Shaadi k baad Shauhar ka naam apney naam k saath lagaana kaisa hai

Poora padhiye aur haqeeqat jaaniye
Jo Aurtein Apney Walid ka Naam hata kr shauhar ka naam adopt krtin hain shaadi k baad wo zara ghaur karen ki ye HARAAM hai.

G HAAN HARAAM HAI ! !

Misaal k taur pe, shaadi se pehley unka naam “Fatima maqsood Ali” shaadi hui Sajid Siddique, se, ab naam badal kr “Fatima Sajid Siddique” ya sirf “Fatima Sajid”.

Ye haraam hai. iski ijazat nahi ki koi apney baap (Walid) ka naam hata kar apney shauhar ka naam ya apney shauhar k khaandaan ka naam apney agey lagaye.

Ye kuffar ka tareeka hai hame iseko apnaney se bachna chahiye.

Rasool Allah Sallallahu Alaihi Wasallam ki hadith ki roshni me dekhye.

Rasool Allah Sallallahu Alaihi Wasallam ka irshad hai:

“Jisney apney naam ko apney walid k naam k alawa apney naam me kisi doosrey ka naam (jo uska baap nahi) joda us par Allah ki or farishton ki lanat hai .”
Sunan Ibn Maajah, Hadees: 2599

Hazrat Abu Dharr (Radiallahu Anhu) ne suna ki Rasool Allah Sallallahu Alaihi Wasallam ne farmaya :

“ Kisi aadmi ne apne walid k siwa apni shinakth kisi aur k saath milaee usne kufr kiya. Jisney us shaks se apney to joda jo uska baap nahi wo apna theekana Jahannam me bana ley.”
Sahih Bukhari, Hadees: 3508
Sahih Muslim, Hadees: 61

Hazrat Sa’d ibn Abi Waqqaas or Hazrat Abu Bakar (Radiallahu Anhuma) ne kaha ki Rasool Allah Sallallahu Alaihi Wasallam ne irshad farmaya ki:

“Jo ye kehta hai ki wo musalman hai or wo kisi k saath khud ko jordta (attach) hai jo uska baap nahi ye jaan kar ki wo uska haqiqi baap nahi, JANNAT uske liye Haraam hai”
Sahih Bukhari, Hadees: 4072
Sahih Muslim, Hadees: 63

In Sab se zyada aur kya warning ho sakti hai..??!!

Ye kuffar ka tareeka tha or aaj hamari behney bade shauq se isko apnaati hain.

Yaad rahey Baap ka rishta kisi bhi naye rishtey k aaney k baad khatam nahi hota or aulad ki shinakth or pehchan uske walid k naam se hi hogi, aur apne shauhar ka naam apne naam k saath lagana ye Kufr or haraam ka baais hai.

Shauhar or Biwi ka khoon ka rishta nahi hota or naam sirf khoon k rishtey se hi jorda ja sakta hai.

Agar kisi wajah se uska talaq hoga to us surat me wo kitney naamo ko change kareygi ?

Agar shauhar ka naam lagana sahi hota to Rasool Allah Sallallahu Alaihi Wasallam ki biwiyon ne bhi apna naam badla hota kyn ki unke shauhar to duniya k Afzal Tareen shaks they.

Hazrar Khadeeja (Radiallahu Anha) hamesha Khadeeja bin Khuwalid rahin.

Hazrat Ayesha (Radiallahu Anha) hamesha ta umr Aysha bint Abu Baker rahin.

yahan tak ki Rasool Allah Sallallahu Alaihi Wasallam ki wo biwiyan jinke baap kafir they apney unke naam ka lakab bhi kabhi tabdeel nahi kiya.

Jaise: Saffiya bint Huyayy (Radiallahu Anha)
( Huyayy Yahoodi tha or Rasool Allah Sallallahu Alaihi Wasallam ka jani dushman bhi tha)

Jannat mey Aurton ki sardar Hazrat Fatima (Radiallahu Anha) hamesha Fatima Bint Muhammad rahin unhoney Hszrat Ali (Radiallahu Anhu) k naam k saath apney naam ko kabhi nahi jorda.

Jis behan ne galti se aisa kiya hai wo Allah se sacchi tauba karey or apne walid ka naam wapas apne naam se jor dey.

Hame apney amalon ka hisab Allah ko deyna hai or ye sarsar Allah or uske Rasool ki nafarmani hai.

Allah hame samjhney or is par amal krney ki taufeeq dey.

AAMEEN YA ALLAH

TABLEEGHI JAMAAT – QURAN WA HADITH KI KASAUTI PAR : (PART-2)

ITA’AT KO RASOOLULLAH MUHAMMAD SALLALAHO ALAIHI WASALLAM KE LIYE KHALIS KARNA ZAROORI HAI:

1-Jis Jamaat Ke Nazdeek Deen Ko Rasoollullah Ke Liye Khalis Karne Ka Matlab Har Musaslman 
Ko Sirf Nabi E Kareem Muhammad Sallalaho Alaihi Wasallam Ki 
Itteba Ki Daawat Den Eke Bajaaye Har Shakhs Ko Apne Apne Kuwen (Well) Se Paani Peene Ki Taqeed Karna Ho, 
Kya Wah Deen Ka Kaam Karne Ki Ahal Hosakti Hai ??

2-Kya Ek Hi Zabaan Se Muhammad Rasoollullah Sallalaho Alaihi Wasallam Ka Qalma Padhna 
Aur Usi Zabaan Se Muhammad Sallalaho Alaihi Wasallam Ke Bajaaye 
Dusron Ko Apna Imam Muqarrar Kar Dena Rasool Ke Saath Shirk Nahin Hai??

