas gaya aur us say kisi chees kay mutaaliq poocha, chalees din tak us ki koi namaaz khubool nahi hogi (sahi muslim 2230).

104. emaan ke, sattar say zaaed hissay hain aur Haya bhi emaan ka ek hissa hai (sahi muslim 35).

105. jo shaks har roz subah shaam teen martaba ye duva padta hai usay koi cheez nuksaan nahi pohnchaegi :(bismillah…………………..) Allah kay naam kay zarye say ( panah maangta hoon), vo zaat jis kay naam ki barkat say zameen va aasmaan may koi cheez nuksaan nahi pohnchasakti. aur vo khoob sunnay waala jaannay waala hai. (sahi muslim 3869).

106. mazloom ki badduva say bacho kyun kay us ki duva aur Allah kay darmiyaan koi rukaavat nahi hoti.(sahi muslim 19).

107.Allahtabaarak va taala farmaata hai:Aadam kay betay! Agar tum mujhey us haal may milo kay tumhaaray daaman may shirk na ho.us kay alaav a zameen bhar kay gunah bhi ho to mai tumhe utni hi magfirat aur rehmat kay saat milonga (sahi ibn-e-habaan 462/1 hadees 226)

108. jo shaks amaanat daar nahi, us may koi emaan nahi, aur jo shaks vaaday ka paaband nahi us ka koi deen nahi.( sahih ibn – e—habaan423/1 hadees 194 )

109. tum may say koi shaks us waqt tak momin nahi ho sakta jab tak vo apnay musalmaan bhai kay liye vahi kuch pasand na kare jo khud apnay liye pasand karta hai. (sahi buqari 13).

110.qiyaamat kay din momin kay aaza , vahaan tak chamak rahe hongay jahaan tak dunya may us kay wazu ka paani pahonch ta tha.(sahi muslim 250 ).

111. vo shaks jo Allah ko yaad karta hai aur jo yaad nahi karta un ki misaal zinda aur murda ki si hai`(sahi buqari 2407).

112. tum may say jo shaqs kisi buraae ko dekhay, usay chahiye kay vo usay apnay haath say rok de.agar us ki taaqat na rakhta ho to phir apni zabaan say roke.agar us ki bhi taaqat na ho to dil may bura jaanay.ye emaan ka kamzoor tareen darja hai. (sahi muslim 49)

113. kisi musalmaan kay liye jaaez nahi kay vo apnay bhai kay saath teen din say zyada boal chaal band rakhey.( sahi buqari 6237).

114. aamaal ki quboolityat ka inhe- saar aadmi kay aaqri kaamon par hai. (sahi buqari 6607).

115. Allahtala kay nazdeek duva say badhkar qaabil ezzat koi cheez nahi.(sanan ibn-e- maaja3829).

116. us shaqs nay emaan ki mithaas paali jo Allah kay Rub honay par islaam kay deen honay par aur Mohammad s.w.s kay rasool honay par raazi hogaya. (sahi muslim 34).

117. dunya say bay ruqbat hojaaen Allah aap say mohabbat karega aur logon kay maal va mata say bay niyaaz ho jaye log aap say mohabbat karengay. (sanan ibn-e- maaja 4102).

118. Allah ta’la haya waala,karam waala hai.jab banda Us ki baargah may duva kay liye haath othata hai to un haathon ko khaali namuraad lautate huvay Allah ko haya aati hai. (jaami al tirmizi 3556.)

119. Mujh say haj ka tareeqa seekhlo (meray tareequa par haj karo). (sunan al bahiqi 125/5varva muslim 1297).

120. Aab-e-zamzam ko jis maqsad kay liye bhi piya jaae faaeda deta hai ,(sanan ibn e maaja3062)