Ghair E Nabi Ki Ita’at Jise Taqleed Kaha Jaata Hai Aur Taqleed Karne Wale Taqleed Ko Waajib 
Aur Fakhr Se  Apne Aapko Muqallid Kahte Hain, 
Halaanke Ye Taqleed Baaz Auqaat Insaan Ko Shirk Billah Tak Bhi Le Jaati Hai,
 Misaal Ke Taur Par Surah Baqarah Me  Allah Tala Ka Ye Irshad Hai

“Bacchon Wali Auratein Jo Raza’at Ki Muddat Muqammal Karna Chahti 
Hainwah Apne Bacchon Ko Kaamil 2 Baras Tak Dhoodh Pilaayen ”

(Surah Baqarah Ayat No 233)

Is Ayat Ki Sharah Karte Hue Mashoor Hanafi Aalim Sheikh Ul Islam Maulana Shabbir Ahmad Usmani 
Tafseer Usmani Me Lilkhte Hain

“Maa Ko Huqm Hai Ke Apne Bacche Ko 2 Baras Tak Aur Aur Ye Muddat Uske Liye Hai 

Jo Maa Baap Baccha Ke Dhoodh Pilaane Ki Muddat Poora Karna Chaahen
 Warna Usme Kami Bhi Jayez Hai”

Yani Intehaayi Muddat Is Ayat Me 2 Saal Tak Bayan Kar Di Gayi Hai, 
Iske Baad Isi Masle Ko Allah Tala Ne Surah Ahqaaf Me Bayan Karte Hue Irshad Farmaya Ke

“Aur Hamne Insaan Ko Apne Walidain Ke Saath Ehsaan Ka Huqm Diya Kyonki Uski Maa Ne Uska Hamal Uthaaya Taqleef Se 
Aur Hamal Uthaana Aur Dhoodh Chudaana 30 Maah (Month) Hai”

(Surah Ahqaf Ayat No.16)

Is Ayat Kareema Me Hamal Uthaane Se Lekar Dhoodh Chhudaane Tak Ki Muddat 30 Maah Yani Dhaayi Saal Bayan Ki Gayi Hai, 
Iski Sharah Karte Hue Ahle Ilm Ne Kaha Hai 
Ke Is Ayat E Kareema Ki Ru Se Hamal Ki Kam Se Kam Muddat 6 Maah Hai Aur Dhoodh Pilaane Ki Muddat 24 Maah Yani 2 Saal Hai, 
Iske Baad Isi Masle Ko Allah Tala Ne Surah Lukman Me In Alfaz Se Bayan Farmaya Ke:

“Hamne Wasiyat Ki Insaan Ko Apne Walidain Ke Bare Me Kyonki Uski Maa Ne Mashaqqat Par 
Mashaqqat Utha Kar Use Pet Me Rakha Aur Dhoodh Chhudaya 2 Baras, 
Chunanche Insaan Ko Chahiye Ke Shukr Kare Mera Aur Walidain Ka Mamnu Rahe ”

(Surah Lukmaan Ayat No.14)

Qur’an Kareem Ke In Nusoos Se Saabit Hua Ke Raza’at Ki Muddat Sirf 2 Saal Hai Aur Hadith Me Bhi Is Masle Ki Wazaahat Maujood Hai Ke 
2 Saal Ke Baad Koi Raza’at Motbar Nahin, Lekin Imam Abu Hanifa Ke Qaul Ke Mutaabik Raza’at Ki Muddat Dhayi Saal Hai,

Chunanche Ahnaaf Muqallideen Quraan Ke In Nusoos Ka Inkaar Karte Hain Aur Raza’at Ki Muddat Dhaayi Saal Hone Ka Fatawa Dete Hain,

Misaal Ke Taur Par Isi Surah Lukmaan Ki Ayat Ki Sharah Karte Hue Hanafi Aalim Maulana Shabbier Ahmad Usmani Apni Tafseer Usmani Me 
Tanbiyah Ka Note Lagaate Hue Likhte Hain Ke

“ Dhoodh Chhudaane Ki Muddat Jo Yahan 2 Saal Bayan Hui Hai Ba’aitbaar Ghalib Aur Aksari Aadat Ke Hain, 
Imam Abu Hanifa Jo Aksar Muddat Dhaayi Saal Bataate Hain Unke Paas Koi Toh Daleel Hogi, Jamhoor Ke Nazdeeq 2 Saal Hi Hain”

(Hawashi Surah Luqman Ayat No 14 Maulana Mahmood Ul Hasan Tafseer Maulana Shabbier Ahmad Usmani)

Inna Illahi Wa Inna Ilaihi Rajioon!!!

Ye Hai Taqleed Ka Karishma Ke Quraan Wa Hadith Ki Itni Waazeh Nusoos Hone Ke Bawajood Ye Ye Kah Diya Gaya Ke

“Imam Abu Hanifa (Rh) Ke Paas Koi Daleel Hogi”

Wah Daleel Jo 1500 Saal Ghuzarne Ke Baad Bhi Saamne Nahin Aayi  Aur Inshaallah Qayamat Tak Nahin Aayegi, 
Is Tarah Muqallideen Ne Qur’an Ke Muqaable Me Imam Ke Qaul Ko Ikhtiyaar Karke Imam Ko Allah Tabarak Tala Ke Saath Bhi Shareek Kar Diya Hai, 
Jab Ke Ham Imaan Rakhte Hain Ke Jo Deen E Islaam Aaj Hamare Paas Hai Wah Usool Aur Ahkaam Me Muqammal Hai, Lekin Baatil Firqe Har Ikhtelaafi Masle Me

“Hamare Imam Ke Paas Daleel Hogi”

Ka Naara Awaam Un Naas Ko Hamesha Yahi Baawar Karaane Ki Koshish Karte Hain, Asal Deen Zaaye Ho Gaya 
Aura B Hamare Paas Aimma  Kiraam Ki Taqleed Ke Siwa Koi Chaara’kaar Nahin Hai 
Aur Ye Soch Aur Tasawwur Is Zamaane Me Ek Tahreek Ki Shakal Ikhtiyaar Kar Gaya Hai, 
Jise Ek Jamaat Ne Usooli Taur Par Apne Usppli Mauqaf Par Shamil Kar Liya Hai, 
Aur Barmala Ye Kahna Shuru Kar Diya Ke

“Har Shakhs Apne Apne Kuwen Ka Paani Piye”

Yani Har eK Apne Apne Imamon Ke Masailon Par Amal Kare, Jo Hanafi Hai Wo Imam Abu Hanifa  Ki Taqleed Kare, 
Shafai Imam Shafai Ki, Maliki Imam Malik Ki , 
Hambali Imam Ahmad Bin Hambal Ki Pairwi Karen,

Halaanke Allah Tala Ne Hamare Liye Kuwan Aur Ek Imam Muqarrar Kar Diya Hai, Jiska Ham Kalma Padhte Hain Yani Kisi Bhi Musalman Ke Liye 
Jayez Nahin Ke Nabi E Kareem Muhammad Sallalaho Alaihi Wasallam Ke Elaawa Kisi Ko Bhi Apna Imam Qaraar Dekar Uski Bila’daleel
 Aur Ghair Mashroot Itteba  Kare, Kyunki Islam Ki 1500 Saal Ki Taweel Tareekh Me Be’shumaar Aimma Aur Mujtahideen Ghuzre Hain 
Jinhone Apne Apne Taur Par Deen Ki Khidmat Ki,
 Wah Tamam Hamare Nazdeek Qabil E Shataish Aur Qabil E Ehteraam Hain Lekin Bila’daleel 
Aur Ghair Mashroot Itteba Muhammad Sallalaho Alaihi Wasallam Ke 
Elaawa Kisi Ki Bhi Jayez Nahin Hai, Kyunki Nabi E Kareem Muhammad Sallalaho Alaihi Wasallam Ka  Rasoollullah Hona Ba Zaate Daleel Hai,

Lekin Is Zaman Me Hairat Aur Afsos Us Waqt Hota Hai Jab Quran Aur Hadith Ki Itteba Ki Daawat Dene Walon Ko Firqah Ka Naam Diya Jaata Hai 
Aur Us Jamaat Ko Jo Khullam Khulla Tafarqa Ki Aur Apne Apne Kuwen Ka Paani Peene Ki Daawat De Rahi Hai Uski Taareef Me Zameen 
Aur Aasmaan Ki Qalaaben Milaaye Jaate Hain Aur Kaha Jaata Hai Ke

“Ye Jamaat Tafarqa Ki Baat Nahin Karti”

TABLEEGHI JAMAAT KE “DEEN KI MAHNAT” KA QUR’AN WA HADITH KI ROSHNI ME JAYEZA:

Tableeghi Jamaat Ke Araakeen Har Masjid Me Farz Namaz Ke Baad Ye Dawat Dete Nazar Aate Hain Ke

“Baqiyah Namaz Ke Baad Imaan Wa Yaqeen Aur Deen Ki Mahnat Ke Bare Me Baat Hogi,
 Tamam Hazraat Se Ghuzaarish Hai Ke Tashreef Rakhen, 
Inshaallah Bahut Faayeda Hoga”

Iske Baad Jab Baat Shuru Hoti Hai Toh Imaan Wa Yaqeen Ka Koi Zikr Nahin Hota Albatta Deen Ki Mahnat Ki Dawat Di Jaati Hai 
Jo Chand Ki Kalimaat Ke Baad Khurooj Par Aakar Thaher Jaati Hai Aur Har Shakhs Ko Ye Baawar Karaaya Jaata Hai Ke

“Deen Ke Liye Tableegh Par Nikalna Har Shakhs Par Farz Hai, Aur Yahi Deen Ki Mahnat Hai,
Lihaaza Har Shakhs Apna Naam Chille Yak
 Am Se Kam Sah Roza Ke Liye Zaroor Likhwaaye”

Fir Jo Log Apne Naam Likhwaate Hain Unhe Jamaaton Ki Soorat Me Nikaala Jaata Hai,

Mashoor Hai Ke Koi Jhoot Agar Baar Baar Bola Jaaye Toh Ek Waqt Wah Bhi Aata Hai 
Jab Khud Jhoot Bolne Waale Ko Bhi Apna Jhoot Sach Lagne Lagta Hai, 
Yahi Haal Tableeghi Jamaat Ka Bhi Hai,

Ye Log Maulana Iliyaas Ki Ijaad’kardah Khurooj Ki Bida’at Ko Deen Ki Mahnat Aur Ambiya Ka Kaam Apni 
Har Majlis Me Is Takraar Ke Sath Kahte Hain Ke Khud Inke Dil O Dimagh Me Bhi Ye Khurooj Ki Daawat Is Tarah Bas Jaati Hai Ke 
Phir Ye Log Deen Ka Kaam Karne Waale Ulema Ki Bhi Tahqeer Karne Me Nahin Chookte
 Jo Tahreer Wa Taqreer Ke Zariye Deen Ka Kaam Kar Rahe Hote Hain,

Allah Tala Ne Qur’an Qareem Me Aisi Khud’farebi Me Mubtela Afraad Ke Bare Me Farmaya:

“Jiske Liye Uska Bura Amal Muzayyan Kar Diya Gaya Ho Aur Wah Amal Uski Nazar Me Khap Gaya Ho, 
Toh Jaan Lo Ke Allah Jisko Chaahta Hai Gumraahi Me Pada Rahne Deta Hai Aur Jisko Chaahta Hai Hidaayat Deta Hai,
 Pas Aap Unke Haal Par Apne Dil Par Afsos Na Karen, Beshaq Allah Khoob Jaanta Hai Jo Jhoot Wah Ghadhte Hain”

(Surah Fatir Ayat No. 8)

Yani Unhone  Allah Aur Uske Deen Par Jo Jhoot Ghadhne Ka Silsila Qayem Kar Diya Hai
 Uske Ba’as Allah Ne Unke Liye Gumrahi Muqaddar Kar Di Hai, 
Hatta Ke Shaitaan Ne Unka Ye Bura Amal Unke Liye Muzayyan Kar Diya Hai, 
Aur Ab Wah Apne Jii Me Ye Khayaal Karte Hain Ke Wah Hidaayat Par Hai,
 In Afraad Ke Bare Me Allah Tala Ne Dusre Maqaam Par Farmaya:

“Kya Ham Tumko Bataayen Ke Aamaal Ke Aitbaar Se Zyadah Khasaare Me Kaun Hai ?? Wah Jiski Mahnat Duniya Me Hi Bhatakti 
Rah Gayi Aur Wah Ye Ghumaan Karta Rah Gaya Ke Wah Bahut Acche Aamaal Kar Raha Hai, Dar’haqeeqat 
Ye Wah Log Hain Jinhone Apne Rabb Ki Aayat Aur Mulaqaat Ka Kufr Liya, Pas Unke Tamam Amaal Gharat Ho Gaye, 
Qayamat Ke Din Ham Unke Aamaal Ke Liye Taraazu Qayam Nahin Karenge”

(Surah Kahf Ayat No 105-106)

Is Ayat E Kareema  Ka Mukhatib Aksar Mufassireen Ne Khwarij Aur Ahle Bidat Ko Qarar Diya Hai 
Jo Apni Khud Saakhta Dimaaghi Ikhtara’a Ko Deen Samjh Lete They,
 Aise Logon Ke Bare Me Nabi E Kareem Muhammad Sallalaho Alaihi Wasallam Ne Farmaya:

Hz Abu Saeed Khudri (Ra) Se Riwayat Hai Ke  Nabi E Kareem Muhammad Sallalaho Alaihi Wasallam Ne Farmaya:

“Anqareeb Meri Ummat Me Ikhtelaaf Ke Ba’as Ek Giroh Paida Hoga Jo Nihaayat Acchi 
Aur Dil Moh Lene Waali Baatein Karega Lekin 
Aamaal Ke Aitbaar Se Khabees Hoga, Wah Giroh Qur’an Padega Magar Qur’an Unke Halaqob Se Neeche Nahin Utrega, 
Tum Unki Namazon Ke Muqaable Me Apni Namazon Ko Aur Unke Rozon Ke Muqaable Me Apne Rozon Ko Haqeer Samjhoge, 
Wah Log Deen Se Is Tarah Nikal Jaayenge Jaise Teer Kamaan Se Nikal Jaata Hai Fir Unko Lautaaya Nahin Ja Sakega,
 Wah Tamam Makhlooq Se Bad’tareen Log Honge, Pas Khush’khabri Hai Us Logon Ke Liye Jo Us Giroh Se Qitaal Karenge 
Aur Wah Log Tumko Allah Ki Kitaab Ki Taraf Bulaayenge Jabke Unke Paas Usme Se Kuch Bhi Nahin Hoga,
 Jo Unke Saath Qitaal Karega Wah Allah Ke Nazdeeq Maqbool Hoga”

Poocha Gaya Ke :”Aiy Allah Ke Rasool Unki Alaamat Aur Nishaani Kya Hogi??”

Aap Sallalaho Alaihi Wasallam Ne Farmaya:

“Tahleeq Unki Alaamat Hogi”

(Musnad Ahmad)

Hz Abdullah Bin Amr Al Aas (Ra) Farmaate Hain Maine Nabi E Akram Sallalaho Alaihi Wasallam Se Suna Hai Ke

“Anqareeb Meri Ummat Ke Kuch Log Mashriq Ki Jaanib Se Niklenge, Jo Qur’an Padhte Honge 
Lekin Qur’an Unke Halaq Se Neeche Nahin Utrega,
 Ye Har Sadi Me Nikalte Rahenge, Yahan Tak Ki Unka Aakhiri Giroh Dajjaal Ke Saath Niklega”

(Musnad Ahmad)

Hz Abdullah Bin Masood (Ra) Se Riwayat Hai Ki Nabi E Kareem Sallalaho Alaihi Wasallam Ne Farmaya:

“Aakhiri Zamaane Me Ek Qaum Niklegi Jisme Naujawaan Aur Kam’aqal Log Shaamil Honge Wah Qur’an Padhenge, 
Lekin Quran Unke Halaq Se Neeche Nahin Utrega, Wah Log Ba’zaahir Bahut Acchi Baatein Karenge, 
Lekin Deen Se Is Tarah Nikal Jaayenge Jis Tarah Teer Shikaar Se Aar Paar Nikal Jaaye”

(Tirmizi Kitab Ul Fitan)

SCAN-

Is Qism Ki Hadith Bukhari Wa Muslim Samet Taqreeban Tamam Hadith Ki Kitabon Me Waarid Hui Hain, Magar Hamne Yahan Par Un Hadith Ko Naqal Kiya Hai Jo Jame Ul Matan Hain, Muhaddoseen Ke Zamaane Me Jab In Hadith Ko Naqal Kiya Gaya Sirf Ek Giroh Khwarij Maujood Tha Jo In Hadithon Ka Misdaaq Nazar Aata Tha,

Lihaaza Tamam Ahle Ilm Ne In Hadith Ki Sharah Me Khwarij Ka Tazkirah Kiya Hai, Lekin Musnad Ahmad Ki Mandarjah Bala Hadith Me Saraahat Se Ye Baat Maujood Hai Ke Ye Giroh Har Sadi Nikalta Rahega, Chunanche Munaasib Maalum Hota Hai In Hadith Me Waarid Baaz Alfaaz Aur Istelaahaat Ki Sharah Ki Jaaye Take Us Giroh Ko Be’naqaab Kiya Jaa Sake Jo Har Zamaane Me Bhole Bhaale Musalmano Ko Apna Shikaar Banaata Hai…

To Be Continue

TABLEEGHI JAMAAT – QURAN WA HADITH KI KASAUTI PAR (PART -1)

Bhaiyyon, Doston Aur Buzurgon !!

Allah Tala Ne Meri Aapki Aur Ham Sab Ki  Kaamyabi Apne Muqammal Deen Me Rakhi Hai Aur Ye Deen Hamari Zindagi Me Kaise Aa Jaaye Isliye Liye Chillon, Sah’rozon, Muraaqbon, Aur Khud’saakhta Azkaar Jaisi Shakhat Mahnat Ki Zaroorat Nahin Balke Quran Wa Sahih Hadith Ka Sahih Ilm Wa Faham Ki Aur Sunnat Ke Mutaabiq Amal Ki Zaroorat Hai Aur Yahi Deen Ki Sahih Aur Haqeeqi Mahnat Hai,

Aane Wale Posts Me Isi Mahnat Ke Bare Me Baat Hogi Inshaallah , 

Aap Tamam Hazraat Se  Ghuzaarish Hai Ke Nihaayat Tawajjoh Aur Ghair Jaanibdaari Ke Saath In Posts Ka Mutaala Farmaayen Aur Apni Duniya Aur Aakhirat Ko Barbaadi Se Bachaayen… Jazakallah

Bhaiyyon ! Isi Se Milta Julta Ek Elaan Har Roz Hamari Masjid Balke Shayad Poori Duniya Ki Masjid Se Rozaana Nashr Ho Raha Hai, Isliye Hamne Bhi Apni Tahreer Ka Aghaaz Isi Elaan Se Shuru Kiya Hai Take Aap Hazraat Ki Tawajjoh Is Jamaat Ki Taraf  Mazbool Ki Ja Sake Mahaz Lafzon Se Aapke Deen Aur Duniya Dono Barbaad Kar Rahi Hain, Ham Aapse Poochna Chaahte Hain Ke Kya Aapne Kabhi Socha Hai Ke:

1- Allah Tala Ka Deen Kahkar Jis Deen Ki Daawathar Musalman Ko Di Ja Rahi Hai Wah Deen Kya Hai ??

2-Us Deen Ke Liye Jis Mahnat Ki Shart Lagaayi Ja Rahi Hai, Wah Mahnat Kya Hai ??

3-Kya Mahaz Qalma Aur Namaz Ki Daawat Wa Tableegh Ko Deen Ki Tableegh Kaha Ja Sakta Hai ??

4-Kya “Sab Kuch Allah Se Hone Ka Yaqeen Rakhna” Ki Daawat Dena Deen Ki Daawat Hai ??

5-Qur’an Ki Shahadat Hai Ke Kuffar E Makka “Sab Kuch Allah Se Hone Ka Yaqeen Rakhte They” Phir Aakhir Wah Kya Daawat Thi Jis Ke Bina Par Ahle Makkah Nabi E Kareem Sallalaho Alaihi Wasallam Ki Jaan Ke Dushman Ban Gaye ??

In Tamam Sawalon Ke Jawab Talaash Karne Se Pahle Ham Apko Bataana Chaahte Hain Ke 

Tableegh Jamaat Ke Bare Me Isse Pahle Bhi Ham Post Jaari Kar Chuke Hain,

Maujooda Waqt Ke Mahaul Ko Pesh E Nazar Rakhte Hue Hamen Tableegh Jamat Par Mazeed 

Likhne Ki Zaroorat Mahsoos Hui, 

Allah Tala Se Dua Hai Ki Wo Ham  Sab Ko Sahih Aqeedah Aura Mal Saaleh Ki Taufeeq  Naseeb Farmaaye ….

 Aaameeeen

DEEN KI TAAREEF KYA HAI ???

Deen E Islam Ki Jo Taaref Nabi E Kareem Muhammad Sallalaho Alaihi Wasallam Ne Farmayi 

Hai Wah Sahih Bukhari Aur Sahih Muslim  Me Is Tarah Manqool Hai

Hz Tamimdari (Ra) Se Riwayat Hai Ke Nabi E Akram Sallalaho Alaihi Wasallam Ne Farmaya:

“Deen Naseehat Yani Khair’khwaahi Hai Aur “Nash’ah” Khalis Karne Ko Kahte Hain, Poocha Gaya, 

Khalis Kiske Liye Karna Hai,”

Aap Sallalaho Alaihi Wasallam Ne Farmaya:

“Allah Ke Liye, Kitab Ke Liye, Rasool Le Liye, Musalmano Ke Hakim Ke Liye Aura Am Musalmano Ke Liye ”

(Mutawwiq Alaihi)

Is Hadith Ki Sharah Karte Hue Sahih Muslim Ki Sharah Me Imam Nawawi (Rh) Likhte Hain:

“Deen Ko Allah Ke Liye Khalis Karne Se Muraad Ye Hai Ke Allah Par Imaan Laaya Jaaye 

Aur Shirk Ki Naïf Ki Jaaye, Allah Ki Safa’at Lamaal Wa Jalaal Me Jo Ilhaad Akhtiyar Kiya Jaata Hai 

Tark Kiya Jaaye, Tamam Nuqais Ke Allah Ki Zaat Ko Paak Qaraar Diya Jaaye, Ita’at Muhabbat, 

Shukr Aur Inamaat Ka Aitraaf Kiya Jaaye Aur Ma’siyat Aur Nafarmani Se Ijtenaab Kiya Jaaye,

 Uski Ibaadat Ki Jaaye, Aur Ibaadaat Ki Jumla Iqsaam (Qism) Maslam Qayam, Ruku, Sujood, 

Nazar, Niyaaz, Tawaaf , Aiteqaaf, Qurbani Sadaqaat Dua, Iste’aanat Aur Isteghasa 

Sirf Allah Ke Liye Khalis Kiya Jaaye, Yani In Tamam Umoor Me Allah Ko Ghair Allah Ke Muqaable Me Khaas Karna Deen Kahlaata Hai”

Deen Ko Kitaab Ke Liye Khaas Karne Se Muraad Ye Hai Ke Allah Ke Kalaam Par Aur Uske Naazil Hone Par Imaan Rakha Jaaye,

 Makhlooq Mese Kisi Ki Baat Ko Allah Ke Kalaam Ke Saath Is Tarah Mila Kar Bayan Na Kiya Jaaye Ke Sunne Wasla Makhlooq Ki Baat Ko Allah Ki Baat Ya Huqm Sasmjh Baithe, Allah Ke Qalaam Ki Ta’zeem Wa Tila’wat Ki Jaaye, Aur Tilawat Ka Haq Ada Kiya Jaaye, Qur’an Ke Huroof Ko Todh Marodh Kar Ya Ghalat Taweel Ke Zariye Kalaam Allah Ki Tahreef Na Kiya Jaaye, Uske Ahkamaat ., Uloom Wa Misaal Ko Samjha Jaaye Aur Gaur O Fikr Kiya Jaaye, Uske Mohkamaat Par Amal Kiya Jaaye Aur Mutashabehaat Ke Peeche Lagne Se Bacha Jaaye Aur Uske Umoom Aur Khusoos Aur Naseh Aur Mansookh Ka Aitbaar Kiya Jaaye, Uske Uloom Ki Nashr O Isha’at Ki Jaaye, Pas In Tamam Huqooq Me Allah Ki Kitaab Ko Deegar Tamam Kutub Ke Muqaable Me Khaas Karna Deen Kahlaata Hai,

Deen Ko Rasool Ke Saath Khaas Karne Se Muraad Ye Hai Ke, Rasool Ki Tasdeeq Ki Jaaye, Wahiyy Ke Zariye Jo Ilm  Rasool Ko Diya Gaya Hai Uspar Imaan Laaya Jaaye, Har Maamle Me Nabi Ki Ita’at Ki Jaaye, Uski Sunnaton Ko Zinda Kiya Jaaye, Uski Laayi Hui Shariat Aur Dawat Ki Tableegh Ki Jaaye, Uski Hadith Ke Mane Wa Mafhoom Me Ghaur O Fiqr Kiya Jaaye, Uski Ta’zeem Wa Tauqeer Ki Jaaye, Uske Ahle Bait Wa Ashaab Se Muhabbat Ki Jaaye, Yani In Tamaam Khususiyaat Me Rasool Ko Ghair Rasool Se Khaas Karna Deen Kahlaata Hai,

Deen Ko Aimma E Muslimeen Yani Hukmarano Ke Liye Khaas Karne Se Muraad Ye Hai Ke Haq Me Unki Mua’winat Ki Jaaye, Unke Saath Akhlaq Was Adab Wa Ehteraam Se Pesh Aaya Jaaye, Maroof Me Bhi Unki Ita’at Ki Jaaye, Aur Munkar Par Unhen  Tanbiyah Wa Tazkeer Munaasib Tareeqe Par Ki Jaaye, Jab Tak Wah Namaz Wa Zakaat Ko Qayam Karte Rahen, Unke Khilaaf Baghawat Se Ghurez Kiya Jaaye, Unke Saath Milkar Jihad Kiya Jaaye, Unke Mutaalliq Jhooti Afwaahen Failaane Se Ghurez Kiya Jaaye Yani Us Sulooq Ko Aam Qaayedeen Ke Muqable Me Musalman Hukmaraano Ke Saath Khaas Karna Deen Kahlaata Hai,

Aur Deen Ko Musalmano Ke Saath Khalis Karne Se Muraad Ye Hai Ke 

Unke Haq Me Aisi Cheezon Aur Baton Se Ghurez Kiya Jaaye Jo Duniya Aur Aakhirat Me  

Unke Khasaare Ka Ba’as Hon, Apne Haathon Ko Har Us Amal Se Roka Jaaye Jo Unke Liye Pareshani Ka Ba’as Ban Sakta Ho, Unki Khamiyon Ki Pardah Poshi Ki Jaaye, Unke Nafa O Nuqsaan Ka Khyaal Kiya Jaaye, Narmi Aur Khuloos Ke Saath Amr Bil Maroof Nahi Anil Munkar Kiya Jaaye, Badon Ki Izzat Ki Jaaye Aur Chhoton Par Rahem Kiya Jaaye, Unme Salaam Ko Aam Kiya Jaaye, Unki Jaan Maal O Izzat Ke Pamaal Karne Ko Apne Oopar Haraam Samjha Jaaye, Yani Is Taraz E Amal Ko Ghair Musalamon Ke Muqaable Me Musalmano Ke Saath Khaas Karna Deen Kahlaata Hai….

TAMAM IBADAAT KO ALLAH KE LIYE KHALIS KARNA DEEN HAI:

1-Kya Wah Jamat Jo Bistar Uthaaye Masjid Masjid Ghoom Rahi Hai 

Isi Deen Ki Daawat De Rahi Hai Jo Bala Hadith Aur Uski Sharah Me Mazkoor Hai ???

2-Jis Jamaat Ke Nazdeeq, Deen Ko Allah Se Khalis Karne Se Muraad Ye Ho Ke Dua Jaise Azeem Tareen Ibaadat Me Buzurgon Ka Waseela Akhtiyar Karna Jayez Ho, Kya Deen Ka Kaam Karne Ke Ahal Ho Sakti Hai ??? Jab Ke Nabi E Kareem Muhammad Sallalaho Alaihi Wsasallam Ke Farmaan Ke Mutaabiq Dua Hi Asal Ibaadat Hai Aur Maloom Hona Chahiye Ke 

Nabi E Kareem Muhammad Sallalaho Alaihi Wasallam Ka Apni Qaum Se Asal Ikhtelaaf Waseela Par Hi Tha.

3-Kya Musalmano Ka Koi Firqa  Aisa Hai Jo Apne Apko Musalman Kahta Ho 

Aur Fir Ye Dawa Na Karta Ho Ke Wo Allah Aur Uske Rasool Sallalaho Alaihi Wasallam Ki Taraf Dawat De Raha Hai, Isliye Tableegh Jamaat Agar Ye Kahti Hai Ya Bazahir Aisa Karti Hui Dikhaayi Deti Hai Toh Ye Baat Uske Haq Par Hone Ki Daleel Nahin Ban Sakti,

Kyunki Tableegh E Deen Namaz, Roza , Hajj, Zakaat 

Aur Sadaqaat Ke Fazail Bayan Karne Ka Naam Nahin Balke Tableegh E Deen Ka Asal Maqsad Aqaid Ki Islaah 

Aur Durustagi Hai, Jabke Tableegh Jamat Bka Nisaab Aur Unki Deegar Kutub Sahih Islami Aqaid Ke Bayan Se Na Sirf Kulli Taur Par Paak Hain Balke Ghalat Aur Ghair Islaami Aqaid Ki Tasheer Ba’zariye Hikaayat Aaam Karne Me Tableeghi Jamaat Aur Uska Nisaab Pesh Pesh Hai

Tableeghi Jamat Me Kuch Khoobiyan Aur Acchi Baatein Bhi Hain Lekin Malum Hona 

Chahiye Ke Un Acchi Baton Ko Barbaad Kar Den Eke Liye Ek Ghalat Aqeedah Hi Kaafi Hai 

 Jabke Tableeghi Aur Deobandi Jamaat Ke Bahut Se Aqeede Baatil Hain Jinki Aap Muqammal Tafseel 

Aap Hamare Blog Me Padh Sakte Hain,

Nez Kya Aap Bata Sakte Hain Ke Duniya Me Koi Ek Bhi Aisi Mazhabi Jamaat Hai 

Jisme Sire Se Koi Khoobi Hi Na Ho, Maslan, Hindu, Yahoodi, Isaayi, 

Mazhab Me Bhi Bahut Se Khoobiyan Maujood Hain,

Kya Aao Unki Un Khoobion Ki Bina Par Un Mazhab Ki Tareef Karenge ?? Aur Unme Shamil Hona Chaahenge ??

 Dar’haqeeqat Hamari Awaam Aqeede Ki Ahmiyat Aur Zaroorat Ko Aksar O Beshtar Samjhne Se Kaasir Hote Hain, Isliye Who Tableeghi Jamaat Ke Zaahiri Chilat Firat Aur Qurbanion Se Mutaasir Hokar Us Jamaat Hi Himaayat Aur Taeed Me Lag Jaate Hain,

Is Masle Ko Aap Is Tarah Samjhen Ke Qadyanion Ka Aakhir Kya Qusoor Tha Ke Unhe Millat E Islamiya Se Kharij Qarar Diya Gaya, Kya Wah Namaz Sde Inkaari They Ya Roza Wa Zakaat Ke Munkar They Aur Kisi Aur Islami Sha’are Ke Taarak They. Saaf Zaahir Hai Ke Nahin Balke Baat Sirf Itni Thi Ke Wah Ek Islami Aqeede Khatam Nubuwwat Ke Inkaari They, Isliye Wah Millat E Islamiya Se Kharij Qarar Diye Gaye, 

Jabke Tableeghi Aur Deobandi Jamat Ke Akaabireen Aqeeda Tauheed Me Bhi Sahaba Kiraam Ke Aqeede Ke Khilaaf Aqeedah Rakhte Hain, Is Aitbaar Se Ye Log Qadyanion Se Bhi Zyadah Mujrim Hain, Kyonki Aqeedah Tauheed Aqeedah Khatam E Nubuwwat Se Bhi Zyadah Aham Aur Awwaleen Hai Aur Hamara Tableeghi Jamat Se Buniyadi Ikhtelaaf Bhi Yahi Hai, 

Yani Agar Ye Log Apne Aqaid Durust Kar Len Aur Apni Tableeghi Nisaab Ki Islaah Kar Len Nez Tableeghi Tareeqe Kar Ko Sunnat Ke Mutaabiq Banal En Toh Hamara Unse Koi Ikhtelaaf Nahin….

TILAAWAT AUR NASHR O ISHA’AT ME KITABULLAH KO KHALIS KARNA DEEN HAI

 

Allah Tala Ne Quraan Qareem Me Farmaya:

 

Ikhtara’a Kp Deen Samjh Lete Hain Aur Is Daur Me Tableeghi Jamat Is Aayat Ka Misdaaq Nazar Aati Hai

 Kyunki Allah Ki Ayat Ka Kufr Is Jamat Me Khaas 

Taur Se Paaya Jaata Hai, Ahle Ilm Ke Nazdeeq Kufr Ki 2 Qismein Hain, Ek Amli Kufr Aur Dusra Aiteqadi Kufr, 

Allah Ki Aayat Se Amli Kufiyah Ye Hai Ke Allah Ki Kitab Ko Padhne Aur Samjhne Se Airaaz Kiya Jaaye Pas:

1- Jo Jamaat Apne Ijtemaat Aur Halqon Me Quraan Ki Bajaaye Deegar Kutub Ki Tilaawat Aur 

Nashr O Isha’at Karti Hai Aur Ye Aqeedah Rakhti Ho Ke Quran Ko Samjhne Ke Liye 15 Uloom Ki Zaroorat Hai, 

Isliye Quraan Ko Samjhne Ki Niyat Se Haath Bhi Mat Lagaao, 

Agar Iska Jawab Ye Hai Ke Un Aayat Ki Tashreeh Zakariya Sahab Ne Kardi Hai Is Sabab In Aayaton Ko Samjhne Ke Liye 15 Uloom Ki Zaroorat Nahin Hai, 

Fir Sawaal Ye Paida Hota Hai Ke Agar Tashreeh Se Quraan Ki Aayat Samjh Aa Sakti Hai Toh 

Kya Baaqi Quraan Ko Samjhne Ke Liye Ulema Ki Tafaseer Maujood Nahin Hain ???

3- Tableeghi Jamaat Ke Akaabireen Agar Ye Aqeeda Rakhte Hain Ke Quran Ko Samjhne Le Liye 15 Uloom Ki Zaroorat Hai

 Toh Fir Apne Chillon Aur Sah Rozon Me In Uloom Ko Sikhaane Ka Ehtemaam Karne Ki Bajaaye Quraan Ki Chand Sooratein

 Rataane Par Hi Iktefa Kyun Karte Hain Kya In Uloom Ko Sikhaane Aur Sikhaana Deen Ka Kaam Nahin Hai ???

Kufr Ki Dusri Qism Kufr Aiteqadi Hai Aur Ye Kufr Bhi Tableeghi Jamaat Ke Akabireen Me Paaya Jaata Hai , 

Iski Misaal Fiqh Hanafi Ki Sabse Badi Kitab Hidaya Se Haazir Hai Jiske Bare Me Ahnaaf Ka Kahna Hai Ke 

 

“ Hidayatul Quraan” Yanoi Hidaya Quraan Ki Maanind Hai, Allama Ibne Hammam Hanafi Mazhab Ke Bade Ulema Mese Ek Hain Unhone 

9 Jildon Me Hidaya Ki Sharah Likhi Hai Aur Aqaid Me Unki Kitaab Al Musairah Hai, 

Usko 2 Sharahen Uske Saath Chhapi Hui Hain Ek Kamala Bin Abi Shareef Ki Hai Dusri Qasim Bin Qatloo Bagha Ki Hai, 

Us Kitab Ke Page No 69-70 Me Hai Ke:

“Allah Tala Qalaam Karta Hai Magar Uska Qalaam Qadeem Hai Uski Zaat Ke Saath Qayam Hai Usse Juda Nahin Hai 

Aur Uske Kalaam Ke Na Huroof Hain Na Aawaaz Hai Aur Uska Kalaam Na Ibraani Hai Na Thawri Hai Na Arabic Hai, 

Balke Arabic ,Ibrani Soori, Arabic Aur Ibraani Kalaam Jisme Ye Kitabein Naazil Hui Kalaam Ilaahi Par Dalaalat Karti Hain,

 In Zabaano Me Ye Haqeeqat Me Allah Ka Kalaam Nahin Hai ”

Matlab Ye Hai Ke Ye Kitaabein Kalaam Allah Ka Tarjuma Hain Aur Is Qaayede Me Aqeedah Bayan Kiya Gaya Hai Ke Allah Ke Kalaam Ke Alfaaz Bhi Nahin Hain 

Aur Uske Kalaam Ki Koi Aawaaz Nahin Hai, 

Pas Jab Allah Ka Kalaam Be’ghair Alfaaz Wa Be’ghair Aawaaz Ho Toh Ye Quraan Allah Ka Kalaam Na Hua Balke Allah Ke Kalaam Ka Tarjuma 

Aur Mane Hua Yani Jab Allah Ki Aawaaz Sunaayi Nahin De Sakti Toh Fir Jibrael Ne Allah Ka Koi Kalaam Nahin Suna 

Aur Hamare Paas Maujooda Quraan Allah Ka Kalaam Nahin Aur Kisi Ka Kalaam Hua,

Yahi Wajah Hai Ke Zakariya Sahab Apne Is Aqeede Ka Tableeghi Nisaab Me In Alfaaz Me Zikr Kar Rahen Hain

“Kalaamiullah Shareef Ma’bood Ka Kalaam Hai, Mahboob Wa Matloob Ke Farmoodah Alfaaz Hain”

Scan-

  Aur Aage Farmaate Hain

“Kalaam Ilaahi Mahboob Wa Hakim Ka Kalaam Hai Isliye Dono Aadaab Ka

 Majmua Iske Saath Baratna Zaroori Hai”

(Fazail Quraan Page 7)

Scan-

 Bhaiyyon Khud Faisla Karen Jis Jamaat Ke Akaabireen Ka Ye Aqeeda Ho Kya Who Deen Ka Kaam Karne Ki Ahal Ho Sakti Hai ??

TO BE CONTINUE....

NAMAAZ E JUMU'AH HAR MUKALLAF PAR WAJIB HAI SIWAYE AURAT, GHULAM, MUSAFIR AUR MAREEZ KE (YANI IS SAB PAR JUM’AH FARZ NAHI HAI)

Hazrat Tariq Bin Shihab RadhiAllahu Anhu se marwi hai ki Nabi Sallallahu Alayhi Wa-sallam ne farmaya: "Namaaz e Jumu'ah har Musalman par ba Jama'at ada karna haqq aur wajib hai magar char qism ke log is se mustashna hain: Ghulam, Aurat, Bachcha aur Mareez.”

[Saheeh: Saheeh Abu Dawud 942, Abu Dawud 1067, Darqutnee (2/3) Bayhaqi (3/172)]

Hazrat Ibn Umar RadhiAllahu Anhu se marwi hai ki Rasool Allah Sallallahu Alayhi Wa-sallam ne farmaya: "Musafir par Jumu'ah zaroori nahin hai."

[Za'eef: Bulugh ul-Maram 438, rawahu at-Tabrani' kama fee at-Talkhees (2/65) Hafiz Ibn Hajar Rahimahullah ne isey Za'eef kaha hai, Shaykh Muhammad Subhi Hasan Hallaq ne bhi isey Za'eef kaha hai. [At-Ta'leeq ala Subul as-Salam (3/196)] Shaykh Hazim Ali Qazi raqamtaraz  hain ke is ki Sanad Za'eef hai lekin ma'ani Saheeh hai. [At-Ta'leeq ala Subul as-Salam (2/658)]

Hazrat Jabir RadhiAllahu Anhu se marwi ek riwayat mein hai ki "Jo shaksh bhi Allah Taala aur yaum e aakhirat par eemaan rakhta hai us par Jumu'ah lazim hai magar char qism ke log is hukum mein shamil nahin: Aurat, Musafir, Ghulam aur Mareez.”

[Za'eef: Darqutnee (2/3), Bayhaqi (3/184) al-Kamil li ibn 'Adi (6/432) yeh Hadees is liye za'eef hai kyunki is ki sanad mein 2 rawi ibn Luhayy' aur Mu'az bin Muhammad Ansari za'eef hai. [Nayl ul-Awtaar (2/505)]


(Nawawi Rahimahullah) Aisi Khawateen jo  boodhi nahin hain un par bil ikhtelaaf Jumu'ah wajib nahin hai albatta jo boodhi hain Imaam Shafi'i Rahimahullah farmate hain ke un ke liye Jumu'ah mein hazir hona mustahab hai.
[Al-Majmoo' (4/496)]

Ghulam bhi Farziat Jumu'ah se mustashna hai albatta Ahle Zahir Imaam Dawud Rahimahullah umoomi dalail ki wajah se is par bhi Jumu'ah ko wajib kehte hain.

Mareez par bhi Jumu'ah wajib nahin jabki Jumu'ah mein hazri ke liye mushaqqat uthani padhe.

(Abu Hanifah Rahimahullah) Mareez ki tarah Andhe par bhi Jumu'ah Farz nahi agarche Masjid le jane ke liye koi us ka rehnuma maujood ho.

(Shafi'i Rahimahullah) Agar koi rehnuma maujood ho to Andhe shaksh ke liye Jumu'ah chhodhne ka koi uzr nahin.

Bil ittifaq Nabaligh bachche par bhi Jumu'ah wajib nahin hai, aur Musafir par Jumu'ah wajib hai ya nahin is ke mutalliq chunki Ahadees Za'eef hai is liye Ulama ne is mein ikhtelaaf kiya hai lekin razeh baat yehi hai ki Musafir par Jumu'ah Farz nahin (Jabki woh halat e safar mein ho aur us par Safar ka lafz sadiq aata ho) isi liye Aap Sallallahu Alayhi Wa-sallam ne dauran Hajj Arafat mein Jumu'ah nahi padha balki Namaaz e Zuhr ada ki.

(Jamhoor) Musafir par Jumu'ah wajib nahin.
[Nayl ul-Awtaar (2/505_506) Subul as-Salam (2/659) Al-Majmoo' (4/496) Al-Bahr (2/4)]

('Amir as-Sana'ni Rahimahullah) Musafir par Jumu'ah wajib nahin.
[Subul as-Salam (2/659)]

(Saudi Majlis Ifta') Musafir par baJamaat Namaaz Jumu'ah wajib nahi, agar woh halat e safar mein ho toh Qasr kare aur muqeem ho to Zuhr ki char Raka'at ada kare.
[Fatawaa Islamiyyah (1/397)]

(Ibn Hazm Rahimahullah) Musafir par Jumu'ah wajib hai.
[Al-Muhalla bil-aasar 93/252)]

Yaad rahe ki in sab par Jumu'ah Farz to nahin lekin agar in mein se koi Jumu'ah padhle toh durust hai aur isi tarah Mareez ya Musafir shaksh Imaamat karaye toh yeh bhi jayez hai. Neej Minhaj us-Sunnah mein hai ki Ghulam, Bachche aur Musafir ke pichhe Jumu'ah Saheeh hai aur us mein yeh bhi hai ki aise Ma'zoor par Jumu'ah zaroori nahi hai jise Jamaat chhodhne ki rukhsat di gayi hai.


[FIQH UL-HADEES| Islami Tarz e zindagi se mutalliq Fiqhi Ahkaam o masail; Imaam Sawkani Rahimahullah ki Fiqh ki maroof kitab "Ad-Durur ul-Bahiyah" ka Tarjuma Tasreeh Takhreej o Tahqeeq- Hafiz Imran Ayyub Lahori Hafizahullah, Jild Awwal Safa 526]